ਗੈਜੇਟ ਡੇਸਕ- ਦੋਪਹੀਆ ਵਾਹਨ ਨਿਰਮਾਤਾ ਕੰਪਨੀ Bajaj ਜਲਦ ਹੀ ਏ. ਬੀ. ਐੱਸ. ਫੀਚਰਸ ਨਾਲ ਲੈਸ Pulsar 220F ਭਾਰਤ 'ਚ ਲਾਂਚ ਕਰੇਗੀ। ਸੰਭਾਵਨਾ ਹੈ ਕਿ ਪਲਸਰ 220ਐੱਫ 'ਚ ਕੰਪਨੀ Pulsar RS200 ਤੇ Pulsar NS200 ਵਾਲਾ ਸਿੰਗਲ-ਚੈਨਲ ਏ. ਬੀ. ਐੱਸ ਯੂਨਿਟ ਦੇਵੇਗੀ। ਇਸ ਤੋਂ ਇਲਾਵਾ ਬਜਾਜ਼ ਦੀ ਇਕ ਹੋਰ ਬਾਈਕ Pulsar 150 'ਚ ਵੀ ਏ. ਬੀ. ਐੱਸ ਦੀ ਸਹੂਲਤ ਮਿਲੇਗੀ। ਪਲਸਰ 150 'ਚ ਏ. ਬੀ. ਐੱਸ ਨੂੰ ਲੈ ਕੇ ਕੰਪਨੀ ਕੰਮ ਕਰ ਰਹੀ ਹੈ।
ਪਲਸਰ ਆਰ. ਐੱਸ200 ਪਹਿਲੀ ਪਲਸਰ ਬਾਈਕ ਸੀ, ਜਿਸ 'ਚ 2osch ਦਾ ਸਿੰਗਲ-ਚੈਨਲ ਏ. ਬੀ. ਐੱਸ ਸਿਸਟਮ ਦਿੱਤਾ ਗਿਆ ਸੀ। ਉਥੇ ਹੀ ਏ. ਬੀ. ਐੱਸ ਦੇ ਇਲਾਵਾ ਨਵੀਂ ਪਲਸਰ 220ਐੱਫ 'ਚ ਰੀਵਾਇਜ਼ਡ ਗਰਾਫਿਕਸ ਦੇਖਣ ਨੂੰ ਮਿਲਣਗੇ। ਇਸ ਬਾਈਕ 'ਚ 220cc ਦਾ ਇੰਜਣ ਦਿੱਤਾ ਗਿਆ ਹੈ, ਜੋ 20.9hp ਦੀ ਪਾਵਰ ਤੇ 18.5Nm ਟਾਰਕ ਜਨਰੇਟ ਕਰਦਾ ਹੈ। ਪਲਸਰ 220ਐੱਫ ਦੇ ਨਾਨ-ਏ. ਬੀ. ਐੱਸ ਵੇਰੀਐਂਟ ਦਾ ਭਾਰ 155 ਕਿੱਲੋਗ੍ਰਾਮ ਹੈ। ਏ. ਬੀ. ਐੱਸ ਤੋਂ ਬਾਅਦ ਇਸ ਦਾ ਭਾਰ ਕੁਝ ਕਿੱਲੋਗ੍ਰਾਮ ਵੱਧ ਸਕਦਾ ਹੈ।
ਕੀਮਤ ਦੀ ਗੱਲ ਕਰੀਏ, ਤਾਂ ਨਾਨ-ਏ. ਬੀ. ਐੱਸ ਪਲਸਰ 2206 ਦੀ ਦਿੱਲੀ 'ਚ ਐਕਸ ਸ਼ੋਰੂਮ ਕੀਮਤ 96,448 ਰੁਪਏ ਹੈ। ਏ. ਬੀ. ਐੱਸ ਤੋਂ ਬਾਅਦ ਇਸ ਦੀ ਕੀਮਤ 10,000-12,000 ਰੁਪਏ ਜ਼ਿਆਦਾ ਹੋ ਸਕਦੀ ਹੈ। ਦੂਜੇ ਪਾਸੇ Pulsar 150 12S ਨੂੰ ਦਿਵਾਲੀ ਦੇ ਕਰੀਬ ਫੇਸਟਿਵ ਸੀਜ਼ਨ 'ਚ ਲਿਆਇਆ ਜਾ ਸਕਦਾ ਹੈ। ਪਲਸਰ 150 ਦੇ ਡਿਸਕ ਬ੍ਰੇਕ ਵੇਰੀਐਂਟ ਦੀ ਕੀਮਤ ਲਗਭਗ 79,000 ਰੁਪਏ ਹੈ। ਡਿਊਲ ਚੈਨਲ ਏ. ਬੀ. ਐੱਸ ਤੇ ਨਵੇਂ ਫੀਚਰਸ ਜੁੜਣ ਤੋਂ ਬਾਅਦ ਨਵੀਂ Pulsar 150 ABS ਦੀ ਕੀਮਤ 90,000 ਰੁਪਏ ਦੀ ਰੇਂਜ 'ਚ ਹੋਣ ਦੀ ਉਮੀਦ ਹੈ।
Honda ਦੀ ਨਵੀਂ CR-V ’ਚ ਹੋਵੇਗਾ ਦਮਦਾਰ ਡੀਜ਼ਲ ਇੰਜਣ, ਲੀਕ ਹੋਈ ਜਾਣਕਾਰੀ
NEXT STORY 
