ਨਵੀਂ ਦਿੱਲੀ - ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ (ਸੀਬੀਡੀਟੀ) ਨੇ ਈ.ਪੀ.ਐਫ. ਜਮ੍ਹਾਂ ਰਕਮਾਂ ਦੇ ਵਿਆਜ 'ਤੇ ਟੈਕਸ ਦੀ ਗਣਨਾ ਲਈ ਨਵਾਂ ਨਿਯਮ ਜਾਰੀ ਕੀਤਾ ਹੈ। ਇਹ ਈ.ਪੀ.ਐਫ. ਵਿੱਚ ਸਾਲਾਨਾ 2.5 ਲੱਖ ਰੁਪਏ ਤੋਂ ਵੱਧ ਦੇ ਯੋਗਦਾਨ ਲਈ ਹੈ। ਨਵੀਂ ਵਿਵਸਥਾ ਦੇ ਅਧੀਨ ਟੈਕਸਯੋਗ ਵਿਆਜ ਦੀ ਗਣਨਾ ਕਰਨ ਲਈ ਪ੍ਰੋਵੀਡੈਂਟ ਫੰਡ ਖਾਤੇ ਦੇ ਅੰਦਰ ਇੱਕ ਵੱਖਰਾ ਖਾਤਾ ਖੋਲ੍ਹਿਆ ਜਾਵੇਗਾ।
ਸਾਲ 2021 ਦੇ ਬਜਟ ਵਿੱਚ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਸੀ ਕਿ ਉਨ੍ਹਾਂ ਦੁਆਰਾ ਪ੍ਰਾਪਤ ਵਿਆਜ ਜਿਨ੍ਹਾਂ ਦਾ ਈ.ਪੀ.ਐਫ. ਅਤੇ ਵੀ.ਪੀ.ਐਫ. ਵਿੱਚ ਸਾਲਾਨਾ ਯੋਗਦਾਨ 2.5 ਲੱਖ ਰੁਪਏ ਤੋਂ ਵੱਧ ਹੈ, ਉੱਤੇ ਟੈਕਸ ਲੱਗੇਗਾ। ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ ਜਾਂ ਸੀ.ਬੀ.ਡੀ.ਟੀ. ਨੇ ਇਹ ਐਲਾਨ ਇਸ ਸਾਲ 31 ਅਗਸਤ ਨੂੰ ਕੀਤਾ ਹੈ।
ਇਹ ਵੀ ਪੜ੍ਹੋ: 1 ਸਤੰਬਰ ਤੋਂ ਹੋ ਰਹੇ ਹਨ ਕਈ ਜ਼ਰੂਰੀ ਬਦਲਾਅ, ਤੁਹਾਡੀ ਆਰਥਿਕ ਸਥਿਤੀ ਨੂੰ ਕਰਨਗੇ ਪ੍ਰਭਾਵਿਤ
31 ਮਾਰਚ, 2021 ਤੱਕ ਦਾ ਯੋਗਦਾਨ ਗੈਰ-ਟੈਕਸਯੋਗ ਰਹੇਗਾ
ਕਿਸੇ ਵਿਅਕਤੀ ਦੁਆਰਾ 31 ਮਾਰਚ, 2021 ਤੱਕ ਈ.ਪੀ.ਐਫ. ਵਿੱਚ ਕੀਤਾ ਗਿਆ ਕੋਈ ਵੀ ਯੋਗਦਾਨ ਗੈਰ-ਟੈਕਸਯੋਗ ਰਹੇਗਾ। ਵਿੱਤੀ ਸਾਲ 2020-21 ਤੋਂ ਬਾਅਦ ਇਨ੍ਹਾਂ ਦੋ ਈ.ਪੀ.ਐਫ. ਖਾਤਿਆਂ 'ਤੇ ਵਿਆਜ ਦੀ ਗਣਨਾ ਵੱਖਰੀ ਹੋਵੇਗੀ। ਇਹ ਦੋ ਖਾਤੇ ਵਿੱਤੀ ਸਾਲ 2021-22 ਅਤੇ ਬਾਅਦ ਦੇ ਵਿੱਤੀ ਸਾਲਾਂ ਲਈ ਭਵਿੱਖ ਨਿਧੀ ਦੇ ਅੰਦਰ ਬਣਾਏ ਜਾਣਗੇ।
ਸੀ.ਟੀ.ਬੀ.ਟੀ. ਨੇ ਕਿਹਾ ਹੈ ਕਿ ਇਹ ਨਿਯਮ 1 ਅਪ੍ਰੈਲ, 2022 ਤੋਂ ਲਾਗੂ ਹੋਵੇਗਾ। ਵਿੱਤੀ ਸਾਲ 2021-22 ਵਿੱਚ ਜੇਕਰ ਪੀ.ਐਫ. ਖਾਤੇ ਵਿੱਚ 2.5 ਲੱਖ ਰੁਪਏ ਤੋਂ ਵੱਧ ਜਮ੍ਹਾਂ ਹੁੰਦੇ ਹਨ, ਤਾਂ ਇਸ ਉੱਤੇ ਪ੍ਰਾਪਤ ਵਿਆਜ ਉੱਤੇ ਟੈਕਸ ਅਦਾ ਕਰਨਾ ਪਏਗਾ।
