ਜਲੰਧਰ- ਸਰੀਰ ਦੇ ਹੋਰ ਅੰਗਾਂ ਵਾਂਗ ਲੀਵਰ ਵੀ ਇੱਕ ਮਹੱਤਵਪੂਰਨ ਅੰਗ ਹੈ। ਜੇਕਰ ਲੀਵਰ ਖ਼ਰਾਬ ਹੋ ਜਾਂਦਾ ਹੈ ਤਾਂ ਵਿਅਕਤੀ ਨੂੰ ਆਪਣੀ ਜਾਨ ਤੋਂ ਹੱਥ ਧੋਣੇ ਪੈ ਸਕਦੇ ਹਨ। ਲੀਵਰ ਦੇ ਨੁਕਸਾਨ ਦੇ ਕਈ ਕਾਰਨ ਹੋ ਸਕਦੇ ਹਨ। ਪ੍ਰਦੂਸ਼ਣ, ਤੁਹਾਡੀ ਗੈਰ-ਸਿਹਤਮੰਦ ਜੀਵਨ ਸ਼ੈਲੀ ਆਦਿ ਅਤੇ ਇਹ ਕਿਸੇ ਵੀ ਉਮਰ ਵਿੱਚ ਹੋ ਸਕਦਾ ਹੈ। ਲੀਵਰ ਅਤੇ ਕੋਲੈਸਟ੍ਰੋਲ ਦਾ ਆਪਸ 'ਚ ਸਬੰਧ ਹੁੰਦਾ ਹੈ। ਜੇਕਰ ਤੁਹਾਡਾ ਲੀਵਰ ਸਿਹਤਮੰਦ ਰਹਿੰਦਾ ਹੈ ਤਾਂ ਕੋਲੈਸਟ੍ਰੋਲ ਨਹੀਂ ਵਧੇਗਾ ਅਤੇ ਵਧਿਆ ਕੋਲੈਸਟ੍ਰੋਲ ਤੁਹਾਨੂੰ ਫੈਟੀ ਲੀਵਰ ਦੀ ਸਮੱਸਿਆ ਦੇ ਸਕਦਾ ਹੈ। ਜ਼ਿਆਦਾ ਤੇਲ, ਤਲੇ ਹੋਏ ਭੋਜਨ, ਪੈਕ ਫੂਡ, ਜੰਕ ਫੂਡ, ਅਲਕੋਹਲ ਜਾਂ ਜ਼ਿਆਦਾ ਦਰਦ ਨਿਵਾਰਕ ਦਵਾਈਆਂ ਦਾ ਸੇਵਨ ਜਿਗਰ ਲਈ ਖਤਰਨਾਕ ਹੈ। ਜਦੋਂ ਲੀਵਰ ਖਰਾਬ ਹੋ ਜਾਂਦਾ ਹੈ, ਤਾਂ ਸਰੀਰ ਬਹੁਤ ਸਾਰੇ ਸੰਕੇਤ ਦਿੰਦਾ ਹੈ, ਜੇਕਰ ਸਮੇਂ ਸਿਰ ਧਿਆਨ ਦਿੱਤਾ ਜਾਵੇ ਤਾਂ ਇਸ ਦਾ ਇਲਾਜ ਕੀਤਾ ਜਾ ਸਕਦਾ ਹੈ।
ਲੀਵਰ ਦੇ ਨੁਕਸਾਨ ਦੇ ਲੱਛਣ
ਲੀਵਰ ਦੇ ਨੁਕਸਾਨ ਦੇ ਲੱਛਣ ਸ਼ੁਰੂਆਤ ਵਿੱਚ ਗੰਭੀਰ ਨਹੀਂ ਹੁੰਦੇ। ਇਸ ਦੇ ਨਾਲ ਹੀ ਇਹ ਸੰਕੇਤ ਕਿਸੇ ਹੋਰ ਸਮੱਸਿਆ ਦੇ ਵੀ ਹੋ ਸਕਦੇ ਹਨ।
ਜਦੋਂ ਲੀਵਰ ਖਰਾਬ ਹੋ ਜਾਂਦਾ ਹੈ, ਤਾਂ ਚਮੜੀ 'ਤੇ ਖਾਰਸ਼ ਹੁੰਦੀ ਹੈ।
1. ਭੁੱਖ ਘੱਟਣ ਲੱਗਦੀ ਹੈ।
2. ਮਤਲੀ ਜਾਂ ਉਲਟੀਆਂ ਮਹਿਸੂਸ ਕਰਨਾ
3. ਖਾਣੇ- ਪੀਣੇ ਨੂੰ ਹਜ਼ਮ ਨਾ ਕਰ ਸਕਣਾ
4. ਅੱਖਾਂ ਅਤੇ ਚਮੜੀ 'ਚ ਪੀਲਾਪਨ ਦਿਖਾਈ ਦੇਣ ਲੱਗਦਾ ਹੈ
5. ਪੇਟ 'ਚ ਦਰਦ ਅਤੇ ਸੋਜ ਹੁੰਦੀ ਹੈ।
6. ਪੈਰਾਂ, ਗਿੱਟਿਆਂ 'ਚ ਸੋਜ
7. ਹਮੇਸ਼ਾ ਥਕਾਵਟ ਮਹਿਸੂਸ ਹੁੰਦੀ ਹੈ।
8. ਚਮੜੀ ਆਸਾਨੀ ਨਾਲ ਝੁਲਸ ਜਾਂਦੀ ਹੈ
ਹਾਲਾਂਕਿ, ਦੱਸੇ ਗਏ ਇਹ ਲੱਛਣ ਕਿਸੇ ਹੋਰ ਸਮੱਸਿਆ ਦੇ ਕਾਰਨ ਵੀ ਹੋ ਸਕਦੇ ਹਨ, ਇਸ ਲਈ ਯਕੀਨੀ ਤੌਰ 'ਤੇ ਡਾਕਟਰੀ ਸਲਾਹ ਲਓ।
ਲੀਵਰ ਨੂੰ ਸਿਹਤਮੰਦ ਰੱਖਣ ਲਈ ਕੀ ਕਰੀਏ?
