ਲੁਧਿਆਣਾ (ਰਾਜ)- ਪੁਲਸ ਪ੍ਰਸ਼ਾਸਨ ਨਸ਼ਾ ਖਤਮ ਕਰਨ ਲਈ ਜਿਥੇ ਪਬਲਿਕ ਨਾਲ ਮੀਟਿੰਗਾਂ ਕਰ ਕੇ ਉਨ੍ਹਾਂ ਨੂੰ ਜਾਗਰੂਕ ਕਰਨ ਦੇ ਨਾਲ ਸਮੱਗਲਰਾਂ ’ਤੇ ਵੀ ਲਗਾਤਾਰ ਕਾਰਵਾਈ ਕਰ ਰਹੀ ਹੈ, ਉਥੇ ਨਸ਼ਾ ਸਮੱਗਲਰ ਪੁਲਸ ਤੋਂ ਇਕ ਕਦਮ ਅੱਗੇ ਰਹਿ ਕੇ ਆਪਣਾ ਕਾਰੋਬਾਰ ਧੜੱਲੇ ਨਾਲ ਚਲਾ ਰਹੇ ਹਨ। ਉਹ ਪੁਲਸ ਦੀ ਇੰਨੀ ਸਖ਼ਤੀ ਦੇ ਬਾਵਜੂਦ ਉਹ ਨਸ਼ਾ ਮੰਗਵਾ ਵੀ ਰਹੇ ਅਤੇ ਨਸ਼ਾ ਵੇਚਣ ਦੀ 24 ਘੰਟੇ ਸਰਵਿਸ ਵੀ ਦੇ ਰਹੇ ਹਨ। ਭਾਵੇਂ ਰਾਤ ਦੇ 2 ਵੱਜੇ ਹੋਣ, ਨਸ਼ਾ ਖਰੀਦਣ ਵਾਲੇ ਨੂੰ ਨਸ਼ਾ ਮਿਲ ਜਾਵੇਗਾ। ਇਹ ਕੋਈ ਹੋਰ ਨਹੀਂ, ਸਗੋਂ ਇਕ ਵਾਇਰਲ ਹੋਈ ਵੀਡੀਓ ’ਚ ਨਸ਼ਾ ਕਰਦੇ ਦੀ ਨਸ਼ੇੜੀ ਹੀ ਦੱਸ ਰਹੇ ਹਨ।
ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਦੀ ਅਦਾਲਤ 'ਚ ਚੱਲੀ ਗੋਲ਼ੀ! ਪੁਲਸ ਮੁਲਾਜ਼ਮ ਦੀ ਹੋਈ ਮੌਤ
ਦਰਅਸਲ, ਮੰਗਲਵਾਰ ਨੂੰ ਇਕ ਵੀਡੀਓ ਵਾਇਰਲ ਹੋਈ ਹੈ, ਜਿਸ ’ਚ 3 ਨੌਜਵਾਨ ਨਸ਼ੇ ਦਾ ਇੰਜੈਕਸ਼ਨ ਲਗਾ ਰਹੇ ਸਨ। ਇਹ ਵੀਡੀਓ ਸੈਕਟਰ-32, ਚੰਡੀਗੜ੍ਹ ਰੋਡ ਸਥਿਤ ਵਿਸ਼ਾਲ ਮੈਗਾਮਾਰਟ ਦੇ ਬਿਲਕੁਲ ਬੈਕਸਾਈਡ ਲੋਕੇਸ਼ਨ ਦੀ ਹੈ, ਜਿਥੇ ਸੜਕ ਦੇ ਕਿਨਾਰੇ 3 ਨੌਜਵਾਨ ਖੜ੍ਹੇ ਹਨ। ਵੀਡੀਓ ’ਚ ਇਕ ਨੌਜਵਾਨ ਦੂਜੇ ਨੌਜਵਾਨ ਦੀ ਬਾਂਹ ’ਚ ‘ਚਿੱਟੇ’ ਦਾ ਇੰਜੈਕਸ਼ਨ ਲਗਾ ਰਿਹਾ ਹੈ। ਤਿੰਨੇ ਨੌਜਵਾਨਾਂ ਨੇ ਪਛਾਣ ਛੁਪਾਉਣ ਲਈ ਮੂੰਹ ’ਤੇ ਰੁਮਾਲ ਬੰਨ੍ਹ ਰੱਖਿਆ ਸੀ, ਉਥੇ ਗੁਜ਼ਰ ਰਿਹਾ ਇਕ ਮੀਡੀਆ ਕਰਮਚਾਰੀ ਨੇ ਇਹ ਦੇਖ ਕੇ ਉਨ੍ਹਾਂ ਦੀ ਵੀਡੀਓ ਬਣਾਉਣ ਲੱਗਾ, ਉਸ ਨੂੰ ਦੇਖ ਪਬਲਿਕ ਵੀ ਰੁਕ ਕੇ ਦੇਖਣ ਲੱਗੀ।
ਮੀਡੀਆ ਕਰਮਚਾਰੀ ਨੇ ਵੀਡੀਓ ਬਣਾ ਲਈ ਅਤੇ ਉਨ੍ਹਾਂ ਨੂੰ ਸਮਝਾਇਆ ਕਿ ਉਹ ਨਸ਼ਾ ਬੰਦ ਕਰ ਦੇਣ। ਇਸ ’ਤੇ ਨਸ਼ੇੜੀ ਕਹਿੰਦਾ ਹੈ ਕਿ ਉਹ 2 ਭਰਾ ਹਨ। ਦੋਵੇਂ ਹੀ ਨਸ਼ੇ ਦੇ ਆਦੀ ਹਨ। ਨਸ਼ੇੜੀ ਨੌਜਵਾਨ ਨੇ ਕਿਹਾ ਕਿ ਉਹ ਦਿਨ ’ਚ 4-5 ਵਾਰ ਇੰਜੈਕਸ਼ਨ ਲਗਾਉਂਦੇ ਹਨ। ਨਸ਼ੇ ਤੋਂ ਬਿਨਾਂ ਉਨ੍ਹਾਂ ਦਾ ਦਿਨ ਨਹੀਂ ਗੁਜ਼ਰਦਾ। ਉਹ ਛੱਡਣਾ ਚਾਹੁੰਦੇ ਹਨ ਪਰ ਨਹੀਂ ਛੱਡ ਹੋ ਰਿਹਾ।
ਹੈਰਾਨੀ ਦੀ ਗੱਲ ਇਹ ਹੈ ਕਿ ਨਸ਼ੇ ਦਾ ਇੰਜੈਕਸ਼ਨ ਕਾਫੀ ਦੇਰ ਤੱਕ ਨੌਜਵਾਨ ਦੀ ਬਾਂਹ ’ਚ ਹੀ ਲੱਗਾ ਰਿਹਾ। ਜਦ ਉਸ ਨੂੰ ਇੰਜੈਕਸ਼ਨ ਕੱਢਣ ਲਈ ਕਿਹਾ ਤਾਂ ਬੋਲਿਆ ਕਿ ਜੇਕਰ ਪਹਿਲਾਂ ਕੱਢ ਦਿੱਤਾ ਤਾਂ ਨਸ਼ਾ ਨਹੀਂ ਹੋਵੇਗਾ। ਜਦ ਮੀਡੀਆ ਕਰਮਚਾਰੀ ਨੇ ਪੁੱਛਿਆ ਕਿ ਉਹ ਨਸ਼ਾ ਕਿਥੋਂ ਲੈ ਕੇ ਆਉਂਦੇ ਹਨ, ਤਾਂ ਉਨ੍ਹਾਂ ਕਿਹਾ ਕਿ ਪੂਰੇ ਸ਼ਹਿਰ ’ਚ ਨਸ਼ਾ ਸ਼ਰੇਆਮ ਵਿਕ ਰਿਹਾ ਹੈ। ਇਸ ਦੇ ਨਾਲ ਹੀ ਨੌਜਵਾਨਾਂ ਨੇ ਇਕ ਨਸ਼ਾ ਸਮੱਗਲਰ ਦਾ ਨਾਂ ਵੀ ਦੱਸਿਆ ਕਿ ਉਹ ਖੁੱਲ੍ਹ ਕੇ ਨਸ਼ਾ ਵੇਚਦਾ ਹੈ। ਉਸ ਕੋਲ ਚਾਹੇ ਅੱਧੀ ਰਾਤ ਨੂੰ ਚਲੇ ਜਾਓ, ਤਾਂ ਵੀ ਨਸ਼ਾ ਮਿਲ ਜਾਵੇਗਾ।
