ਬੇਲਗ੍ਰੇਡ- ਭਾਰਤੀ ਮੁੱਕੇਬਾਜ਼ ਨਿਸ਼ਾਂਤ ਦੇਵ (71 ਕਿਲੋਗ੍ਰਾਮ) ਤੇ ਸੰਜੀਤ (92 ਕਿਲੋਗ੍ਰਾਮ) ਨੇ ਇੱਥੇ ਆਖ਼ਰੀ 16 ਪੜਾਅ ਦੇ ਮੁਕਾਬਲਿਆਂ 'ਚ ਸੌਖੀ ਜਿੱਤ ਦੇ ਨਾਲ ਏ. ਆਈ. ਬੀ. ਏ. ਪੁਰਸ਼ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ 'ਚ ਜਗ੍ਹਾ ਬਣਾਈ। ਨਿਸ਼ਾਂਤ ਨੇ ਮੈਕਸਿਕੋ ਦੇ ਮਾਰਕੋ ਅਲਵਾਰੇਜ ਵੇਰਡੇ ਨੂੰ ਐਤਵਾਰ ਰਾਤ ਨੂੰ ਹੋਏ ਮੁਕਾਬਲੇ 'ਚ 3-2 ਨਾਲ ਹਰਾਇਆ। ਉਹ ਕੁਆਰਟਰ ਫ਼ਾਈਨਲ 'ਚ ਰੂਸ ਦੇ ਵਾਦਿਮ ਮੁਸਾਏਵ ਨਾਲ ਭਿੜਨਗੇ।
ਪਿਛਲੀ ਵਿਸ਼ਵ ਚੈਂਪੀਅਨਸ਼ਿਪ ਦੇ ਕੁਆਰਟਰ ਫਾਈਨਲ 'ਚ ਪਹੁੰਚੇ ਸੰਜੀਤ ਨੇ ਜਾਰਜੀਆ ਦੇ ਜੀਓਰਜੀ ਚਿਗਲੇਡਜ਼ ਨੂੰ 4-1 ਨਾਲ ਹਰਾ ਕੇ ਲਗਾਤਾਰ ਦੂਜੀ ਵਾਰ ਆਖ਼ਰੀ ਅੱਠ ਦੇ ਦੌਰ 'ਚ ਪ੍ਰਵੇਸ਼ ਕੀਤਾ। ਸੰਜੀਤ ਕੁਆਰਟਰ ਫ਼ਾਈਨਲ 'ਚ ਇਟਲੀ ਦੇ ਅਜੀਜ਼ ਆਬੇਸ ਮੋਹਿਦਿਨ ਨਾਲ ਭਿੜਨਗੇ। ਇਸ ਟੂਰਨਾਮੈਂਟ ਦੇ ਸੋਨ ਤਮਗ਼ਾ ਜੇਤੂ ਨੂੰ ਇਕ ਲੱਖ ਡਾਲਰ ਦੀ ਇਨਾਮੀ ਰਾਸ਼ੀ ਮਿਲੇਗੀ। ਚਾਂਦੀ ਦਾ ਤਮਗ਼ਾ ਜੇਤੂ ਨੂੰ 50 ਹਜ਼ਾਰ ਡਾਲਰ ਮਿਲਣਗੇ। ਟੂਰਨਾਮੈਂਟ ਦੀ ਕੁਲ ਇਨਾਮੀ ਰਾਸ਼ੀ 26 ਲੱਖ ਡਾਲਰ ਹੈ।
ਬੰਗਲਾਦੇਸ਼ ਨੂੰ ਲੱਗਾ ਵੱਡਾ ਝਟਕਾ, ਸ਼ਾਕਿਬ ਟੀ-20 ਵਿਸ਼ਵ ਕੱਪ ਤੋਂ ਹੋਏ ਬਾਹਰ
NEXT STORY 
