ਜਲੰਧਰ— ਨੀਦਰਲੈਂਡ ਆਪਣੀ ਖੁਲ੍ਹੀ ਸੋਚ, ਵਾਤਾਵਰਣ ਅਤੇ ਬਾਈਸਾਈਕਲਸ ਪ੍ਰਤੀ ਪਿਆਰ ਲਈ ਪੂਰੀ ਦੁਨੀਆ 'ਚ ਮਸ਼ਹੂਰ ਹੈ। ਇਸ ਦੇਸ਼ ਨੇ 2014 'ਚ ਪੂਰੀ ਤਰ੍ਹਾਂ ਸੋਲਰ ਐਨਰਜੀ 'ਤੇ ਆਧਾਰਿਤ ਦੁਨੀਆ ਦਾ ਪਹਿਲਾ ਰੋਡ ਬਣਾਇਆ ਸੀ ਅਤੇ ਦੁਨੀਆ 'ਚ ਵਾਹ-ਵਾਹ ਖਟੀ ਸੀ। ਹੁਣ ਇਹ ਦੇਸ਼ ਇਕ ਅਜਿਹਾ ਪ੍ਰਯੋਗ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ ਜਿਸ ਨਾਲ ਟ੍ਰਾਂਸਪੋਰਟ ਖੇਤਰ 'ਚ ਪੈਟਰੋਲ ਅਤੇ ਡੀਜ਼ਲ ਦੀ ਨਿਰਭਰਤਾ ਤੋਂ ਪੂਰੀ ਤਰ੍ਹਾਂ ਛੁਟਕਾਰਾ ਮਿਲ ਜਾਵੇਗਾ।
ਇਥੋਂ ਦੀ ਲੇਬਰ ਪਾਰਟੀ ਨੇ 2025 ਤੋਂ ਸਾਰੀਆਂ ਪੈਟਰੋਲ ਅਤੇ ਡੀਜ਼ਲ ਨਾਲ ਚੱਲਣ ਵਾਲੀਆਂ ਕਾਰਾਂ 'ਤੇ ਰੋਕ ਲਗਾਉਣ ਦਾ ਪ੍ਰਸਤਾਵ ਪੇਸ਼ ਕੀਤਾ ਹੈ। ਇਸ ਦਾ ਮਤਲਬ ਸੜਕਾਂ 'ਤੇ ਸਿਰਫ ਇਲੈਕਟ੍ਰੋਨਿਕ ਕਾਰਾਂ ਹੀ ਨਜ਼ਰ ਆਉਣਗੀਆਂ। ਇਸ ਪ੍ਰਸਤਾਵ ਅਨੁਸਾਰ ਉਥੋਂ ਦੇ ਲੋਕ ਆਪਣੀਆਂ ਕਾਰਾਂ ਨੂੰ 'ਗ੍ਰੀਨ ਕਾਰਾਂ' ਨਾਲ ਐਕਸਚੇਂਜ ਕਰ ਸਕਣਗੇ।
ੋਵਾਤਾਵਰਣ ਦੇ ਮਾਹਿਰਾਂ ਅਤੇ ਕਈ ਵੱਡੇ ਮਾਹਿਰਾਂ ਨੇ ਇਸ ਪ੍ਰਸਤਾਵ ਦੀ ਪ੍ਰਸ਼ੰਸਾ ਕੀਤੀ ਹੈ। ਉਥੇ ਹੀ ਕੁਝ ਪੂਰੀ ਤਰ੍ਹਾਂ ਇਸ ਨੂੰ ਲਾਗੂ ਕਰਨ ਦੇ ਪੱਖ 'ਚ ਨਹੀਂ ਹਨ। ਇਸ ਪ੍ਰਸਤਾਵ ਨਾਲ ਇਥੋਂ ਦੇ ਜ਼ਿਆਦਾਤਰ ਨਿਰਮਾਤਾ ਵੀ ਨਾਖੁੱਸ਼ ਹਨ। ਇਸ ਦੇ ਬਾਵਜੂਦ ਉਥੋਂ ਦੀ ਲੋਕਲ ਮੀਡੀਆ ਰਿਪੋਰਟਸ ਮੁਤਾਬਕ ਇਸ ਪ੍ਰਸਤਾਵ ਨੂੰ ਹੋਲੈਂਡ ਪਾਰਲੀਮੈਂਟ 'ਚ ਮਨਜ਼ੂਰੀ ਮਿਲ ਸਕਦੀ ਹੈ।
ਐਂਡ੍ਰਾਇਡ ਲਈ ਗੂਗਲ ਡਰਾਈਵ ਦੀ ਨਵੀਂ ਅਪਡੇਟ, ਜਾਣੋ ਕੀ ਹੈ ਖਾਸ
NEXT STORY 
