ਹੈਲਥ ਡੈਸਕ-ਸੋਸ਼ਲ ਮੀਡੀਆ 'ਤੇ ਅੱਜ ਕੱਲ੍ਹ ਪਾਣੀ 'ਚ ਹਲਦੀ ਵਾਲਾ ਟਰੈਂਡ ਛਾਇਆ ਹੋਇਆ ਹੈ। ਜਿਸ ਨੂੰ ਯੂਜ਼ਰਸ ਜ਼ੋਰਾਂ-ਸ਼ੋਰਾਂ 'ਤੇ ਫੋਲੋ ਕਰ ਰਹੇ ਹਨ ਅਤੇ ਰੀਲ ਬਣਾ ਕੇ ਆਪਣੇ ਪੇਜ਼ 'ਤੇ ਅਪਡੇਟ ਕਰ ਦਿੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਇਹ ਹਲਦੀ ਵਾਲਾ ਪਾਣੀ ਸਿਰਫ਼ ਰੀਲ ਲਈ ਹੀ ਨਹੀਂ ਕੰਮ ਆਵੇਗਾ ਸਗੋਂ ਇਹ ਤੁਹਾਡੀ ਸਿਹਤ ਨੂੰ ਤੰਦਰੁਸਤ ਰੱਖਣ ਲਈ ਲਾਹੇਵੰਦ ਹੈ। ਸੋਸ਼ਲ ਮੀਡੀਆ 'ਤੇ ਤੁਹਾਨੂੰ ਹਜ਼ਾਰਾਂ ਟਿਪਸ ਅਤੇ ਘਰੇਲੂ ਉਪਚਾਰ ਮਿਲਣਗੇ। ਕੁਝ ਲੋਕ ਰੰਗ ਹਲਕਾ ਕਰਨ ਦੇ ਟਿਪਸ ਦੱਸ ਰਹੇ ਹਨ, ਜਦੋਂ ਕਿ ਕੁਝ ਵਾਲਾਂ ਨੂੰ ਕਾਲਾ ਕਰਨ ਦੇ ਤਰੀਕੇ ਸਿਖਾ ਰਹੇ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਇਸ ਵਿੱਚ ਹਲਦੀ ਮਿਲਾ ਕੇ ਪਾਣੀ ਪੀਣਾ ਸਿਹਤ ਲਈ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਆਯੁਰਵੇਦ ਵਿੱਚ ਹਲਦੀ ਦਾ ਪਾਣੀ ਸਿਹਤ ਲਈ ਵਰਦਾਨ ਤੋਂ ਘੱਟ ਨਹੀਂ ਹੈ। ਸਵੇਰੇ ਖਾਲੀ ਪੇਟ ਹਲਦੀ ਦਾ ਪਾਣੀ ਪੀਣ ਨਾਲ ਸਰੀਰ ਵਿੱਚ ਸੋਜ ਘੱਟ ਜਾਂਦੀ ਹੈ। ਹਲਦੀ ਦਾ ਪਾਣੀ ਮੋਟਾਪਾ ਘਟਾਉਣ ਵਿੱਚ ਵੀ ਕਾਰਗਰ ਸਾਬਤ ਹੁੰਦਾ ਹੈ। ਆਓ ਜਾਣਦੇ ਹਾਂ ਪਾਣੀ ਵਿੱਚ ਹਲਦੀ ਮਿਲਾ ਕੇ ਪੀਣ ਦੇ ਕੀ ਫਾਇਦੇ ਹਨ?
ਹਲਦੀ ਦਾ ਪਾਣੀ ਕਿਵੇਂ ਬਣਾਇਆ ਜਾਵੇ?
