ਹੈਲਥ ਡੈਸਕ- ਗੁੱਸਾ ਆਉਣਾ ਅਤੇ ਗੁੱਸਾ ਹੋਣਾ ਦੋ ਵੱਖ-ਵੱਖ ਗੱਲਾਂ ਹਨ। ਜੇਕਰ ਕਿਸੇ ਵਿਅਕਤੀ ਨੂੰ ਗੁੱਸਾ ਆ ਰਿਹਾ ਹੈ ਪਰ ਜੇਕਰ ਉਹ ਇਸ 'ਤੇ ਕਾਬੂ ਪਾ ਲਵੇ ਤਾਂ ਉਹ ਕਈ ਸਮੱਸਿਆਵਾਂ ਤੋਂ ਬਚ ਸਕਦਾ ਹੈ। ਗੁੱਸੇ ਦੇ ਵਿੱਚ ਇਨਸਾਨ ਕਈ ਵਾਰ ਹੱਦ ਤੋਂ ਵੱਧ ਬੋਲ ਜਾਂਦਾ ਹੈ। ਪਰ ਗੁੱਸੇ ਹੋਣ ਦਾ ਮਤਲਬ ਹੈ ਕਿ ਤੁਸੀਂ ਆਪਣੇ ਗੁੱਸੇ 'ਤੇ ਕਾਬੂ ਨਹੀਂ ਰੱਖਦੇ। ਇਸ ਲਈ, ਇਹ ਸਮਝਣਾ ਸਭ ਤੋਂ ਮਹੱਤਵਪੂਰਨ ਹੈ ਕਿ ਆਪਣੇ ਗੁੱਸੇ ਨੂੰ ਕਿਵੇਂ ਕਾਬੂ ਕੀਤਾ ਜਾਵੇ। ਤਾਂ ਜੋ ਤੁਸੀਂ ਨਾ ਸਿਰਫ ਬਾਅਦ ਵਿਚ ਕਿਸੇ ਵੀ ਤਰ੍ਹਾਂ ਦੀ ਸ਼ਰਮਿੰਦਗੀ ਤੋਂ ਬਚ ਸਕੋ ਬਲਕਿ ਕਿਸੇ ਨੁਕਸਾਨ ਤੋਂ ਵੀ ਬਚ ਸਕੋ। ਜੇ ਕਿਸੇ ਅਧਿਆਤਮਿਕ ਗੁਰੂ ਨਾਲ ਗੱਲ ਕਰੀਏ ਤਾਂ ਉਹ ਗੁੱਸੇ ਵਿਚ ਬੋਲਣ ਤੋਂ ਬਚਣ ਬਾਰੇ ਕਹਿੰਦੇ ਹਨ। ਕਿਉਂਕਿ ਗੁੱਸੇ ਦੇ ਵਿੱਚ ਇਨਸਾਨ ਨੂੰ ਪਤਾ ਨਹੀਂ ਚੱਲਦਾ ਉਹ ਕਿਸੇ ਕੀ ਕਹਿ ਰਿਹਾ ਹੈ ਅਤੇ ਉਸਦੇ ਸ਼ਬਦ ਕਿਸੇ ਨੂੰ ਕਿੰਨਾ ਦੁੱਖ ਦੇ ਸਕਦੇ ਹਨ। ਇਸੇ ਤਰ੍ਹਾਂ ਵਿਗਿਆਨ ਵੀ ਕਹਿੰਦਾ ਹੈ ਕਿ ਜਦੋਂ ਵੀ ਗੁੱਸਾ ਹੋਵੇ ਤਾਂ ਬੋਲਣ ਤੋਂ ਪਹਿਲਾਂ ਸੋਚੋ। ਗੁੱਸੇ ਵਿੱਚ ਬੋਲੇ ਗਏ ਸ਼ਬਦ ਬਾਅਦ ਵਿੱਚ ਸ਼ਰਮਿੰਦਗੀ ਦਾ ਕਾਰਨ ਬਣ ਸਕਦੇ ਹਨ। ਇਸ ਲਈ ਜੇਕਰ ਤੁਸੀਂ ਗੁੱਸੇ ਵਿੱਚ ਹੋ, ਤਾਂ ਚੁੱਪ ਰਹੋ ਅਤੇ ਬੋਲਣ ਤੋਂ ਪਹਿਲਾਂ ਸੋਚੋ।
ਇਹ ਵੀ ਪੜ੍ਹੋ-ਦਫਤਰ 'ਚ ਕੰਮ ਕਰਦੇ ਸਮੇਂ ਨੀਂਦ ਆਉਣ ਦੇ ਇਹ ਹਨ ਵੱਡੇ ਕਾਰਨ
