ਵੈੱਬ ਡੈਸਕ- ਅੱਜਕੱਲ ਮੁਟਿਆਰਾਂ ਅਤੇ ਔਰਤਾਂ ਫੈਸ਼ਨ ’ਚ ਅਜਿਹੇ ਆਪਸ਼ਨਜ਼ ਤਲਾਸ਼ ਰਹੀਆਂ ਹਨ ਜੋ ਸੁੰਦਰ, ਆਰਾਮਦਾਇਕ ਅਤੇ ਬਹੁਮੁਖੀ ਹੋਣ। ਇਸੇ ਦਰਮਿਆਨ ਚਿਕਨਕਾਰੀ ਟਿਊਨਿਕ ਦੀ ਬਾਜ਼ਾਰ ’ਚ ਧੁੰਮ ਮਚੀ ਹੈ। ਇਹ ਟਿਊਨਿਕ ਨਾ ਸਿਰਫ਼ ਟ੍ਰੈਂਡ ’ਚ ਬਣੇ ਹੋਏ ਹਨ ਸਗੋਂ ਹਰ ਉਮਰ ਅਤੇ ਹਰ ਮੌਕੇ ’ਤੇ ਔਰਤਾਂ ਨੂੰ ਆਪਣੀ ਵੱਲ ਆਕਰਸ਼ਿਤ ਕਰ ਰਹੇ ਹਨ। ਚਿਕਨਕਾਰੀ ਦਾ ਰਵਾਇਤੀ ਐਂਬ੍ਰਾਇਡਰੀ ਵਰਕ ਇਨ੍ਹਾਂ ਟਿਊਨਿਕ ਨੂੰ ਇਕ ਖ਼ਾਸੀਅਤ ਦਿੰਦਾ ਹੈ, ਜਿਸ ਨਾਲ ਇਹ ਹੋਰ ਸਾਧਾਰਨ ਟਾਪ ਅਤੇ ਕੁੜਤੀਆਂ ਤੋਂ ਵੱਖ ਨਜ਼ਰ ਆਉਂਦੇ ਹਨ। ਇਹ ਟਿਊਨਿਕ ਰੋਜ਼ਾਨਾ ਜੀਵਨ ’ਚ ਬਿਨਾਂ ਕਿਸੇ ਝੰਜਟ ਦੇ ਸਟਾਈਲ ਕੀਤੇ ਜਾ ਸਕਦੇ ਹਨ। ਇਨ੍ਹਾਂ ’ਚ ਕਈ ਤਰ੍ਹਾਂ ਦੇ ਡਿਜ਼ਾਈਨ ਉਪਲਬਧ ਹਨ, ਜਿਵੇਂ ਸ਼ਰਟ-ਸਟਾਈਲ ਟਿਊਨਿਕ, ਸ਼ਾਰਟ ਕੁੜਤਾ ਟਾਈਪ, ਫ੍ਰਾਕ ਸਟਾਈਲ, ਏ-ਲਾਈਨ ਜਾਂ ਸਟ੍ਰੇਟ ਕੱਟ। ਸਲੀਵਜ਼ ਦੇ ਮਾਮਲੇ ’ਚ ਫੁੱਲ ਸਲੀਵ, ਥ੍ਰੀ-ਫੋਰਥ, ਹਾਫ਼ ਸਲੀਵ ਤੋਂ ਲੈ ਕੇ ਸਲੀਵਲੈੱਸ ਤੱਕ ਦੇ ਆਪਸ਼ਨਜ਼ ਮਿਲਦੇ ਹਨ।
ਐਂਬ੍ਰਾਇਡਰੀ ਦੀ ਗੱਲ ਕਰੀਏ ਤਾਂ ਕੁਝ ਟਿਊਨਿਕ ’ਚ ਫੁੱਲ ਚਿਕਨਕਾਰੀ ਵਰਕ ਹੁੰਦਾ ਹੈ, ਜਦਕਿ ਕਈਆਂ ’ਚ ਸਿਰਫ਼ ਨੈੱਕਲਾਈਨ, ਸਲੀਵਜ਼ ਜਾਂ ਹੇਮਲਾਈਨ ’ਤੇ ਹੀ ਸੁੰਦਰ ਐਂਬ੍ਰਾਇਡਰੀ ਕੀਤੀ ਜਾਂਦੀ ਹੈ। ਇਸ ਨਾਲ ਇਹ ਟਿਊਨਿਕ ਹਲਕੇ ਅਤੇ ਭਾਰੀ ਦੋਵੇਂ ਲੁਕ ’ਚ ਉਪਲਬਧ ਰਹਿੰਦੇ ਹਨ। ਕਲਰ ਪੈਲੇਟ ਵੀ ਕਾਫ਼ੀ ਵੱਖਰਾ ਹੈ। ਮੁਟਿਆਰਾਂ ਅਕਸਰ ਲਾਈਟ ਸ਼ੇਡਜ਼ ਜਿਵੇਂ ਵ੍ਹਾਈਟ, ਕ੍ਰੀਮ, ਲਾਈਟ ਪਿੰਕ, ਯੈਲੋ ਪਸੰਦ ਕਰਦੀਆਂ ਹਨ, ਜਦਕਿ ਔਰਤਾਂ ਡਾਰਕ ਸ਼ੇਡਜ਼ ਜਿਵੇਂ ਗ੍ਰੀਨ, ਬਲਿਊ, ਰੈੱਡ, ਮੈਰੂਨ, ਪਰਪਲ ਅਤੇ ਬਲੈਕ ’ਚ ਇਨ੍ਹਾਂ ਨੂੰ ਜ਼ਿਆਦਾ ਪਹਿਨਦੀਆਂ ਹਨ। ਇਹ ਸ਼ੇਡਜ਼ ਕਿਸੇ ਵੀ ਸਕਿਨ ਟੋਨ ਦੇ ਨਾਲ ਖ਼ੂਬ ਜੱਚਦੇ ਹਨ।
ਚਿਕਨਕਾਰੀ ਟਿਊਨਿਕ ਦੀ ਇਕ ਹੋਰ ਵੱਡੀ ਤਾਕਤ ਹੈ ਉਨ੍ਹਾਂ ਦੀ ਵਰਸੇਟੈਲਿਟੀ। ਇਹ ਹਰ ਤਰ੍ਹਾਂ ਦੇ ਬਾਟਮ ਦੇ ਨਾਲ ਆਸਾਨੀ ਨਾਲ ਮੈਚ ਹੋ ਜਾਂਦੇ ਹਨ। ਜੀਨਜ਼, ਲੈਗਿੰਗਜ਼, ਪਲਾਜ਼ੋ, ਸ਼ਾਰਾਰਾ, ਸਟ੍ਰੇਟ ਪੈਂਟ, ਕਾਰਗੋ ਪੈਂਟਸ ਜਾਂ ਇੱਥੋਂ ਤੱਕ ਕਿ ਲੌਂਗ ਸਕਰਟਸ ਦੇ ਨਾਲ ਵੀ ਇਨ੍ਹਾਂ ਨੂੰ ਸਟਾਈਲ ਕੀਤਾ ਜਾ ਸਕਦਾ ਹੈ। ਇਸ ਨਾਲ ਸਟਾਈਲਿੰਗ ’ਚ ਜ਼ਿਆਦਾ ਸੋਚ-ਵਿਚਾਰ ਕਰਨ ਦੀ ਲੋੜ ਨਹੀਂ ਪੈਂਦੀ। ਕੈਜ਼ੂਅਲ ਆਊਟਿੰਗ, ਪਿਕਨਿਕ, ਕਾਲਜ ਫੰਕਸ਼ਨ, ਆਫਿਸ ਜਾਂ ਫੈਮਿਲੀ ਗੈਦਰਿੰਗ ਹਰ ਜਗ੍ਹਾ ਇਹ ਟਿਊਨਿਕ ਪਰਫੈਕਟ ਲੱਗਦੇ ਹਨ। ਇਹ ਮੁਟਿਆਰਾਂ ਨੂੰ ਇਕ ਸਿੰਪਲ ਅਤੇ ਸੋਬਰ ਲੁਕ ਦਿੰਦੇ ਹਨ, ਜੋ ਆਧੁਨਿਕਤਾ ਦੇ ਨਾਲ-ਨਾਲ ਭਾਰਤੀ ਪਰੰਪਰਾ ਦਾ ਵੀ ਅਹਿਸਾਸ ਕਰਾਉਂਦੇ ਹਨ।
