ਮੁੰਬਈ (ਬਿਊਰੋ)– ਜਦੋਂ ਅਸੀਂ ਸਵੇਰੇ ਜਲਦੀ ’ਚ ਹੁੰਦੇ ਹਾਂ ਤਾਂ ਸਾਡੇ ਕੋਲ ਨਾਸ਼ਤਾ ਬਣਾਉਣ ਤੇ ਖਾਣ ਦਾ ਸਮਾਂ ਨਹੀਂ ਹੁੰਦਾ। ਅਜਿਹੀ ਸਥਿਤੀ ’ਚ ਲੋਕ ਅਕਸਰ ਜਾਂ ਤਾਂ ਨਾਸ਼ਤਾ ਛੱਡ ਦਿੰਦੇ ਹਨ ਜਾਂ ਜਲਦੀ ਨਾਸ਼ਤੇ ਦੀ ਰੈਸਿਪੀ ਲੱਭਦੇ ਹਨ, ਜੋ ਸਿਹਤਮੰਦ ਵੀ ਹੋਵੇ। ਅਕਸਰ ਸਾਨੂੰ ਸਮਝ ਨਹੀਂ ਆਉਂਦੀ ਕਿ ਸਵੇਰੇ ਜਲਦੀ ਕੀ ਬਣਾਇਆ ਜਾਵੇ।
ਜੇਕਰ ਤੁਸੀਂ ਵੀ ਅਕਸਰ ਇਸ ਸਵਾਲ ਨਾਲ ਜੂਝਦੇ ਹੋ ਤਾਂ ਤੁਸੀਂ ਸਮੂਦੀ ਬਣਾਉਣ ’ਤੇ ਵਿਚਾਰ ਕਰ ਸਕਦੇ ਹੋ। ਇਹ ਬਹੁਤ ਸਿਹਤਮੰਦ ਹੈ ਤੇ ਜਲਦੀ ਤਿਆਰ ਹੋ ਜਾਂਦੀ ਹੈ। ਇੰਨਾ ਹੀ ਨਹੀਂ, ਤੁਸੀਂ ਇਸ ਤੋਂ ਕਈ ਹੋਰ ਫ਼ਾਇਦੇ ਵੀ ਲੈ ਸਕਦੇ ਹੋ। ਇਸ ਲਈ ਅੱਜ ਇਸ ਲੇਖ ’ਚ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਨਾਸ਼ਤੇ ’ਚ ਸਮੂਦੀ ਦੇ ਸੇਵਨ ਦੇ ਕੀ ਫ਼ਾਇਦੇ ਹੋ ਸਕਦੇ ਹਨ–
ਪੌਸ਼ਟਿਕ ਤੱਤਾਂ ਦੀ ਮਾਤਰਾ ਵਧਾਉਂਦੀ ਹੈ
ਜਦੋਂ ਤੁਸੀਂ ਸਵੇਰੇ ਸਮੂਦੀ ਬਣਾਉਂਦੇ ਹੋ ਤਾਂ ਇਹ ਤੁਹਾਨੂੰ ਪੌਸ਼ਟਿਕ ਤੱਤ ਪ੍ਰਦਾਨ ਕਰਦੀ ਹੈ। ਦਰਅਸਲ ਇਸ ਨੂੰ ਬਣਾਉਂਦੇ ਸਮੇਂ ਕਈ ਤਰ੍ਹਾਂ ਦੇ ਫ਼ਲ, ਸਬਜ਼ੀਆਂ, ਦੁੱਧ, ਦਹੀਂ, ਮੇਵੇ, ਬੀਜ ਤੇ ਓਟਸ ਆਦਿ ਸ਼ਾਮਲ ਕੀਤੇ ਜਾਂਦੇ ਹਨ। ਜਿਸ ’ਚ ਵਿਟਾਮਿਨ, ਮਿਨਰਲਸ, ਪ੍ਰੋਟੀਨ, ਫਾਈਬਰ ਆਦਿ ਹੁੰਦੇ ਹਨ। ਇਸ ਨਾਲ ਤੁਹਾਡੇ ਸਰੀਰ ਨੂੰ ਸਾਰੇ ਜ਼ਰੂਰੀ ਪੌਸ਼ਟਿਕ ਤੱਤ ਇਕ ਸਮੂਦੀ ਤੋਂ ਮਿਲ ਜਾਂਦੇ ਹਨ।
ਐਕਟਿਵ ਮਹਿਸੂਸ ਕਰਵਾਉਂਦੀ ਹੈ
