ਫਿਲੌਰ, (ਭਾਖਡ਼ੀ)— ਆਰ. ਟੀ. ਆਈ. ਰਾਹੀਂ ਮਿਲੀ ਜਾਣਕਾਰੀ ਤੋਂ ਇਹ ਖੁਲਾਸਾ ਹੋਇਆ ਹੈ ਕਿ ਸਵਿਸ ਬੈਂਕ ’ਚ ਭਾਰਤੀਆਂ ਦੇ ਪਏ ਧਨ ਤੋਂ ਕਈ ਗੁਣਾ ਜ਼ਿਆਦਾ ਧਨ ਦੇਸ਼ ਦੇ ਲੋਕ ਖੇਤੀ ਤੇ ਪੇਂਡੂ ਵਿਕਾਸ ਦੇ ਨਾਂ ’ਤੇ ਲੋਨ ਲੈ ਕੇ ਡਕਾਰ ਚੁੱਕੇ ਹਨ। ਆਰ. ਟੀ. ਆਈ. ਵਰਕਰ ਪੰਜਾਬ ਰੋਹਿਤ ਸੱਭਰਵਾਲ ਨੇ ਦੱਸਿਆ ਕਿ ਉਨ੍ਹਾਂ ਨੇ ਰਿਜ਼ਰਵ ਬੈਂਕ ਆਫ ਇੰਡੀਆ ਤੋਂ ਆਰ.ਟੀ. ਆਈ. ਤਹਿਤ ਜਾਣਕਾਰੀ ਮੰਗੀ ਸੀ ਕਿ ਦੇਸ਼ ਦੇ ਲੋਕਾਂ ਨੇ ਬੈਂਕਾਂ ਦਾ ਕਿੰਨਾ ਰੁਪਇਆ ਲੋਨ ਲੈ ਕੇ ਵਾਪਸ ਨਹੀਂ ਮੋਡ਼ਿਆ।
ਆਰ. ਬੀ. ਆਈ. ਨੇ ਸਿਰਫ ਉਨ੍ਹਾਂ ਨੂੰ ਅਜੇ ਰਾਸ਼ਟਰੀ ਖੇਤੀ ਤੇ ਦਿਹਾਤੀ ਵਿਕਾਸ ਬੈਂਕਾਂ ਦੀ ਸੂਚੀ ਹੀ ਮੁਹੱਈਆ ਕਰਵਾਈ ਹੈ, ਜਿਸ ਦੇ ਅੰਕਡ਼ੇ ਪਡ਼੍ਹ ਕੇ ਉਹ ਦੰਗ ਰਹਿ ਗਏ। ਸੂਚਨਾ ਮੁਤਾਬਕ ਭਾਰਤ ਸਰਕਾਰ ਨੇ ਖੇਤੀ ਤੇ ਪਿੰਡਾਂ ਨੂੰ ਆਧੁਨਿਕ ਬਣਾਉਣ ਲਈ 12 ਜੁਲਾਈ 1982 ਨੂੰ ਜ਼ਿਲਾ ਪੱਧਰ ’ਤੇ ਕੋ-ਆਪ੍ਰੇਟਿਵ ਸੈਂਟ੍ਰਲ ਬੈਂਕ, ਰਿਜਨਲ ਰੂਰਲ ਬੈਂਕ ਤੇ ਸਟੇਟ ਕੋ-ਆਪ੍ਰੇਟਿਵ ਬੈਂਕਾਂ ਦੀ ਸਥਾਪਨਾ ਕੀਤੀ ਸੀ। ਇਨ੍ਹਾਂ ਬੈਂਕਾਂ ਰਾਹੀਂ ਦੇਸ਼ ਦੇ ਲੋਕਾਂ ਨੇ ਅਰਬਾਂ ਰੁਪਏ ਦਾ ਲੋਨ ਲਿਆ, ਜਿਨ੍ਹਾਂ ’ਚੋਂ 54,250 ਕਰੋਡ਼ ਰੁਪਏ ਦੇਸ਼ ਵਾਸੀ ਹਡ਼ੱਪ ਕਰ ਗਏ, ਜੋ ਮੋਡ਼ੇ ਹੀ ਨਹੀਂ ਅਤੇ ਬੈਂਕਾਂ ਨੇ ਉਸ ਨੂੰ ਡਿਫਾਲਟ ਸੂਚੀ ’ਚ ਪਾ ਦਿੱਤਾ। ਇਸ ਤੋਂ ਇਲਾਵਾ 375 ਕਰੋਡ਼ ਰੁਪਏ ਦੀ ਰਾਸ਼ੀ ਇਨ੍ਹਾਂ ਬੈਂਕਾਂ ਦੀ ਅਜਿਹੀ ਹੈ, ਜਿਸ ਨੂੰ ਇਕ ਵਿਅਕਤੀ ਨੇ 100 ਕਰੋਡ਼ ਰੁਪਏ ਜਾਂ ਫਿਰ ਇਸ ਤੋਂ ਉੱਪਰ ਦਾ ਲੋਨ ਲੈ ਕੇ ਮੁਡ਼ ਵਾਪਸ ਨਹੀਂ ਕੀਤਾ।