ਇਹ ਵੀ ਪੜ੍ਹੋ: 1 ਮਹੀਨੇ ਬਾਅਦ ਕਰਨੀ ਹੋਵੇਗੀ 12 ਘੰਟੇ ਨੌਕਰੀ, ਘਟੇਗੀ ਤਨਖ਼ਾਹ ਤੇ ਵਧੇਗਾ PF
ਇਹ ਨਿਯਮ 1 ਅਪ੍ਰੈਲ 2022 ਤੋਂ ਲਾਗੂ ਹੋਵੇਗਾ
ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ (ਸੀਬੀਡੀਟੀ) ਨੇ ਕਿਹਾ ਹੈ ਕਿ ਇਹ ਨਿਯਮ 1 ਅਪ੍ਰੈਲ, 2022 ਤੋਂ ਹੋਂਦ ਵਿੱਚ ਆਉਣਗੇ। ਵਿੱਤੀ ਸਾਲ 2021-22 ਵਿੱਚ ਜੇ ਤੁਹਾਡੇ ਪੀ.ਐਫ. ਖਾਤੇ ਵਿੱਚ 2.5 ਲੱਖ ਤੋਂ ਵੱਧ ਜਮ੍ਹਾਂ ਹਨ, ਤਾਂ ਤੁਹਾਨੂੰ ਮਿਲਣ ਵਾਲੇ ਵਿਆਜ 'ਤੇ ਟੈਕਸ ਅਦਾ ਕਰਨਾ ਪਏਗਾ। ਤੁਹਾਨੂੰ ਅਗਲੇ ਸਾਲ ਦੀ ਇਨਕਮ ਟੈਕਸ ਰਿਟਰਨ ਫਾਈਲਿੰਗ ਵਿੱਚ ਵੀ ਇਸਦਾ ਜ਼ਿਕਰ ਕਰਨਾ ਪਏਗਾ। ਪੀ.ਐੱਫ. ਖ਼ਾਤੇ ਵਿਚ ਹਰ ਸਾਲ 2.5 ਲੱਖ ਰੁਪਏ ਦੀ ਇਹ ਲਿਮਟ ਪ੍ਰਾਈਵੇਟ ਮੁਲਾਜ਼ਮਾਂ ਲਈ ਹੈ।
ਇਹ ਵੀ ਪੜ੍ਹੋ: 1 ਸਤੰਬਰ ਤੋਂ ਬਦਲੇਗਾ PF ਦਾ ਇਹ ਨਿਯਮ, ਗ਼ਲਤੀ ਹੋਈ ਤਾਂ ਰੁਕ ਸਕਦੈ EPF ਦਾ ਪੈਸਾ
ਸਰਕਾਰੀ ਕਰਮਚਾਰੀਆਂ ਲਈ ਵੱਖਰੀ ਸੀਮਾ
ਜੇ ਤੁਸੀਂ ਸਰਕਾਰੀ ਕਰਮਚਾਰੀ ਹੋ, ਤਾਂ ਈਪੀਐਫ ਅਤੇ ਵੀਪੀਐਫ ਵਿੱਚ ਯੋਗਦਾਨ ਦੀ ਇਹ ਸੀਮਾ ਪੰਜ ਲੱਖ ਰੁਪਏ ਹੈ। ਜੇਕਰ ਕਿਸੇ ਸਰਕਾਰੀ ਮੁਲਾਜ਼ਮ ਦੇ ਈ.ਪੀ.ਐਫ. ਅਤੇ ਵੀ.ਪੀ.ਐਫ. ਖਾਤਿਆਂ ਵਿੱਚ ਜਮ੍ਹਾਂ ਰਕਮ ਸਾਲਾਨਾ 5 ਲੱਖ ਰੁਪਏ ਤੋਂ ਵੱਧ ਜਾਂਦੀ ਹੈ, ਤਾਂ ਉਨ੍ਹਾਂ ਨੂੰ ਇਸਦੇ ਵਿਆਜ 'ਤੇ ਟੈਕਸ ਅਦਾ ਕਰਨਾ ਪਏਗਾ। ਕੇਂਦਰੀ ਪ੍ਰਤੱਖ ਟੈਕਸ ਬੋਰਡ ਨੇ ਇਸ ਨੋਟੀਫਿਕੇਸ਼ਨ ਵਿੱਚ ਕਿਹਾ ਹੈ ਕਿ ਵਿੱਤੀ ਸਾਲ 2021-22 ਵਿੱਚ, ਜੇਕਰ ਪੀ.ਐਫ. ਖਾਤੇ ਵਿੱਚ ₹ 2.5 ਲੱਖ ਤੋਂ ਵੱਧ ਦਾ ਯੋਗਦਾਨ ਸਟਾਫ ਦੁਆਰਾ ਦਿੱਤਾ ਜਾਂਦਾ ਹੈ, ਤਾਂ ਇਸਦੇ ਵਿਆਜ ਤੇ ਟੈਕਸ ਅਦਾ ਕਰਨਾ ਪਏਗਾ।
ਇਹ ਵੀ ਪੜ੍ਹੋ: ਤੁਹਾਡੇ Aadhaar ਕਾਰਡ ਨਾਲ ਕਿੰਨੇ ਮੋਬਾਇਲ ਸਿਮ ਜਾਰੀ ਹੋਏ ਹਨ, ਇੱਕ ਮਿੰਟ 'ਚ ਇੰਝ ਲਗਾਓ ਪਤਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
ਲੁਧਿਆਣਾ, ਅੰਮ੍ਰਿਤਸਰ ਸਣੇ ਦੇਸ਼ ਭਰ ਦੇ ਸ਼ਹਿਰਾਂ 'ਚ ਰੁਜ਼ਗਾਰ ਦੇਵੇਗੀ ਐਮਾਜ਼ੋਨ
NEXT STORY 
