ਜਲੰਧਰ (ਬਿਊਰੋ) : ਸਰੀਰ ਦੇ ਸਾਰੇ ਹੀ ਅੰਗ ਬਹੁਤ ਮਹੱਤਵਪੂਰਨ ਹੁੰਦੇ ਹਨ ਪਰ ਜਨਾਨੀਆਂ ਦੀ ਬੱਚੇਦਾਨੀ ਸਰੀਰ ਦਾ ਕਾਫ਼ੀ ਅਹਿਮ ਹਿੱਸਾ ਹੁੰਦੀ ਹੈ ਕਿਉਂਕਿ ਜਨਾਨੀਆਂ ਦੀ ਜ਼ਿੰਦਗੀ ਵਿਚ ਖ਼ਾਸ ਭੂਮਿਕਾ ਨਿਭਾਉਂਦੀ ਹੈ। ਇਸ ਦੇ ਜਰੀਏ ਹੀ ਜਨਾਨੀਆਂ ਨੂੰ ਪੀਰੀਅਡਸ ਆਉਂਦੇ ਹਨ ਅਤੇ ਇਸ ਦੇ ਜ਼ਰੀਏ ਹੀ ਉਹ ਮਾਂ ਬਣਨ ਦਾ ਸੁੱਖ ਪ੍ਰਾਪਤ ਕਰਦੀਆਂ ਹਨ। ਕੀ ਤੁਹਾਨੂੰ ਪਤਾ ਹੈ ਕਿ ਬੱਚੇਦਾਨੀ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਵੀ ਹਨ। ਜਿਵੇਂ ਕਿ ਬੱਚੇਦਾਨੀ ਦੇ ਨਿਓਪਲਾਸਮ, ਸੋਜ, ਲਾਗ ਆਦਿ। ਇਨ੍ਹਾਂ ਕਾਰਨ ਗਰਭ ਅਵਸਥਾ 'ਚ ਵੀ ਸਮੱਸਿਆ ਹੁੰਦੀ ਹੈ। ਇਸ ਨਾਲ ਬੱਚੇਦਾਨੀ ਦੇ ਬਾਹਰ ਫਿਸਲਣ ਦੀ ਸਮੱਸਿਆ ਹੁੰਦੀ ਹੈ। ਇਹ ਸਮੱਸਿਆ 50 ਤੋਂ 60 ਸਾਲ ਦੀਆਂ ਜਨਾਨੀਆਂ ਵਿਚ ਹੁੰਦੀ ਹੈ। ਅਜਿਹੀ ਸਥਿਤੀ ਵਿਚ ਬੱਚੇਦਾਨੀ ਅੱਗੇ ਵਧਣੀ ਸ਼ੁਰੂ ਹੋ ਜਾਂਦੀ ਹੈ, ਜਿਸ ਕਾਰਨ ਪੀੜਤ ਜਨਾਨੀਆਂ ਆਪਣਾ ਪਿਸ਼ਾਬ ਨਹੀਂ ਰੋਕ ਪਾਉਂਦੀਆਂ। ਇਸ ਤੋਂ ਇਲਾਵਾ ਉਨ੍ਹਾਂ ਨੂੰ ਗੈਸ ਦੀ ਸ਼ਿਕਾਇਤ ਰਹਿੰਦੀ ਹੈ। ਇਸ ਖ਼ਬਰ ਰਾਹੀਂ ਅਸੀਂ ਤੁਹਾਨੂੰ ਬੱਚੇਦਾਨੀ ਦੇ ਫਿਸਲਣ ਦਾ ਕਾਰਨ ਅਤੇ ਇਸ ਨੂੰ ਵਾਪਸ ਉਸੇ ਸਥਾਨ 'ਤੇ ਕਿਵੇਂ ਲਿਆਣਾ ਬਾਰੇ ਦੱਸਾਂਗੇ।
ਇਹ ਖ਼ਬਰ ਵੀ ਪੜ੍ਹੋ - 'ਯੂਰਿਕ ਐਸਿਡ' ਨੂੰ ਕੰਟਰੋਲ ਕਰਨ ਲਈ ਅਪਣਾਓ ਇਹ ਨੁਸਖ਼ਾ, ਨਹੀਂ ਪਵੇਗੀ ਦਵਾਈ ਦੀ ਲੋੜ
ਬੱਚੇਦਾਨੀ ਬਲੈਡਰ ਅਤੇ ਗੁਦਾ ਦੇ ਵਿਚਕਾਰ ਸਥਿਤ ਹੈ। ਅੰਤੜੀਆਂ ਦੀ ਗਤੀ ਗੁਦਾ ਰਾਹੀਂ ਕੀਤੀ ਜਾਂਦੀ ਹੈ। ਜਦੋਂ ਬੱਚੇਦਾਨੀ ਆਪਣੇ ਸਥਾਨ ਤੋਂ ਖਿਸਕ ਜਾਂਦੀ ਹੈ ਤਾਂ ਸਭ ਤੋਂ ਵੱਧ ਸਮੱਸਿਆਵਾਂ ਬਲੈਡਰ ਅਤੇ ਗੁਦਾ ਨਾਲ ਸਬੰਧਿਤ ਹੁੰਦੀਆਂ ਹਨ। ਜਿਵੇਂ-
1. ਕਬਜ਼
2. ਬਲੋਟਿੰਗ
3. ਪਿਸ਼ਾਬ ਕਰਦੇ ਸਮੇਂ ਦਰਦ
4. ਪੇਟ ਦੇ ਹੇਠਲੇ ਹਿੱਸੇ ਵਿਚ ਭਾਰੀਪਨ ਮਹਿਸੂਸ ਹੋਣਾ
