ਨਵੀਂ ਦਿੱਲੀ, (ਅਨਸ)- ਰਾਜ ਸਭਾ ਦੇ 225 ਮੌਜੂਦਾ ਸੰਸਦ ਮੈਂਬਰਾਂ ਵਿਚੋਂ 27 ਅਰਬਪਤੀ ਹਨ, ਜਿਨ੍ਹਾਂ ਵਿਚੋਂ 6 ਭਾਜਪਾ ਦੇ ਹਨ। ਸ਼ੁੱਕਰਵਾਰ ਨੂੰ ਸਾਹਮਣੇ ਆਈ ਇਕ ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਰਾਜ ਸਭਾ ਸੰਸਦ ਮੈਂਬਰਾਂ ਦੀ ਔਸਤ ਜਾਇਦਾਦ 80.93 ਕਰੋੜ ਰੁਪਏ ਹੈ।
ਐਸੋਸੀਏਸ਼ਨ ਫਾਰ ਡੈਮੋਕ੍ਰੇਟਿਕ ਰਿਫਾਰਮਸ (ਏ. ਡੀ. ਆਰ.) ਅਤੇ ਨੈਸ਼ਨਲ ਇਲੈਕਸ਼ਨ ਵਾਚ (ਨਿਊ) ਨੇ ਇਕ ਰਿਪੋਰਟ ਵਿਚ ਕਿਹਾ ਕਿ ਉਸਨੇ ਰਾਜ ਸਭਾ ਦੇ 233 ਵਿਚੋਂ 225 ਸੰਸਦ ਮੈਂਬਰਾਂ ਦੇ ਅਪਰਾਧਿਕ ਪਿਛੋਕੜ ਦੇ ਵੇਰਵਿਆਂ ਦਾ ਵਿਸ਼ਲੇਸ਼ਣ ਕੀਤਾ ਹੈ।
ਮੌਜੂਦਾ ਰਾਜ ਸਭਾ ਵਿਚ ਇਕ ਸੀਟ ਖਾਲੀ ਹੈ ਜਦੋਂ ਕਿ 3 ਸੰਸਦ ਮੈਂਬਰਾਂ ਦਾ ਵਿਸ਼ਲੇਸ਼ਣ ਨਹੀਂ ਕੀਤਾ ਗਿਆ ਹੈ ਕਿਉਂਕਿ ਉਨ੍ਹਾਂ ਦੇ ਹਲਫ਼ਨਾਮੇ ਮੁਹੱਈਆ ਨਹੀਂ ਸਨ ਅਤੇ ਜੰਮੂ ਅਤੇ ਕਸ਼ਮੀਰ ਦੀਆਂ ਚਾਰ ਸੀਟਾਂ ਪਰਿਭਾਸ਼ਤ ਨਹੀਂ ਹਨ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ 225 ਮੌਜੂਦਾ ਰਾਜ ਸਭਾ ਸੰਸਦ ਮੈਂਬਰਾਂ ਵਿਚੋਂ 27 (12 ਫੀਸਦੀ) ਅਰਬਪਤੀ ਹਨ। ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ 100 ਕਰੋੜ ਰੁਪਏ ਤੋਂ ਵੱਧ ਦੀ ਜਾਇਦਾਦ ਵਾਲੇ ਸਭ ਤੋਂ ਵੱਧ ਅਰਬਪਤੀ ਸੰਸਦ ਮੈਂਬਰ ਭਾਜਪਾ ਨਾਲ ਸਬੰਧਤ ਹਨ। ਇਸ ਤੋਂ ਬਾਅਦ ਕਾਂਗਰਸ ਤੇ ਵਾਈ. ਐੱਸ. ਆਰ. ਸੀ. ਪੀ. ਦਾ ਨੰਬਰ ਹੈ।