ਸੰਜੇ ਗਾਂਧੀ ਕਾਲੋਨੀ ’ਚ ਮਿਲ ਰਿਹਾ ਹੈ ਅਤੇ ਬਸਤੀ ਦਾ ਸੰਨੀ ਮਾਡਲ ਵੇਚ ਰਿਹਾ ਨਸ਼ਾ
ਨਸ਼ੇੜੀ ਨੌਜਵਾਨਾਂ ਨੇ ਦੱਸਿਆ ਕਿ ਪਹਿਲਾਂ ਨਸ਼ਾ ਮੁਸ਼ਕਲ ਨਾਲ ਮਿਲਦਾ ਸੀ ਅਤੇ ਮਹਿੰਗਾ ਸੀ ਪਰ ਹੁਣ ਤਾਂ ਬਹੁਤ ਸਸਤਾ ਹੋ ਗਿਆ ਹੈ। ਪਹਿਲਾਂ ਉਹ ਇਕ ਬਿੱਟ 400 ਤੋਂ 500 ’ਚ ਖਰੀਦਦੇ ਸਨ ਪਰ ਹੁਣ 200 ’ਚ ਮਿਲ ਰਿਹਾ ਹੈ। ਨਸ਼ੇੜੀ ਨੌਜਵਾਨਾਂ ਨੇ ਦੱਸਿਆ ਕਿ ਬਸਤੀ ਜੋਧੇਵਾਲ ਦਾ ਸਭ ਤੋਂ ਵੱਡਾ ਨਸ਼ਾ ਸਮੱਗਲਰ ਸੰਨੀ ਮਾਡਲ ਹੈ, ਜੋ ਕਿ ਸ਼ਰੇਆਮ ਨਸ਼ਾ ਵੇਚ ਰਿਹਾ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਸੱਜ-ਵਿਆਹੀ ਨੂੰ ਕਾਲੇ ਰੰਗ ਦੇ ਮਿਹਨੇ ਮਾਰਦੇ ਸੀ ਸਹੁਰੇ, ਫ਼ਿਰ ਕੁੜੀ ਨੇ ਜੋ ਕੀਤਾ ਜਾਣ ਉੱਡ ਜਾਣਗੇ ਹੋਸ਼ (ਵੀਡੀਓ)
ਸ਼ਹਿਰ ’ਚ ਕਿਤੇ ਨਸ਼ਾ ਨਾ ਮਿਲਦਾ ਹੋਵੇ ਪਰ ਉਸ ਕੋਲ ਜਾਓਗੇ ਤਾਂ ਦੇਰ ਰਾਤ ਨੂੰ ਵੀ ਨਸ਼ਾ ਮਿਲ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਪੁਲਸ ਨੂੰ ਚਾਹੀਦਾ ਕਿ ਨਸ਼ਾ ਬੰਦ ਕਰਵਾਇਆ ਜਾਵੇ। ਜੇਕਰ ਨਸ਼ਾ ਨਹੀਂ ਮਿਲੇਗਾ ਤਾਂ ਉਨ੍ਹਾਂ ਨੂੰ ਮਜਬੂਰਨ ਛੱਡਣਾ ਪਵੇਗਾ ਪਰ ਹੁਣ ਆਸਾਨੀ ਨਾਲ ਮਿਲ ਰਿਹਾ ਹੈ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਸਾਲ਼ੀ ਦੇ ਕਤਲ ਮਾਮਲੇ 'ਚ ਗ੍ਰਿਫ਼ਤਾਰ ਜੀਜਾ ਅਦਾਲਤ ਨੇ ਕੀਤਾ ਬਰੀ
NEXT STORY