ਨਕਾਰਾਤਮਕ ਗੱਲਾਂ ਨੂੰ ਧਿਆਨ ਵਿਚ ਰੱਖਣ ਨਾਲ ਗੁੱਸਾ ਵਧਦਾ ਹੈ। ਜਿਸ ਵਿਅਕਤੀ ਵਿਰੁੱਧ ਤੁਸੀਂ ਗੁੱਸੇ ਹੋ, ਉਸ ਨੂੰ ਮਾਫ਼ ਕਰਨ ਨਾਲ ਕੁੜੱਤਣ ਘੱਟ ਜਾਂਦੀ ਹੈ ਅਤੇ ਤੁਹਾਡੇ ਅੰਦਰ ਦਾ ਗੁੱਸਾ ਵੀ ਘੱਟ ਜਾਂਦਾ ਹੈ।
ਕੰਮ ਕਰਦਿਆਂ ਕਈ ਵਾਰ ਮਨ ਥੱਕ ਜਾਂਦਾ ਹੈ। ਅਜਿਹੇ ਤਣਾਅ ਭਰੇ ਮਨ ਵਿੱਚ, ਗੁੱਸੇ ਨੂੰ ਕਾਬੂ ਕਰਨਾ ਮੁਸ਼ਕਲ ਹੋ ਸਕਦਾ ਹੈ। ਇਸ ਤੋਂ ਬਚਣ ਲਈ, ਇੱਕ ਬ੍ਰੇਕ ਲਓ ਅਤੇ ਆਪਣੇ ਦਿਮਾਗ ਨੂੰ ਤਰੋਤਾਜ਼ਾ ਕਰੋ। ਤਾਂ ਜੋ ਗੁੱਸੇ 'ਤੇ ਕਾਬੂ ਪਾਇਆ ਜਾ ਸਕੇ।
ਇਹ ਵੀ ਪੜ੍ਹੋ-ਜੇਕਰ ਤੁਸੀਂ ਵੀ ਰਾਤ ਨੂੰ ਬ੍ਰਾਅ ਪਹਿਣ ਕੇ ਸੌਂਦੇ ਹੋ ਤਾਂ ਸਾਵਧਾਨ ! ਪੜ੍ਹੋ ਕੀ ਹੋ ਸਕਦੈ ਨੇ ਨੁਕਸਾਨ
ਜੇਕਰ ਤੁਸੀਂ ਗੁੱਸੇ 'ਤੇ ਕਾਬੂ ਰੱਖਣਾ ਚਾਹੁੰਦੇ ਹੋ ਤਾਂ ਸਰੀਰਕ ਗਤੀਵਿਧੀਆਂ ਕਰੋ। ਜਿਵੇਂ ਕਿ ਤੁਰਨਾ ਜਾਂ ਦੌੜਨਾ ਸ਼ੁਰੂ ਕਰੋ। ਜਾਂ ਆਪਣੀ ਪਸੰਦ ਦੀ ਕੋਈ ਵੀ ਸਰੀਰਕ ਗਤੀਵਿਧੀ ਕਰੋ।
ਜਦੋਂ ਵੀ ਤੁਸੀਂ ਗੁੱਸੇ ਹੁੰਦੇ ਹੋ, ਹਮੇਸ਼ਾ ਹੱਲ 'ਤੇ ਧਿਆਨ ਦਿਓ। ਉਹ ਕਿਹੜੀਆਂ ਗੱਲਾਂ ਹਨ ਜੋ ਤੁਹਾਨੂੰ ਗੁੱਸੇ ਕਰਦੀਆਂ ਹਨ? ਇਸ ਦਾ ਹੱਲ ਲੱਭਣ ਦੀ ਕੋਸ਼ਿਸ਼ ਕਰੋ। ਤਾਂ ਜੋ ਤੁਹਾਡਾ ਗੁੱਸਾ ਘੱਟ ਜਾਵੇ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸਰੀਰ 'ਚ ਥਕਾਵਟ ਸਣੇ ਇਨ੍ਹਾਂ ਸਮੱਸਿਆਵਾਂ ਨੂੰ ਨਾ ਕਰੋ ਨਜ਼ਰਅੰਦਾਜ਼, ਹੋ ਸਕਦੀ ਹੈ ਗੰਭੀਰ ਬਿਮਾਰੀ
NEXT STORY 