ਸਭ ਤੋਂ ਪਹਿਲਾਂ ਜਾਣੋ ਕਿ ਤੁਹਾਨੂੰ ਪਾਣੀ ਵਿੱਚ ਕਿੰਨੀ ਹਲਦੀ ਮਿਲਾ ਕੇ ਪੀਣੀ ਹੈ ਅਤੇ ਕਿਵੇਂ। ਇਸ ਲਈ 1 ਗਲਾਸ ਪਾਣੀ ਲਓ ਹੁਣ ਇਸ ਵਿੱਚ ਕੱਚੀ ਹਲਦੀ ਦਾ 1 ਛੋਟਾ ਟੁਕੜਾ ਚੰਗੀ ਤਰ੍ਹਾਂ ਮਿਲਾਓ। ਰਾਤ ਭਰ ਪਾਣੀ ਰੱਖੋ ਅਤੇ ਸਵੇਰੇ ਇਸ ਪਾਣੀ ਨੂੰ ਫਿਲਟਰ ਕਰਕੇ ਪੀਓ। ਜੇਕਰ ਤੁਸੀਂ ਚਾਹੋ ਤਾਂ ਕੱਚੀ ਹਲਦੀ ਦੀ ਬਜਾਏ ਅੱਧਾ ਚਮਚ ਹਲਦੀ ਪਾਊਡਰ ਵੀ ਪਾ ਸਕਦੇ ਹੋ। ਸਵੇਰੇ ਇਸ ਪਾਣੀ ਨੂੰ ਗਰਮ ਕਰੋ ਅਤੇ ਇਸਨੂੰ ਫਿਲਟਰ ਕਰੋ ਅਤੇ ਖਾਲੀ ਪੇਟ ਪੀਓ।
ਹਲਦੀ ਪਾ ਕੇ ਪਾਣੀ ਪੀਣ ਦੇ ਫਾਇਦੇ
ਹਲਦੀ ਵਿੱਚ ਐਂਟੀਇੰਪਲੇਮੇਚਰੀ ਗੁਣ ਹੁੰਦੇ ਹਨ ਜੋ ਸੋਜ ਨੂੰ ਘਟਾਉਂਦੇ ਹਨ। ਹਲਦੀ ਦਾ ਪਾਣੀ ਰਾਇਮੇਟਾਇਡ ਆਰਥਰਾਈਟਿਸ ਅਤੇ ਆਸਟਿਓਆਰਥਰਾਈਟਿਸ ਦੇ ਮਰੀਜ਼ਾਂ ਲਈ ਫਾਇਦੇਮੰਦ ਹੁੰਦਾ ਹੈ।
ਸਵੇਰੇ ਖਾਲੀ ਪੇਟ ਹਲਦੀ ਦਾ ਪਾਣੀ ਪੀਣ ਨਾਲ ਮੋਟਾਪਾ ਘੱਟਦਾ ਹੈ। ਇਸਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣ ਲਈ ਤੁਸੀਂ ਇਸ ਪਾਣੀ ਵਿੱਚ ਅਦਰਕ ਦਾ ਇੱਕ ਟੁਕੜਾ ਵੀ ਪਾ ਸਕਦੇ ਹੋ। ਇਹ ਮੈਟਾਬੋਲਿਜ਼ਮ ਨੂੰ ਬਿਹਤਰ ਬਣਾਏਗਾ।
ਹਲਦੀ ਵਿੱਚ ਮੌਜੂਦ ਕਰਕਿਊਮਿਨ ਮਿਸ਼ਰਣ ਗਾਲਬਲੇਡਰ ਤੋਂ ਪਿੱਤ ਨੂੰ ਕੱਢਣ ਵਿੱਚ ਮਦਦ ਕਰਦੇ ਹਨ ਜੋ ਪਾਚਨ ਕਿਰਿਆ ਵਿੱਚ ਮਦਦ ਕਰਦਾ ਹੈ।
ਹਲਦੀ ਦਾ ਪਾਣੀ ਪੀਣ ਨਾਲ ਜਿਗਰ ਨੂੰ ਡੀਟੌਕਸੀਫਾਈ ਕੀਤਾ ਜਾਂਦਾ ਹੈ ਅਤੇ ਮਾੜੇ ਪਦਾਰਥਾਂ ਨੂੰ ਦੂਰ ਕੀਤਾ ਜਾਂਦਾ ਹੈ। ਇਹ ਗੈਸ ਅਤੇ ਸੋਜ ਦੀ ਸਮੱਸਿਆ ਨੂੰ ਘਟਾਉਂਦਾ ਹੈ।
ਹਲਦੀ ਵਿੱਚ ਐਰੋਮੈਟਿਕ ਟਰਮੇਰੋਨ ਤੱਤ ਹੁੰਦੇ ਹਨ ਜੋ ਖਰਾਬ ਦਿਮਾਗੀ ਸਟੈਮ ਸੈੱਲਾਂ ਦੀ ਮੁਰੰਮਤ ਕਰਦੇ ਹਨ। ਇਹ ਅਲਜ਼ਾਈਮਰ ਅਤੇ ਸਟ੍ਰੋਕ ਵਰਗੇ ਕਈ ਨਿਊਰੋਡੀਜਨਰੇਟਿਵ ਵਿਕਾਰਾਂ ਦੇ ਜੋਖਮ ਨੂੰ ਘਟਾਉਂਦਾ ਹੈ।
ਕੀ ਬਰਸਾਤਾਂ 'ਚ ਠੰਡਾ ਖਾਣਾ ਖਾਣ ਕਾਰਨ ਲੋਕ ਹੁੰਦੇ ਨੇ ਜ਼ਿਆਦਾ ਬੀਮਾਰ? ਜਾਣੋ ਪੂਰੀ ਸੱਚਾਈ
NEXT STORY 
