ਜਲੰਧਰ/ਗੁਰਦਾਸਪੁਰ(ਰਮਨਦੀਪ ਸਿੰਘ ਸੋਢੀ)— ਗੁਰਦਾਸਪੁਰ ਜ਼ਿਮਨੀ ਚੋਣ ਲਈ ਆਮ ਆਦਮੀ ਪਾਰਟੀ ਵੱਲੋਂ ਸਭ ਤੋਂ ਪਹਿਲਾਂ ਆਪਣੇ ਉਮੀਦਵਾਰ ਦਾ ਐਲਾਨ ਕੀਤਾ ਗਿਆ। ਜਲੰਧਰ ਦੇ ਸਰਕਿਟ ਹਾਊਸ 'ਚ ਅੱਜ 'ਆਪ' ਦੇ ਪੰਜਾਬ ਪ੍ਰਧਾਨ ਭਗਵੰਤ ਮਾਨ ਅਤੇ ਸੁਖਪਾਲ ਖਹਿਰਾ ਨੇ ਪ੍ਰੈੱਸ ਕਾਨਫਰੰਸ ਕਰਦੇ ਹੋਏ ਮੇਜਰ ਜਨਰਲ ਸੁਰੇਸ਼ ਖਜੂਰੀਆ ਨੂੰ ਗੁਰਦਾਸਪੁਰ ਉੱਪ ਚੋਣ ਲਈ 'ਆਪ' ਦਾ ਉਮੀਦਵਾਰ ਐਲਾਨਿਆ।
ਇਸ ਦੌਰਾਨ ਜਗ ਬਾਣੀ ਨਾਲ ਖਾਸ ਗੱਲਬਾਤ ਕਰਦੇ ਹੋਏ ਭਗਵੰਤ ਮਾਨ ਨੇ ਕਿਹਾ ਕਿ ਜਨਰਲ ਮੇਜਰ ਸੁਰੇਸ਼ ਖਜੂਰੀਆ ਨੇ ਸਾਡੇ ਤੋਂ 2012 ਮੈਂਬਰਸ਼ਿਪ ਲਈ ਸੀ। ਉਹ ਸਾਡੇ ਨਾਲ 2012 ਤੋਂ ਜੁੜੇ ਹੋਏ ਹਨ। ਉਹ ਸਾਡੇ ਪੁਰਾਣੇ ਵਲੰਟੀਅਰ ਹਨ। ਖਜੂਰੀਆ 'ਆਪ' ਵੱਲੋਂ ਕੀਤੀਆਂ ਗਈਆਂ ਹਰ ਰੈਲੀਆਂ 'ਚ ਜਾਂਦੇ ਰਹੇ ਹਨ। ਖਜੂਰੀਆ 'ਨੀਟ ਐਂਡ ਕਲੀਨ' ਪਾਲਿਸੀ ਦੇ ਹਾਮੀ ਹਨ। ਅਸੀਂ ਗੁਰਦਾਸਪੁਰ ਜਿੱਤਣ ਲਈ ਜਾਵਾਂਗੇ। ਸਾਡੇ ਆਮ ਆਦਮੀ ਪਾਰਟੀ ਇਕ ਟੀਮ ਦੇ ਰੂਪ 'ਚ ਕੰਮ ਕਰੇਗੀ। ਇਸ ਤੋਂ ਇਲਾਵਾ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਨਗਰ-ਨਿਗਮ ਦੀਆਂ ਚੋਣਾਂ ਅਤੇ ਪੰਚਾਇਤਾਂ ਚੋਣਾਂ ਵੀ ਲੜਾਂਗੇ। ਅਸੀਂ ਜੀਅ ਜਾਨ ਲਗਾ ਕੇ ਚੋਣਾਂ ਲਈ ਪ੍ਰਚਾਰ ਕਰਾਂਗੇ। ਵੀਡੀਓ 'ਚ ਸੁਣੋ 'ਆਪ' ਦੇ ਪੰਜਾਬ ਪ੍ਰਧਾਨ ਭਗਵੰਤ ਮਾਨ ਨਾਲ ਖਾਸ ਗੱਲਬਾਤ।
ਸਰਦਾਰ ਬਾਦਲ ਨੇ ਪ੍ਰਧਾਨ ਮੰਤਰੀ ਨੂੰ ਜਨਮ ਦਿਨ ਦੀ ਵਧਾਈ ਦਿੱਤੀ
NEXT STORY 
