ਲੰਡਨ (ਭਾਸ਼ਾ)— ਬ੍ਰਿਟੇਨ ਵਿਚ ਸਾਲ 2019 ਦੇ ਸਭ ਤੋਂ ਪ੍ਰਭਾਵਸ਼ਾਲੀ ਏਸ਼ੀਆਈ ਲੋਕਾਂ ਦੀ ਸੂਚੀ ਜਾਰੀ ਕੀਤੀ ਗਈ ਹੈ। ਇਸ ਸੂਚੀ ਵਿਚ ਉੱਥੋਂ ਦੀ ਮੈਟਰੋਪਾਲੀਟਨ ਪੁਲਸ ਦੇ ਅੱਤਵਾਦ ਵਿਰੋਧੀ ਪ੍ਰਮੁੱਖ ਭਾਰਤੀ ਮੂਲ ਦੇ ਨੀਲ ਬਸੁ ਅਤੇ ਬ੍ਰਿਟੇਨ ਦੇ ਪਹਿਲੇ ਸਿੱਖ ਜੱਜ ਸਰ ਰਵਿੰਦਰ ਸਿੰਘ ਸ਼ਾਮਲ ਹਨ। ਪਾਕਿਸਤਾਨ ਮੂਲ ਦੇ ਬ੍ਰਿਟਿਸ਼ ਗ੍ਰਹਿ ਮੰਤਰੀ ਸਾਜਿਦ ਜਾਵਿਦ ਅਤੇ ਲੰਡਨ ਦੇ ਮੇਅਰ ਸਾਦਿਕ ਖਾਨ ਵੀ ਇਸ ਸੂਚੀ ਵਿਚ ਸ਼ਾਮਲ ਹਨ। ਬੁੱਧਵਾਰ ਰਾਤ ਇੱਥੇ 'ਗਰਵੀ ਗੁਜਰਾਤ (ਜੀ.ਜੀ.2)' ਅਤੇ 'ਈਸਟਰਨ ਆਈ' ਨਾਮ ਦੇ ਪ੍ਰਕਾਸ਼ਨ ਕੰਪਨੀਆਂ ਦੇ ਪ੍ਰਕਾਸ਼ਕਾਂ ਦੇ ਸਮੂਹ ਨੇ 'ਏਸ਼ੀਅਨ ਮੀਡੀਆ ਗਰੁੱਪ' ਵੱਲੋਂ ਆਯੋਜਿਤ ਜੀ.ਜੀ.2 ਲੀਡਰਸ਼ਿਪ ਐਵਾਰਡਸ ਵਿਚ 'ਈਸਟਰਨ ਆਈ ਜੀ.ਜੀ.2 ਪਾਵਰ ਲਿਸਟ' ਨਾਮ ਦੀ ਇਸ ਸੂਚੀ ਨੂੰ ਜਾਰੀ ਕੀਤਾ।
ਸਕਾਟਲੈਂਡ ਯਾਰਡ ਦੇ ਡਿਪਟੀ ਕਮਿਸ਼ਨਰ ਅਤੇ ਫਿਰ ਕਮਿਸ਼ਨਰ ਰਹੇ 50 ਸਾਲਾ ਬਸੁ ਉੱਥੋਂ ਦੀ ਅੱਤਵਾਦ ਵਿਰੋਧੀ ਸੰਸਥਾ ਦਾ ਪ੍ਰਮੁੱਖ ਨਿਯੁਕਤ ਕੀਤਾ ਗਿਆ ਸੀ। ਉਨ੍ਹਾਂ 'ਤੇ ਦੇਸ਼ ਦੀ ਸੁਰੱਖਿਆ ਦੀ ਮਹੱਤਵਪੂਰਣ ਜ਼ਿੰਮੇਵਾਰੀ ਹੈ। ਉੱਥੇ ਦੂਜੇ ਪਾਸੇ ਸਿਰਫ 39 ਸਾਲਾ ਦੀ ਉਮਰ ਵਿਚ ਬ੍ਰਿਟੇਨ ਵਿਚ ਹਾਈ ਕੋਰਟ ਦੇ ਸਭ ਤੋਂ ਨੌਜਵਾਨ ਜੱਜ ਬਣਨ ਵਾਲੇ ਰਵਿੰਦਰ ਸਿੰਘ ਹੁਣ ਉੱਥੋਂ ਦੀ ਨਿਆਂਪਾਲਿਕਾ ਦੇ ਉੱਚ ਅਹੁਦੇ 'ਤੇ ਹਨ। ਉਨ੍ਹਾਂ ਨੇ ਬੀਤੇ ਸਾਲ ਕੋਰਟ ਆਫ ਅਪੀਲ ਵਿਚ ਜੱਜ ਦੇ ਤੌਰ 'ਤੇ ਸਹੁੰ ਚੁੱਕੀ ਸੀ। ਸਿੰਘ ਦਾ ਜਨਮ ਸਾਲ 1964 ਵਿਚ ਦਿੱਲੀ ਵਿਚ ਹੋਇਆ ਸੀ।
101 ਪ੍ਰਭਾਵਸ਼ਾਲੀ ਏਸ਼ੀਆਈ ਲੋਕਾਂ ਦੀ ਸੂਚੀ ਵਿਚ ਸ਼ਾਮਲ ਭਾਰਤੀ ਮੂਲ ਦੀਆਂ ਪ੍ਰਮੁੱਖ ਸ਼ਖਸੀਅਤਾਂ ਵਿਚ ਸ਼ਰੁਤੀ ਵਡੇਰਾ, ਸਰ ਵੇਂਕਟਾਰਮਨ ਰਾਮਕ੍ਰਿਸ਼ਨਨ, ਲਕਸ਼ਮੀ ਮਿੱਤਲ, ਰਿਸ਼ੀ ਸੁਨਾਕ, ਰਾਮੀ ਰੇਂਜਰ, ਲਾਰਡ ਸਵਰਾਜ ਪਾਲ, ਕਰਤਾਰ ਲਲਵਾਨੀ, ਅਨੁਸ਼ਕਾ ਸ਼ੰਕਰ ਜਿਹੀਆਂ ਮਸ਼ਹੂਰ ਹਸਤੀਆਂ ਸ਼ਾਮਲ ਹਨ।
ਹੁਣ ਬ੍ਰਿਟਿਸ਼ ਫੌਜ ਦੇ ਕਿਸੇ ਵੀ ਅਹੁਦੇ ਲਈ ਅਪਲਾਈ ਕਰ ਸਕਣਗੀਆਂ ਔਰਤਾਂ
NEXT STORY 
