ਮਾਤਾ-ਪਿਤਾ ਦੇ ਬਾਅਦ ਸਮਾਜ ’ਚ ਅਧਿਆਪਕ ਦਾ ਹੀ ਸਰਵਉੱਚ ਸਥਾਨ ਮੰਨਿਆ ਗਿਆ ਹੈ। ਅਧਿਆਪਕ ਹੀ ਬੱਚਿਆਂ ਨੂੰ ਸਹੀ ਸਿੱਖਿਆ ਦੇ ਕੇ ਗਿਆਨਵਾਨ ਬਣਾਉਂਦੇ ਹਨ ਪਰ ਅੱਜ ਕੁਝ ਅਧਿਆਪਕ-ਅਧਿਆਪਿਕਾਵਾਂ ਆਪਣੀ ਮਰਿਆਦਾ ਭੁੱਲ ਕੇ ਬੱਚਿਆਂ ਦਾ ਯੌਨ ਸ਼ੋਸ਼ਣ ਤੱਕ ਕਰ ਰਹੇ ਹਨ ਜੋ ਪਿਛਲੇ ਤਿੰਨ ਮਹੀਨਿਆਂ ਦੀਆਂ ਹੇਠਲੀਆਂ ਉਦਾਹਰਣਾਂ ਤੋਂ ਸਪੱਸ਼ਟ ਹੈ:
* 22 ਫਰਵਰੀ ਨੂੰ ‘ਬੁਲੰਦਸ਼ਹਿਰ’ (ਉੱਤਰ ਪ੍ਰਦੇਸ਼) ਦੇ ‘ਲਖਾਵਟੀ’ ਪਿੰਡ ’ਚ ਸਥਿਤ ਇਕ ਸੈਕੰਡਰੀ ਸਕੂਲ ’ਚ ਪਹਿਲੀ ਕਲਾਸ ਦੀ ਵਿਦਿਆਰਥਣ ਸਕੂਲ ’ਚ ਸਕਰਟ ਦੀ ਥਾਂ ’ਤੇ ਲੈਗਿੰਗਸ ਪਹਿਨ ਕੇ ਆ ਗਈ ਤਾਂ ਗੁੱਸੇ ’ਚ ਆ ਕੇ ਉਸ ਦੀ ਟੀਚਰ ਨੇ ਪੂਰੀ ਕਲਾਸ ਦੇ ਸਾਹਮਣੇ ਉਸ ਦੀ ਲੈਗਿੰਗ ਉਤਰਵਾ ਕੇ ਢਾਈ ਘੰਟੇ ਤੱਕ ਕਲਾਸਰੂਮ ’ਚ ਖੜ੍ਹੀ ਕਰ ਕੇ ਰੱਖਿਆ। ਇਸ ਦਾ ਪਤਾ ਲੱਗਣ ’ਤੇ ਬੱਚੀ ਦੇ ਸਰਪ੍ਰਸਤਾਂ ਨੇ ਸਕੂਲ ’ਚ ਪਹੁੰਚ ਕੇ ਭਾਰੀ ਹੰਗਾਮਾ ਕੀਤਾ ਅਤੇ ਪੁਲਸ ’ਚ ਟੀਚਰ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਈ।
* 20 ਮਾਰਚ ਨੂੰ ‘ਹਾਥਰਸ’ (ਉੱਤਰ ਪ੍ਰਦੇਸ਼) ਦੇ ਇਕ ਕਾਲਜ ’ਚ ਭੂਗੋਲ ਵਿਭਾਗ ਦੇ ਮੁਖੀ ‘ਪ੍ਰੋਫੈਸਰ ਰਜਨੀਸ਼ ਕੁਮਾਰ’ ਦੇ ਵਿਰੁੱਧ ਵਿਦਿਆਰਥਣਾਂ ਨੂੰ ਆਪਣੇ ਘਰ ਬੁਲਾ ਕੇ ਉਨ੍ਹਾਂ ਦਾ ਯੌਨ ਸ਼ੋਸ਼ਣ ਕਰਨ ਦੇ ਦੋਸ਼ ’ਚ ਕੇਸ ਦਰਜ ਕੀਤਾ ਿਗਆ। ਵਿਦਿਆਰਥਣਾਂ ਚਿਹਰਾ ਢੱਕ ਕੇ ਉਸ ਦੇ ਕਮਰੇ ’ਚ ਪਹੁੰਚਦੀਆਂ ਜਿੱਥੇ ਉਹ ਉਨ੍ਹਾਂ ਦਾ ਯੌਨ ਸ਼ੋਸ਼ਣ ਕਰਦਾ ਸੀ।
* 9 ਅਪ੍੍ਰੈਲ ਨੂੰ ‘ਕੁਸ਼ੀ ਨਗਰ’ (ਉੱਤਰ ਪ੍ਰਦੇਸ਼) ’ਚ ‘ਮੱਲੂਡੀਹ’ ਸਥਿਤ ਸਰਕਾਰੀ ਸਕੂਲ ’ਚ ‘ਮੈਨੂਦੀਨ ਅੰਸਾਰੀ’ ਨਾਂ ਦਾ ਇਕ ਅਧਿਆਪਕ ਇਕ ਵਿਦਿਆਰਥਣ ਨੂੰ ਪ੍ਰੀਖਿਆ ’ਚ ਨੰਬਰ ਵਧਾਉਣ ਦਾ ਝਾਂਸਾ ਦੇ ਕੇ ਇਕ ਕਮਰੇ ’ਚ ਲੈ ਗਿਆ ਅਤੇ ਉਸ ਨਾਲ ਜਬਰ-ਜ਼ਨਾਹ ਕਰ ਦਿੱਤਾ।
ਘਟਨਾ ਦਾ ਪਤਾ ਲੱਗਣ ’ਤੇ ਪਿੰਡ ਵਾਲਿਆਂ ਨੇ ਸਕੂਲ ਦੇ ਬਾਹਰ ਨਾਅਰੇਬਾਜ਼ੀ ਕਰਦੇ ਹੋਏ ਧਰਨਾ ਦੇ ਦਿੱਤਾ ਅਤੇ ਦੋਸ਼ ਲਗਾਇਆ ਕਿ ਸਕੂਲ ਦੇ ਪ੍ਰਿੰਸੀਪਲ ਸਮੇਤ ਹੋਰਨਾਂ ਕਰਮਚਾਰੀਆਂ ਨੂੰ ਉਸਦੀ ਜਾਣਕਾਰੀ ਹੋਣ ਦੇ ਬਾਵਜੂਦ ਉਨ੍ਹਾਂ ਨੇ ਅਧਿਆਪਕ ਨੂੰ ਕੁਝ ਨਹੀਂ ਕਿਹਾ, ਇਸ ਲਈ ਸਕੂਲ ਦਾ ਪੂਰਾ ਸਟਾਫ ਬਦਲਿਆ ਜਾਵੇ।
* 14 ਅਪ੍ਰੈਲ ਨੂੰ ‘ਵਿਕਾਸ ਨਗਰ’ (ਉੱਤਰਾਖੰਡ) ’ਚ ‘ਚਕਰਾਤਾ ਬਲਾਕ’ ਦੇ ਸਰਕਾਰੀ ਸਕੂਲ ਦੇ ਅਧਿਆਪਕ ਵਿਰੁੱਧ ਪੁਲਸ ਨੇ ਇਕ ਲੜਕੀ ਨਾਲ ਜਬਰ-ਜ਼ਨਾਹ ਕਰਨ ਦੇ ਦੋਸ਼ ’ਚ ਕੇਸ ਦਰਜ ਕੀਤਾ। ਇਸ ਘਟਨਾ ਤੋਂ ਦੁਖੀ ਹੋ ਕੇ ਪੀੜਤਾ ਨੇ ਆਤਮਹੱਤਿਆ ਕਰਨ ਦਾ ਯਤਨ ਕੀਤਾ ਪਰ ਸਮੇਂ ਸਿਰ ਪਤਾ ਲੱਗ ਜਾਣ ’ਤੇ ਘਰ ਵਾਲਿਆਂ ਨੇ ਉਸ ਨੂੰ ਹਸਪਤਾਲ ਪਹੁੰਚਾ ਦਿੱਤਾ, ਜਿਸ ਨਾਲ ਉਸ ਦੀ ਜਾਨ ਬਚ ਗਈ।