ਭਾਜਪਾ ਦੇ 85 ਰਾਜ ਸਭਾ ਸੰਸਦ ਮੈਂਬਰਾਂ ਵਿਚੋਂ 6 (7 ਫੀਸਦੀ) ਅਰਬਪਤੀ ਹਨ। ਕਾਂਗਰਸ ਦੇ 30 ਰਾਜ ਸਭਾ ਸੰਸਦ ਮੈਂਬਰਾਂ ਵਿਚੋਂ 4 (13 ਫੀਸਦੀ); ਵਾਈ. ਐੱਸ. ਆਰ. ਕਾਂਗਰਸ ਪਾਰਟੀ ਦੇ 9 ਵਿਚੋਂ 4 ਰਾਜ ਸਭਾ ਮੈਂਬਰ (44 ਫੀਸਦੀ); ‘ਆਪ’ ਦੇ 10 ’ਚੋਂ 3 ਰਾਜ ਸਭਾ ਮੈਂਬਰ (30 ਫੀਸਦੀ); 7 ਵਿਚੋਂ 3 ਟੀ. ਆਰ. ਐੱਸ. ਦੇ ਰਾਜ ਸਭਾ ਮੈਂਬਰ (43 ਫੀਸਦੀ) ਅਤੇ ਰਾਜਦ ਦੇ 6 ਵਿਚੋਂ ਦੋ ਰਾਜ ਸਭਾ ਸੰਸਦ ਮੈਂਬਰਾਂ (33 ਫੀਸਦੀ) ਨੇ 100 ਕਰੋੜ ਰੁਪਏ ਤੋਂ ਵੱਧ ਦੀ ਜਾਇਦਾਦ ਦਾ ਐਲਾਨ ਕੀਤਾ ਹੈ।
ਇਸ ’ਚ ਅੱਗੇ ਕਿਹਾ ਗਿਆ ਹੈ ਕਿ ਆਂਧਰਾ ਪ੍ਰਦੇਸ਼ ਵਿਚ 100 ਕਰੋੜ ਰੁਪਏ ਦੀ ਜਾਇਦਾਦ ਵਾਲੇ ਸਭ ਤੋਂ ਵੱਧ ਸੰਸਦ ਮੈਂਬਰ ਹਨ, ਇਸ ਤੋਂ ਬਾਅਦ ਤੇਲੰਗਾਨਾ ਅਤੇ ਮਹਾਰਾਸ਼ਟਰ ਦਾ ਨੰਬਰ ਆਉਂਦਾ ਹੈ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਆਂਧਰਾ ਪ੍ਰਦੇਸ਼ ਦੇ 11 ਸੰਸਦ ਮੈਂਬਰਾਂ ਵਿਚੋਂ 5 (45 ਫੀਸਦੀ); ਤੇਲੰਗਾਨਾ ਦੇ 7 ਵਿਚੋਂ 3 ਸੰਸਦ ਮੈਂਬਰ (43 ਫੀਸਦੀ); ਮਹਾਰਾਸ਼ਟਰ ਦੇ 19 ਸੰਸਦ ਮੈਂਬਰਾਂ ਵਿਚੋਂ 3 (16 ਫੀਸਦੀ); ਦਿੱਲੀ ਤੋਂ 3 ਸੰਸਦ ਮੈਂਬਰਾਂ ਵਿਚੋਂ ਇਕ (33 ਫੀਸਦੀ); ਪੰਜਾਬ ਦੇ 7 ਸੰਸਦ ਮੈਂਬਰਾਂ ਵਿਚੋਂ 2 (29 ਫੀਸਦੀ); ਹਰਿਆਣਾ ਦੇ 5 ਵਿਚੋਂ ਇਕ ਸੰਸਦ (20 ਫੀਸਦੀ) ਅਤੇ ਮੱਧ ਪ੍ਰਦੇਸ਼ ਦੇ 11 ਵਿਚੋਂ 2 ਸੰਸਦ ਮੈਂਬਰਾਂ (18 ਫੀਸਦੀ) ਨੇ 100 ਕਰੋੜ ਰੁਪਏ ਤੋਂ ਵੱਧ ਦੀ ਜਾਇਦਾਦ ਦਾ ਐਲਾਨ ਕੀਤਾ ਹੈ।
ਰਿਪੋਰਟ ’ਚ ਇਹ ਵੀ ਦੱਸਿਆ ਗਿਆ ਹੈ ਕਿ ਰਾਜ ਸਭਾ ਦੇ ਮੌਜੂਦਾ ਸੰਸਦ ਮੈਂਬਰਾਂ ਕਦੀ ਔਸਤ ਜਾਇਦਾਦ 80.93 ਕਰੋੜ ਰੁਪਏ ਹੈ।
ਭਲਕੇ ਹਿਮਾਚਲ ਪ੍ਰਦੇਸ਼ ਦਾ ਦੌਰਾ ਕਰਨਗੇ JP ਨੱਢਾ, ਮੀਂਹ ਕਾਰਨ ਹੋਏ ਨੁਕਸਾਨ ਦਾ ਲੈਣਗੇ ਜਾਇਜ਼ਾ
NEXT STORY 