ਜੇਕਰ ਤੁਸੀਂ ਨਾਸ਼ਤੇ ’ਚ ਸਮੂਦੀ ਦਾ ਸੇਵਨ ਕਰਦੇ ਹੋ ਤਾਂ ਇਹ ਤੁਹਾਨੂੰ ਕਿਰਿਆਸ਼ੀਲ ਤੇ ਊਰਜਾਵਾਨ ਮਹਿਸੂਸ ਕਰਵਾਉਂਦੀ ਹੈ। ਦਰਅਸਲ ਇਸ ’ਚ ਵਰਤੇ ਜਾਣ ਵਾਲੇ ਤੱਤ ਵਿਟਾਮਿਨ, ਖਣਿਜ, ਫਾਈਬਰ, ਕਾਰਬੋਹਾਈਡ੍ਰੇਟ, ਪ੍ਰੋਟੀਨ ਤੇ ਸਿਹਤਮੰਦ ਚਰਬੀ ਆਦਿ ਪ੍ਰਦਾਨ ਕਰਦੇ ਹਨ, ਜਿਸ ਨਾਲ ਸਰੀਰ ਕਾਫ਼ੀ ਊਰਜਾਵਾਨ ਤੇ ਤਾਜ਼ਗੀ ਮਹਿਸੂਸ ਕਰਦਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਸਿਕਰੀ ਦਾ ਰਾਮਬਾਣ ਇਲਾਜ ਕਰਦੇ ਨੇ ਇਹ 3 ਘਰੇਲੂ ਨੁਸਖ਼ੇ, ਵਾਲਾਂ ਦਾ ਝੜਨਾ ਵੀ ਹੁੰਦੈ ਘੱਟ
ਸਰੀਰ ਨੂੰ ਮਿਲਦੀ ਹੈ ਹਾਈਡ੍ਰੇਸ਼ਨ
ਨਾਸ਼ਤੇ ’ਚ ਸਮੂਦੀ ਦੇ ਸੇਵਨ ਨਾਲ ਸਰੀਰ ਦੇ ਹਾਈਡ੍ਰੇਸ਼ਨ ਪੱਧਰ ਨੂੰ ਬਣਾਈ ਰੱਖਣਾ ਵਧੀਆ ਤਰੀਕਾ ਹੈ। ਦਰਅਸਲ ਜਦੋਂ ਤੁਸੀਂ ਰਾਤ ਦੀ ਲੰਬੀ ਨੀਂਦ ਤੋਂ ਬਾਅਦ ਸਵੇਰੇ ਉੱਠਦੇ ਹੋ ਤਾਂ ਤੁਹਾਡੇ ਸਰੀਰ ਨੂੰ ਹਾਈਡ੍ਰੇਸ਼ਨ ਦੀ ਬਹੁਤ ਜ਼ਰੂਰਤ ਹੁੰਦੀ ਹੈ। ਅਜਿਹੇ ’ਚ ਫ਼ਲ, ਸਬਜ਼ੀਆਂ, ਦੁੱਧ, ਦਹੀਂ ਆਦਿ ਦੀ ਮਦਦ ਨਾਲ ਬਣਾਈ ਗਈ ਸਮੂਦੀ ਤੁਹਾਨੂੰ ਦਿਨ ਭਰ ਹਾਈਡ੍ਰੇਟ ਮਹਿਸੂਸ ਕਰਨ ’ਚ ਮਦਦ ਕਰਦੀ ਹੈ।
ਪਾਚਨ ਕਿਰਿਆ ਲਈ ਹੈ ਫ਼ਾਇਦੇਮੰਦ
ਸਮੂਦੀ ਦੇ ਸੇਵਨ ਨਾਲ ਪਾਚਨ ਕਿਰਿਆ ਨੂੰ ਵੀ ਬਹੁਤ ਫ਼ਾਇਦਾ ਹੁੰਦਾ ਹੈ। ਅਸਲ ’ਚ ਸਮੂਦੀ ’ਚ ਫਾਈਬਰ ਦੀ ਚੰਗੀ ਮਾਤਰਾ ਹੁੰਦੀ ਹੈ, ਜੋ ਅੰਤੜੀ ਪ੍ਰਣਾਲੀ ਨੂੰ ਨਿਯਮਿਤ ਕਰਨ ਤੇ ਅੰਤੜੀਆਂ ਦੀ ਸਿਹਤ ਨੂੰ ਸੁਧਾਰਨ ’ਚ ਬਹੁਤ ਮਦਦ ਕਰਦੀ ਹੈ। ਜੋ ਲੋਕ ਨਾਸ਼ਤੇ ’ਚ ਸਮੂਦੀ ਦਾ ਸੇਵਨ ਕਰਦੇ ਹਨ, ਉਨ੍ਹਾਂ ਨੂੰ ਪਾਚਨ ਸਿਹਤ ਨਾਲ ਜੁੜੀਆਂ ਸਮੱਸਿਆਵਾਂ ਦਾ ਸਾਹਮਣਾ ਨਹੀਂ ਕਰਨਾ ਪੈਂਦਾ।