* 18 ਅਪ੍ਰੈਲ ਨੂੰ ‘ਕਟਨੀ’ (ਮੱਧ ਪ੍ਰਦੇਸ਼) ਦੇ ‘ਬਰਹੀ’ ਸਥਿਤ ਸਰਕਾਰੀ ਹਾਇਰ ਸੈਕੰਡਰੀ ਸਕੂਲ ਦੇ ਅਧਿਆਪਕ ‘ਨਵੀਨ ਪ੍ਰਤਾਪ ਸਿੰਘ’ ਦਾ 7 ਸਕੂਲੀ ਬੱਚਿਆਂ ਨੂੰ ਸ਼ਰਾਬ ਪਿਆਉਣ ਦਾ ਵੀਡੀਓ ਵਾਇਰਲ ਹੋਣ ’ਤੇ ਉਸ ਨੂੰ ਮੁਅੱਤਲ ਕੀਤਾ ਿਗਆ।
* 28 ਅਪ੍ਰੈਲ ਨੂੰ ‘ਬਸਤੀ’ (ਉੱਤਰ ਪ੍ਰਦੇਸ਼) ਦੇ ਪ੍ਰਾਇਮਰੀ ਸਕੂਲ ’ਚ ਪੋਰਨ ਦੇਖਣ ਦੇ ਆਦੀ ‘ਅਲੀ ਆਜ਼ਮ’ ਨਾਂ ਦੇ ਅਧਿਆਪਕ ਵਿਰੁੱਧ ਆਪਣੇ ਕਿਰਾਏ ਦੇ ਮਕਾਨ ’ਚ ਸਾਂਝੇ ਬਾਥਰੂਮ ’ਚ ਸੀ. ਸੀ. ਟੀ. ਵੀ. ਕੈਮਰਾ ਲਗਾ ਕੇ ਦੂਜੇ ਕਿਰਾਏਦਾਰ ਦੀਆਂ ਧੀਆਂ ਦੇ ਨਿੱਜੀ ਪਲਾਂ ਦੇ ਵੀਡੀਓ ਬਣਾਉਣ ਦੇ ਦੋਸ਼ ’ਚ ਪੀੜਤ ਪਰਿਵਾਰ ਨੇ ਪੁਲਸ ’ਚ ਸ਼ਿਕਾਇਤ ਦਰਜ ਕਰਵਾਈ।
* 28 ਮਈ ਨੂੰ ‘ਮੋਤੀਹਾਰੀ’ (ਬਿਹਾਰ) ਦੇ ‘ਕੋਰੀਆ ਲੋਖਾਨ’ ਸਥਿਤ ਪ੍ਰਾਇਮਰੀ ਸਕੂਲ ’ਚ ‘ਸ਼ਮੀਮ ਅਖਤਰ’ ਨਾਂ ਦੇ ਇਕ ਅਧਿਆਪਕ ਨੂੰ ਸਕੂਲ ਕੰਪਲੈਕਸ ’ਚ ਇਕ ਮਹਿਲਾ ਨਾਲ ਰੰਗਰਲੀਆਂ ਮਨਾਉਂਦੇ ਫੜੇ ਜਾਣ ’ਤੇ ਪਿੰਡ ਵਾਸੀਆਂ ਨੇ ਉਸ ਦੀ ਖੂਬ ਕੁੱਟਮਾਰ ਕਰਨ ਤੋਂ ਬਾਅਦ ਹੱਥ-ਪੈਰ ਬੰਨ੍ਹ ਕੇ ਪੁਲਸ ਦੇ ਹਵਾਲੇ ਕਰ ਦਿੱਤਾ।
* 23 ਜੂਨ ਨੂੰ ‘ਗੁਰੂਗ੍ਰਾਮ’ (ਹਰਿਆਣਾ) ਸਥਿਤ ਇਕ ਨਿੱਜੀ ਸਕੂਲ ਦੀ ਵਿਆਹੁਤਾ ਅਧਿਆਪਿਕਾ ਨੂੰ ਇਕ ਨਾਬਾਲਿਗ ਵਿਦਿਆਰਥੀ ਨੂੰ ਪ੍ਰੀਖਿਆ ’ਚ ਚੰਗੇ ਨੰਬਰ ਦਿਵਾਉਣ ਦਾ ਝਾਂਸਾ ਦੇ ਕੇ ਉਸ ਨੂੰ ਹੋਟਲਾਂ ਦੇ ਇਲਾਵਾ ਆਪਣੇ ਘਰ ਲੈ ਜਾ ਕੇ ਉਸ ਨਾਲ ਸਰੀਰਕ ਸਬੰਧ ਬਣਾਉਣ ਦੇ ਦੋਸ਼ ’ਚ ਗ੍ਰਿਫਤਾਰ ਕੀਤਾ ਗਿਆ।