ਜੇਕਰ ਤੁਸੀਂ ਲੀਵਰ ਨੂੰ ਸਿਹਤਮੰਦ ਰੱਖਣਾ ਚਾਹੁੰਦੇ ਹੋ ਤਾਂ ਐਲੋਵੇਰਾ, ਆਂਵਲਾ ਅਤੇ ਸਬਜ਼ੀਆਂ ਦਾ ਜੂਸ ਜ਼ਰੂਰ ਪੀਓ। ਸੰਤੁਲਿਤ ਭੋਜਨ ਖਾਓ ਜਿਸ 'ਚ ਫਾਈਬਰ ਯੁਕਤ ਭੋਜਨ ਜਿਵੇਂ ਕਿ ਕਣਕ, ਜਵਾਰ, ਬਾਜਰਾ, ਜਵੀ, ਦਲੀਆ, ਸਪਾਉਟ, ਓਟਸ ਅਤੇ ਦਾਲਾਂ, ਹਰੀਆਂ ਸਬਜ਼ੀਆਂ, ਸਾਗ, ਸ਼ਲਗਮ, ਬੀਨਜ਼, ਮਟਰ ਅਤੇ ਹੋਰ ਸਬਜ਼ੀਆਂ ਸ਼ਾਮਲ ਹਨ। ਓਮੇਗਾ-3 ਨਾਲ ਭਰਪੂਰ ਭੋਜਨ ਜਿਵੇਂ ਸੂਰਜਮੁਖੀ ਦੇ ਬੀਜ, ਫਲੈਕਸ ਸੀਡਜ਼ ਨੂੰ ਆਪਣੀ ਖੁਰਾਕ ਵਿੱਚ ਸ਼ਾਮਲ ਕਰੋ। ਮੇਥੀ, ਲਸਣ, ਪਿਆਜ਼, ਹਲਦੀ, ਸੋਇਆਬੀਨ ਨੂੰ ਆਪਣੀ ਡਾਈਟ 'ਚ ਜ਼ਰੂਰ ਸ਼ਾਮਲ ਕਰੋ, ਇਸ ਨਾਲ ਕੋਲੈਸਟ੍ਰੋਲ ਦਾ ਪੱਧਰ ਕੰਟਰੋਲ 'ਚ ਰਹਿੰਦਾ ਹੈ ਅਤੇ ਲੀਵਰ ਸਿਹਤਮੰਦ ਰਹਿੰਦਾ ਹੈ। ਅਖਰੋਟ ਅਤੇ ਬਦਾਮ ਜ਼ਰੂਰ ਖਾਓ। ਦਿਨ 'ਚ 5 ਤੋਂ 7 ਬਦਾਮ ਖਾਓ। ਤੁਸੀਂ ਭਿੱਜੇ ਹੋਏ ਬਦਾਮ ਦਾ ਸੇਵਨ ਵੀ ਕਰ ਸਕਦੇ ਹੋ।
ਦੁੱਧ ਨਾਲ ਭੁੱਲ ਕੇ ਵੀ ਨਾ ਸੇਵਨ ਕਰੋ ਇਨ੍ਹਾਂ ਖਾਧ ਪਦਾਰਥਾਂ ਦਾ, ਸਿਹਤ ਨੂੰ ਹੋਣਗੇ ਕਈ ਨੁਕਸਾਨ
NEXT STORY 