5. ਬੈਠਣ ਵਿਚ ਮੁਸ਼ਿਕਲ ਹੋਣੀ
6. ਹਿਪਸ ਅਤੇ ਪੇਟ ਦਾ ਬਾਹਰ ਨਿਕਲਣਾ
7. ਹੱਸਣ, ਖੰਘਣ ਜਾਂ ਛਾਲ ਮਾਰਨ ਵੇਲੇ ਪਿਸ਼ਾਬ ਨਿਕਲਣਾ
ਇਹ ਖ਼ਬਰ ਵੀ ਪੜ੍ਹੋ - ਰੋਜ਼ਾਨਾ ਦੀ ਖੁਰਾਕ 'ਚ ਜ਼ਰੂਰ ਸ਼ਾਮਲ ਕਰੋ ਵਿਟਾਮਿਨ-ਏ ਨਾਲ ਭਰਪੂਰ ਇਹ ਚੀਜ਼ਾਂ, ਹੱਡੀਆਂ ਅਤੇ ਦੰਦ ਹੋਣਗੇ ਮਜ਼ਬੂਤ
ਆਖਿਰ ਕਿਉਂ ਬੱਚੇਦਾਨੀ ਨਿਕਲਦੀ ਹੈ ਬਾਹਰ
1. ਵਧਦੀ ਉਮਰ ਦੇ ਨਾਲ ਜਨਾਨੀ ਦੇ ਸਰੀਰ ਦਾ ਹੇਠਲਾ ਹਿੱਸਾ ਕਮਜ਼ੋਰ ਹੋ ਜਾਂਦਾ ਹੈ।
2. ਗਰਭ ਅਵਸਥਾ ਅਤੇ ਲੇਬਰ ਦਰਦ
3. ਜ਼ਿਆਦਾ ਭਾਰ ਹੋਣਾ
4. ਸਰੀਰਕ ਗਤੀਵਿਧੀ ਨਾ ਕਰਨਾ
ਇਹ ਖ਼ਬਰ ਵੀ ਪੜ੍ਹੋ - ਸਰੀਰ ਲਈ ਰਾਮਬਾਣ ਹੈ ‘ਕਾਲੀ ਮਿਰਚ’, ਯੂਰਿਕ ਐਸਿਡ ਸਣੇ ਇਨ੍ਹਾਂ ਬਿਮਾਰੀਆਂ ਨੂੰ ਰੱਖੇ ਦੂਰ
ਯੂਟੇਰਿਨ ਪ੍ਰੋਬਲਮ ਨੂੰ ਰੋਕਣ ਲਈ ਉਪਾਅ
1. ਸਭ ਤੋਂ ਪਹਿਲਾਂ ਆਪਣੀ ਸਥਿਤੀ ਨੂੰ ਸਹੀ ਰੱਖੋ। ਕਈ ਵਾਰ ਜਨਾਨੀਆਂ ਦੀ ਹਿਪਸ ਪਿਛਲੇ ਪਾਸੇ ਤੋਂ ਬਾਹਰ ਨਿਕਲਣ ਲੱਗ ਜਾਂਦੀ ਹੈ। ਇਸ ਹਾਲਤ ਵਿਚ ਜਦੋਂ ਉਹ ਅੱਗੇ ਵੱਲ ਝੁਕਦੀ ਹੈ ਤਾਂ ਬੱਚੇਦਾਨੀ ਕਮਜ਼ੋਰ ਹੋ ਜਾਂਦੀ ਹੈ।
2. ਪਿਸ਼ਾਬ ਅਤੇ ਲੈਟਰੀਨ ਕਰਨ ਸਮੇਂ ਖਿਚਾਅ ਨਾ ਕਰੋ। ਇਸ ਨਾਲ ਬੱਚੇਦਾਨੀ 'ਤੇ ਦਬਾਅ ਪੈਂਦਾ ਹੈ।
3. ਹਫ਼ਤੇ ਵਿਚ ਦੋ ਵਾਰ ਸਟਰੈਂਥ ਟਰੇਨਿੰਗ ਤੇ ਸਾਈਕਲਿੰਗ ਕਰੋ। ਇਸ ਨਾਲ ਪੈਲਵਿਕ ਏਰੀਆ ਅਤੇ ਲੱਤਾਂ ਨੂੰ ਮਜ਼ਬੂਤੀ ਮਿਲੇਗੀ।
4. ਸਹੀ ਜੁੱਤੀ ਪਹਿਨੋ, ਜਿਸ ਨਾਲ ਹਿਪਸ ਬਾਹਰ ਨਾ ਨਿਕਲੇ।
5. ਭੋਜਨ ਵਿਚ ਰੇਸ਼ੇਦਾਰ ਭੋਜਨ ਲਓ ਤਾਂ ਕਿ ਕਬਜ਼ ਨਾ ਹੋਵੇ। ਕੈਲਸ਼ੀਅਮ, ਪੋਟਾਸ਼ੀਅਮ ਅਤੇ ਮੈਗਨੀਸ਼ੀਅਮ ਨਾਲ ਭਰਪੂਰ ਖੁਰਾਕ ਖਾਓ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਬੱਚਿਆਂ ਦੇ ਦਿਮਾਗੀ ਵਿਕਾਸ ਲਈ ਖੁਰਾਕ 'ਚ ਜ਼ਰੂਰ ਸ਼ਾਮਲ ਕਰੋ ਆਂਡੇ ਸਣੇ ਇਹ ਚੀਜ਼ਾਂ
NEXT STORY 