* ਅਤੇ ਹੁਣ 25 ਜੂਨ ਨੂੰ ‘ਧਾਰ’ (ਮੱਧ ਪ੍ਰਦੇਸ਼) ਜ਼ਿਲੇ ’ਚ ‘ਸਿੰਧਾਨਾ’ ਪਿੰਡ ਦੇ ਇਕ ਪ੍ਰਾਇਮਰੀ ਸਕੂਲ ’ਚ ਤਾਇਨਾਤ ‘ਕਵਿਤਾ ਕੋਚੇ’ ਨਾਂ ਦੀ ਅਧਿਆਪਿਕਾ ਵਲੋਂ ਨਸ਼ੇ ਦੀ ਹਾਲਤ ’ਚ ਸ਼ਰਾਬ ਪੀ ਕੇ ਸਕੂਲ ’ਚ ਆ ਕੇ ਹੰਗਾਮਾ ਕਰਨ ਅਤੇ ਸਟਾਫ ਅਤੇ ਵਿਦਿਆਰਥੀਆਂ ਨਾਲ ਅਭੱਦਰ ਭਾਸ਼ਾ ਦੀ ਵਰਤੋਂ ਕਰਨ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸਕੂਲ ਮੈਨੇਜਮੈਂਟ ਨੇ ‘ਕਵਿਤਾ ਕੋਚੇ’ ਨੂੰ ਮੁਅੱਤਲ ਕਰਨ ਦੇ ਨਾਲ ਹੀ ਉਸ ਵਿਰੁੱਧ ਪੁਲਸ ’ਚ ਰਿਪੋਰਟ ਦਰਜ ਕਰਵਾਈ।
ਅਧਿਆਪਕਾਂ ਦੇ ਇਕ ਵਰਗ ਵਲੋਂ ਮਰਿਆਦਾਹੀਣ ਵਤੀਰੇ ਦੀਆਂ ਉਕਤ ਉਦਾਹਰਣਾਂ ਇਸ ਆਦਰਸ਼ ਕਿੱਤੇ ’ਤੇ ਘਿਨੌਣਾ ਧੱਬਾ ਹਨ। ਇਸ ਲਈ ਵਿਦਿਆਰਥਣਾਂ ਨਾਲ ਇਸ ਤਰ੍ਹਾਂ ਦਾ ਵਤੀਰਾ ਕਰਨ ਵਾਲੇ ਅਧਿਆਪਕ-ਅਧਿਆਪਿਕਾਵਾਂ ਨੂੰ ਸਖਤ ਤੋਂ ਸਖਤ ਸਜ਼ਾ ਦਿੱਤੀ ਜਾਵੇ ਤਾਂ ਕਿ ਇਸ ਨਾਲ ਦੂਜੇ ਅਧਿਆਪਕ-ਅਧਿਆਪਿਕਾਵਾਂ ਨੂੰ ਵੀ ਨਸੀਹਤ ਮਿਲੇ ਅਤੇ ਵਿਦਿਆਰਥੀ ਅਤੇ ਵਿਦਿਆਰਥਣਾਂ ਸੁਰੱਖਿਅਤ ਵਾਤਾਵਰਣ ’ਚ ਪੜ੍ਹਾਈ ਕਰ ਸਕਣ।
–ਵਿਜੇ ਕੁਮਾਰ
ਨਸ਼ੇ ’ਤੇ ਹੀ ਨਹੀਂ, ਇਸ ਦੇ ਕਾਰਨਾਂ ’ਤੇ ਵੀ ਲਗਾਮ ਜ਼ਰੂਰੀ
NEXT STORY 
