ਨੈਸ਼ਨਲ ਡੈਸਕ - ਸਿੰਗਾਪੁਰ ਵਿੱਚ ਕੋਰੋਨਾ KP.2 ਅਤੇ KP.1 ਦੇ ਨਵੇਂ ਰੂਪ ਤੇਜ਼ੀ ਨਾਲ ਫੈਲ ਰਹੇ ਹਨ। ਚਿੰਤਾ ਦੀ ਗੱਲ ਹੈ ਕਿ ਇਹ ਨਵੇਂ ਵੇਰੀਐਂਟ ਹੁਣ ਭਾਰਤ 'ਚ ਵੀ ਆ ਗਏ ਹਨ। ਅਧਿਕਾਰਤ ਜਾਣਕਾਰੀ ਦੇ ਅਨੁਸਾਰ, ਭਾਰਤ ਵਿੱਚ ਕੋਵਿਡ-19 KP.2 ਦੇ ਨਵੇਂ ਰੂਪ ਦੇ 290 ਅਤੇ KP.1 ਦੇ 34 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। ਹਾਲਾਂਕਿ, ਕੇਂਦਰੀ ਸਿਹਤ ਮੰਤਰਾਲੇ ਨਾਲ ਜੁੜੇ ਇੱਕ ਸੂਤਰ ਨੇ ਨਿਊਜ਼ ਏਜੰਸੀ ਪੀਟੀਆਈ ਨੂੰ ਦੱਸਿਆ ਹੈ ਕਿ ਇਹ ਸਾਰੇ JN1 ਦੇ ਉਪ ਰੂਪ ਹਨ। ਇਹ ਲੋਕਾਂ ਲਈ ਬਹੁਤ ਖਤਰਨਾਕ ਨਹੀਂ ਹੈ। ਇਸ ਲਈ ਘਬਰਾਉਣ ਜਾਂ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਸਿਹਤ ਮੰਤਰਾਲੇ ਨਾਲ ਜੁੜੇ ਇੱਕ ਸੂਤਰ ਨੇ ਅੱਗੇ ਦੱਸਿਆ ਕਿ ਹੁਣ ਤੱਕ ਕਿਸੇ ਵੀ ਮਰੀਜ਼ ਵਿੱਚ ਗੰਭੀਰ ਲੱਛਣ ਨਹੀਂ ਦੇਖੇ ਗਏ ਹਨ। ਇਸ ਨਵੇਂ ਰੂਪ ਨਾਲ ਸੰਕਰਮਿਤ ਲੋਕਾਂ ਦੇ ਸੈਂਪਲ ਹਸਪਤਾਲਾਂ ਤੋਂ ਲਏ ਗਏ ਹਨ, ਜਿਨ੍ਹਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਜ਼ਿਕਰਯੋਗ ਹੈ ਕਿ ਭਾਰਤ ਵਿੱਚ ਕੋਰੋਨਾ ਮਾਮਲਿਆਂ ਦੀ ਨਿਗਰਾਨੀ ਕਰਨ ਵਾਲੇ ਭਾਰਤੀ ਸਾਰਸ ਕੋਵ-2 ਜੀਨੋਮਿਕਸ ਕੰਸੋਰਟੀਅਮ (INSACOG) ਦੇ ਅੰਕੜਿਆਂ ਤੋਂ ਇਹ ਖੁਲਾਸਾ ਹੋਇਆ ਹੈ। ਅੰਕੜਿਆਂ ਦੇ ਅਨੁਸਾਰ, ਭਾਰਤ ਵਿੱਚ ਹੁਣ ਤੱਕ ਇਸ ਨਵੇਂ ਰੂਪ KP.1 ਦੇ ਕੁੱਲ 34 ਕੇਸ ਪਾਏ ਗਏ ਹਨ, ਜਿਨ੍ਹਾਂ ਵਿੱਚੋਂ 23 ਕੇਸਾਂ ਦੀ ਪੁਸ਼ਟੀ ਸਿਰਫ ਪੱਛਮੀ ਬੰਗਾਲ ਵਿੱਚ ਹੋਈ ਹੈ। ਜਦੋਂ ਕਿ ਗੋਆ ਵਿੱਚ KP.1 ਦੇ ਇੱਕ ਕੇਸ, ਗੁਜਰਾਤ ਵਿੱਚ ਦੋ ਕੇਸ, ਮਹਾਰਾਸ਼ਟਰ ਵਿੱਚ ਚਾਰ ਕੇਸ, ਰਾਜਸਥਾਨ ਵਿੱਚ ਦੋ ਕੇਸ ਅਤੇ ਉੱਤਰਾਖੰਡ ਵਿੱਚ ਇੱਕ ਕੇਸ ਦੀ ਪਛਾਣ ਕੀਤੀ ਗਈ ਹੈ।
ਅੰਕੜਿਆਂ ਅਨੁਸਾਰ ਭਾਰਤ ਵਿੱਚ KP.2 ਵੇਰੀਐਂਟ ਦੇ ਕੁੱਲ 290 ਮਾਮਲਿਆਂ ਦੀ ਪੁਸ਼ਟੀ ਹੋਈ ਹੈ। KP.2 ਦੇ 148 ਮਾਮਲਿਆਂ ਨਾਲ ਮਹਾਰਾਸ਼ਟਰ ਸਭ ਤੋਂ ਉੱਪਰ ਹੈ। ਜਦੋਂ ਕਿ ਦਿੱਲੀ ਵਿੱਚ ਇੱਕ, ਗੋਆ ਵਿੱਚ 12, ਗੁਜਰਾਤ ਵਿੱਚ 23, ਹਰਿਆਣਾ ਵਿੱਚ 3, ਕਰਨਾਟਕ ਵਿੱਚ 4, ਮੱਧ ਪ੍ਰਦੇਸ਼ ਵਿੱਚ ਇੱਕ, ਉੜੀਸਾ ਵਿੱਚ 17, ਰਾਜਸਥਾਨ ਵਿੱਚ 21, ਉੱਤਰ ਪ੍ਰਦੇਸ਼ ਵਿੱਚ 8, ਉੱਤਰਾਖੰਡ ਵਿੱਚ 16 ਅਤੇ ਪੱਛਮੀ ਬੰਗਾਲ ਵਿੱਚ 36 ਕੇਸਾਂ ਦੀ ਪੁਸ਼ਟੀ ਹੋਈ ਹੈ।
ਤੁਹਾਨੂੰ ਦੱਸ ਦੇਈਏ ਕਿ KP.1 ਅਤੇ KP.2 ਵੇਰੀਐਂਟ ਸਿੰਗਾਪੁਰ ਵਿੱਚ ਤੇਜ਼ੀ ਨਾਲ ਫੈਲ ਰਹੇ ਹਨ। ਸਿਰਫ ਸਿੰਗਾਪੁਰ ਵਿੱਚ 5 ਮਈ ਤੋਂ 11 ਮਈ ਤੱਕ ਲਗਭਗ 26 ਹਜ਼ਾਰ ਮਾਮਲੇ ਦਰਜ ਕੀਤੇ ਗਏ ਹਨ। ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਸਾਰੇ ਕੇਸਾਂ ਵਿੱਚੋਂ ਦੋ ਤਿਹਾਈ ਕੇਸ ਸਿਰਫ ਕੇ.ਪੀ.1 ਵੇਰੀਐਂਟ ਨਾਲ ਸਬੰਧਤ ਹਨ। ਜਿਸ ਗਰੁੱਪ ਨਾਲ KP.1 ਅਤੇ KP.2 ਵੇਰੀਐਂਟ ਸਬੰਧਤ ਹਨ, ਨੂੰ ਵੀ FLiRT ਨਾਮ ਦਿੱਤਾ ਗਿਆ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
ਬਾਬਾ ਸਾਹਿਬ ਨਾ ਹੁੰਦੇ ਤਾਂ ਨਹਿਰੂ ਨੇ ਐੱਸ. ਸੀ.-ਐੱਸ. ਟੀ. ਨੂੰ ਨਹੀਂ ਦੇਣੀ ਸੀ ਰਿਜ਼ਰਵੇਸ਼ਨ : ਮੋਦੀ
NEXT STORY 