ਰੋਹਿਤ ਸੱਭਰਵਾਲ ਨੇ ਦੱਸਿਆ ਕਿ ਮੋਦੀ ਸਰਕਾਰ ਨੇ ਕੇਂਦਰ ਦੀ ਸੱਤਾ ਵਿਚ ਆਉਣ ਤੋਂ ਪਹਿਲਾਂ ਲੋਕਾਂ ਨੂੰ ਭਰੋਸਾ ਦਿਵਾਇਆ ਸੀ ਕਿ ਉਹ ਸਵਿਸ ਬੈਂਕਾਂ ਵਿਚ ਪਈ ਦੋ ਨੰਬਰ ਦੀ ਕਮਾਈ ਦੇ ਰੁਪਏ ਵਾਪਸ ਲਿਆ ਕੇ ਦੇਸ਼ ਨੂੰ ਖੁਸ਼ਹਾਲ ਬਣਾਉਣਗੇ, ਜਦੋਂਕਿ ਉਸ ਦੇ ਉਲਟ ਦੇਸ਼ ਦੇ ਹੀ ਲੋਕ ਖੇਤੀ ਤੇ ਪੇਂਡੂ ਵਿਕਾਸ ਦੇ ਨਾਂ ’ਤੇ ਬੈਂਕ ਦਾ 54,250 ਕਰੋਡ਼ ਰੁਪਏ ਦਾ ਲੋਨ ਲੈ ਕੇ ਡਕਾਰ ਮਾਰ ਚੁੱਕੇ ਹਨ ਅਤੇ ਜਿਨ੍ਹਾਂ ਨੂੰ ਬੈਂਕਾਂ ਦੇ ਅਧਿਕਾਰੀ ਪੂਰੀ ਤਰ੍ਹਾਂ ਡੁੱਬੀ ਹੋਈ ਰਕਮ ਦੀ ਸੂਚੀ ’ਚ ਪਾ ਚੁੱਕੇ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਜਾਣਕਾਰੀ ਅਜੇ ਸਿਰਫ ਖੇਤੀ ਤੇ ਦਿਹਾਤੀ ਬੈਂਕਾਂ ਦੀ ਮਿਲੀ ਹੈ।
ਜੇਕਰ ਦੂਜੇ ਹੋਰਨਾਂ ਬੈਂਕਾਂ ਦੀ ਜਾਣਕਾਰੀ ਲਈ ਜਾਵੇ ਤਾਂ ਇਹ ਰਕਮ ਇੰਨੀ ਜ਼ਿਆਦਾ ਹੋ ਜਾਵੇਗੀ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਦੇਸ਼ ਦੀ ਅਰਥ ਵਿਵਸਥਾ ਕਿਨ੍ਹਾਂ ਕਾਰਨਾਂ ਕਰ ਕੇ ਲਡ਼ਖਡ਼ਾ ਚੁੱਕੀ ਹੈ ਕਿਉਂਕਿ ਉਨ੍ਹਾਂ ਬੈਂਕਾਂ ਦੀ ਡਿਫਾਲਟਰਾਂ ਦੀ ਸੂਚੀ ’ਚ ਮਾਲਿਅਾ ਤੇ ਨੀਰਵ ਮੋਦੀ ਵਰਗੇ ਲੋਕ ਵੀ ਸ਼ਾਮਲ ਹਨ।
ਵਿਸ਼ਵ ਦੀ ਸਭ ਤੋਂ ਵੱਡੀ ਮੂਰਤੀ 'ਸਟੈਚੂ ਆਫ ਯੂਨਿਟੀ' ਦੀ ਮੋਦੀ ਕਰਨਗੇ ਘੁੰਢ ਚੁੱਕਾਈ (ਪੜ੍ਹੋ 31 ਅਕਤੂਬਰ ਦੀਆਂ ਖਾਸ ਖਬਰਾ
NEXT STORY 