ਬਣਾਉਣ ’ਚ ਕੋਈ ਮੁਸ਼ਕਿਲ ਨਹੀਂ
ਅਕਸਰ ਲੋਕ ਨਾਸ਼ਤੇ ’ਚ ਅਜਿਹੀਆਂ ਚੀਜ਼ਾਂ ਬਣਾਉਣ ਤੋਂ ਬਚਦੇ ਹਨ, ਜਿਨ੍ਹਾਂ ਨੂੰ ਬਣਾਉਣ ’ਚ ਕਾਫ਼ੀ ਪ੍ਰੇਸ਼ਾਨੀ ਹੁੰਦੀ ਹੈ ਜਾਂ ਕਾਫ਼ੀ ਸਮਾਂ ਲੱਗਦਾ ਹੈ। ਇਸ ਪੱਖੋਂ ਵੀ ਸਮੂਦੀ ਦਾ ਸੇਵਨ ਕਰਨਾ ਇਕ ਚੰਗਾ ਵਿਕਲਪ ਹੈ। ਤੁਸੀਂ ਆਪਣੀ ਪਸੰਦ ਦੇ ਫ਼ਲ, ਸਬਜ਼ੀਆਂ, ਮੇਵੇ, ਬੀਜ, ਓਟਸ ਜਾਂ ਦੁੱਧ ਆਦਿ ਦੀ ਮਦਦ ਨਾਲ ਕੁਝ ਸਕਿੰਟਾਂ ’ਚ ਸਮੂਦੀ ਬਣਾ ਸਕਦੇ ਹੋ ਤੇ ਇਸ ਦਾ ਆਨੰਦ ਮਾਣ ਸਕਦੇ ਹੋ।
ਸ਼ਾਮਲ ਕਰ ਸਕਦੇ ਹੋ ਕਈ ਚੀਜ਼ਾਂ
ਜ਼ਿਆਦਾਤਰ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਉਹ ਹਰ ਰੋਜ਼ ਨਾਸ਼ਤੇ ’ਚ ਇਕੋ ਕਿਸਮ ਦਾ ਭੋਜਨ ਖਾ ਕੇ ਬੋਰ ਹੋ ਜਾਂਦੇ ਹਨ। ਅਜਿਹੀ ਸਥਿਤੀ ’ਚ ਸਮੂਦੀ ਦਾ ਸੇਵਨ ਕਰੋ। ਤੁਸੀਂ ਹਰ ਰੋਜ਼ ਫ਼ਲ, ਸਬਜ਼ੀਆਂ, ਮੇਵੇ ਆਦਿ ਬਦਲਦੇ ਰਹਿੰਦੇ ਹੋ। ਇਸ ਨਾਲ ਤੁਸੀਂ ਕਈ ਤਰ੍ਹਾਂ ਦੀਆਂ ਸਮੂਦੀਜ਼ ਦਾ ਆਨੰਦ ਲੈ ਸਕੋਗੇ। ਜਿਸ ਨਾਲ ਤੁਹਾਨੂੰ ਬਹੁਤ ਚੰਗਾ ਮਹਿਸੂਸ ਹੋਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਤੁਸੀਂ ਸਾਨੂੰ ਇਸ ਆਰਟੀਕਲ ਬਾਰੇ ਆਪਣੀ ਰਾਏ ਕੁਮੈਂਟ ਬਾਕਸ ’ਚ ਜ਼ਰੂਰ ਦੱਸੋ।
ਸਰਦੀਆਂ 'ਚ ਸਿਹਤ ਲਈ ਫ਼ਾਇਦੇਮੰਦ ਹੁੰਦੀ ਹੈ 'ਹਰੀ ਮੇਥੀ', ਖਾਣ ਨਾਲ ਇਹ ਸਮੱਸਿਆਵਾਂ ਹੋਣਗੀਆਂ ਹਮੇਸ਼ਾ ਲਈ ਦੂਰ
NEXT STORY 