ਸਟਾਈਲਿੰਗ ਦੇ ਮਾਮਲੇ ’ਚ ਮੁਟਿਆਰਾਂ ਇਨ੍ਹਾਂ ਨੂੰ ਹੋਰ ਵੀ ਆਕਰਸ਼ਕ ਬਣਾਉਂਦੀਆਂ ਹਨ। ਅਸੈਸਰੀਜ਼ ’ਚ ਸਟੋਲ, ਸਕਾਰਫ਼, ਬੈਗ ਅਤੇ ਸਨਗਲਾਸਿਜ਼ ਦੀ ਵਰਤੋਂ ਆਮ ਹੈ। ਹੇਅਰਸਟਾਈਲ ’ਚ ਓਪਨ ਹੇਅਰ, ਹਾਈ ਪੋਨੀਟੇਲ, ਬ੍ਰੈਡ ਜਾਂ ਮੈਸੀ ਬੰਨ ਸਾਰੇ ਆਪਸ਼ਨ ਟ੍ਰਾਈ ਕੀਤੇ ਜਾਂਦੇ ਹਨ। ਜਿਊਲਰੀ ’ਚ ਝੁਮਕੇ, ਚੇਨ, ਬ੍ਰੈਸਲੇਟ, ਰਿੰਗਸ ਵਰਗੇ ਅਸੈਸਰੀਜ਼ ਜੋੜੇ ਜਾਂਦੇ ਹਨ, ਜੋ ਲੁਕ ਨੂੰ ਕੰਪਲੀਟ ਕਰਦੇ ਹਨ। ਫੁੱਟਵੀਅਰ ’ਚ ਫਲੈਟਸ, ਸੈਂਡਲ, ਬੈਲੀ ਹੀਲਜ਼, ਸਨੀਕਰਸ ਜਾਂ ਕੈਜ਼ੂਅਲ ਸ਼ੂਜ਼ ਸਾਰਿਆਂ ਦੇ ਨਾਲ ਇਹ ਟਿਊਨਿਕ ਖ਼ੂਬਸੂਰਤ ਲੱਗਦੇ ਹਨ। ਕੁੱਲ ਮਿਲਾ ਕੇ, ਚਿਕਨਕਾਰੀ ਟਿਊਨਿਕ ਅੱਜ ਦੀਆਂ ਮੁਟਿਆਰਾਂ ਅਤੇ ਔਰਤਾਂ ਦੀ ਪਹਿਲੀ ਪਸੰਦ ਬਣ ਚੁੱਕੇ ਹਨ। ਇਹ ਨਾ ਸਿਰਫ਼ ਫੈਸ਼ਨੇਬਲ ਹਨ, ਸਗੋਂ ਆਰਾਮਦਾਇਕ, ਬਹੁਮੁਖੀ ਅਤੇ ਕਿਫ਼ਾਇਤੀ ਵੀ ਹਨ। ਭਾਰਤੀ ਸੱਭਿਆਚਾਰ ਦੀ ਝਲਕ ਦਿੰਦੇ ਹੋਏ ਇਹ ਆਧੁਨਿਕ ਜੀਵਨ ਸ਼ੈਲੀ ਦੇ ਨਾਲ ਪੂਰੀ ਤਰ੍ਹਾਂ ਫਿੱਟ ਬੈਠਦੇ ਹਨ। ਇਹੀ ਵਜ੍ਹਾ ਹੈ ਕਿ ਬਾਜ਼ਾਰ ’ਚ ਇਨ੍ਹਾਂ ਦੀ ਡਿਮਾਂਡ ਲਗਾਤਾਰ ਵਧ ਰਹੀ ਹੈ ਅਤੇ ਹਰ ਮੌਸਮ ’ਚ ਇਹ ਟ੍ਰੈਂਡ ’ਚ ਬਣੇ ਰਹਿੰਦੇ ਹਨ।
ਸਾੜ੍ਹੀ ਲੁਕ ਨੂੰ ਮਾਡਰਨ ਟੱਚ ਦੇ ਰਹੇ ਡਿਜ਼ਾਈਨਰ ਬਲਾਊਜ਼
NEXT STORY 
