ਕੁਝ ਲੋਕਾਂ ਦੀ ਮਾਨਸਿਕਤਾ ਅਜਿਹੀ ਬਣ ਗਈ ਹੈ ਕਿ ਉਹ ਭਾਰਤ ਦਾ ਖਾਂਦੇ ਅਤੇ ਪਾਕਿਸਤਾਨ ਵਰਗੇ ਭਾਰਤ ਦੇ ਦੁਸ਼ਮਣ ਦੇਸ਼ ਦਾ ਰਾਗ ਅਲਾਪਦੇ ਅਤੇ ਉਸ ਦੇ ਪੱਖ ’ਚ ਨਾਅਰੇ ਲਗਾ ਕੇ ਦੇਸ਼ ਦਾ ਮਾਹੌਲ ਖਰਾਬ ਕਰਨ ’ਚ ਜੁਟੇ ਰਹਿੰਦੇ ਹਨ। ਜਿਸ ਥਾਲ਼ੀ ’ਚ ਖਾਂਦੇ ਹਨ, ਉਸੇ ’ਚ ਛੇਕ ਕਰਨ ਵਾਲੇ ਕੁਝ ਦੇਸ਼ਧ੍ਰੋਹੀਆਂ ਸਬੰਧੀ ਪਿਛਲੇ ਲੱਗਭਗ ਢਾਈ ਮਹੀਨਿਆਂ ’ਚ ਸਾਹਮਣੇ ਆਈਆਂ ਘਟਨਾਵਾਂ ਹੇਠਾਂ ਦਰਜ ਹਨ :
* 14 ਫਰਵਰੀ, 2026 ਨੂੰ ‘ਯਵਤਮਾਲ’ (ਮਹਾਰਾਸ਼ਟਰ) ਦੇ ‘ਉਮਰਖੇੜ’ ਪਿੰਡ ’ਚ ਸਥਿਤ ‘ਅਬਦੁਲ ਗੱਫਾਰ ਸ਼ਾਹ ਮਿਊਂਸੀਪਲ ਉਰਦੂ ਸਕੂਲ’ ਦੇ ਹੈੱਡਮਾਸਟਰ ‘ਅਬਦੁਲ ਖਾਨ’ ਅਤੇ ਇਕ ਅਧਿਆਪਕ ‘ਮੁਹੰਮਦ ਫਿਰੋਜ਼’ ਦੇ ਵਿਰੁੱਧ ਸਕੂਲ ’ਚ ਆਯੋਜਿਤ ਇਕ ਸੱਭਿਆਚਾਰਕ ਪ੍ਰੋਗਰਾਮ ’ਚ ਪਾਕਿਸਤਾਨੀ ਰਾਸ਼ਟਰ ਭਗਤੀਪੂਰਨ ਗੀਤ ਵਜਾਉਣ ਦੇ ਦੋਸ਼ ’ਚ ਕੇਸ ਦਰਜ ਕੀਤਾ ਗਿਆ।
ਸੋਸ਼ਲ ਮੀਡੀਆ ’ਤੇ ਇਸ ਸਬੰਧੀ ਤੇਜ਼ੀ ਨਾਲ ਵਾਇਰਲ ਹੋਈ ਵੀਡੀਓ ’ਚ ਵੱਜ ਰਹੇ ਇਸ ਗੀਤ ’ਤੇ ਹੱਥਾਂ ’ਚ ਤਲਵਾਰਾਂ ਫੜੀ ਛੇਵੀਂ ਜਮਾਤ ਦੇ ਕੁਝ ਵਿਦਿਆਰਥੀ ਨੱਚਦੇ ਹੋਏ ਵੀ ਦਿਖਾਈ ਦੇ ਰਹੇ ਸਨ।
* 10 ਮਾਰਚ, 2026 ਨੂੰ ‘ਪੁਣੇ’ (ਮਹਾਰਾਸ਼ਟਰ) ਦੇ ਪਾਰਵਤੀ ਹਿੱਲ ਇਲਾਕੇ ’ਚ ‘ਅਮਨ ਮੁੱਲਾ’ ਨਾਂ ਦੇ ਇਕ 20 ਸਾਲਾ ਇਲੈਕਟ੍ਰੀਸ਼ੀਅਨ ਨੂੰ ‘ਪਾਕਿਸਤਾਨ ਜ਼ਿੰਦਾਬਾਦ’ ਦੇ ਨਾਅਰੇ ਲਗਾਉਣ ਦੇ ਦੋਸ਼ ’ਚ ਗ੍ਰਿਫ਼ਤਾਰ ਕੀਤਾ ਗਿਆ। ਇਸ ਸਬੰਧੀ ਵਾਇਰਲ ਹੋਈ ਵੀਡੀਓ ’ਚ ਇਕ ਘਰ ’ਚ ਕੰਮ ਕਰਨ ਗਿਆ ‘ਅਮਨ ਮੁੱਲਾ’ ਆਪਣੇ ਦੋਸਤ ਨਾਲ ਗੱਲਬਾਤ ਦੌਰਾਨ ‘ਪਾਕਿਸਤਾਨ ਜ਼ਿੰਦਾਬਾਦ’ ਕਹਿੰਦਾ ਸੁਣਾਈ ਦੇ ਰਿਹਾ ਹੈ। ਜਦੋਂ ਉਸ ਦੇ ਦੋਸਤ ਨੇ ਉਸ ਨੂੰ ‘ਹਿੰਦੁਸਤਾਨ ਜ਼ਿੰਦਾਬਾਦ’ ਬੋਲਣ ਲਈ ਕਿਹਾ ਤਾਂ ‘ਅਮਨ ਮੁੱਲਾ’ ਨੇ ਉਸ ਦੀ ਗੱਲ ਮੰਨਣ ਦੀ ਬਜਾਏ ਦੁਬਾਰਾ ‘ਪਾਕਿਸਤਾਨ ਜ਼ਿੰਦਾਬਾਦ’ ਦਾ ਨਾਅਰਾ ਲਗਾਇਆ ਅਤੇ ਆਪਣੇ ਦੋਸਤ ਨੂੰ ਕਿਹਾ ਕਿ “ਤੁਸੀਂ ਜੋ ਚਾਹੋ ਕਰ ਲਓ, ਮੈਂ ਨਾ ਤਾਂ ‘ਹਿੰਦੁਸਤਾਨ ਜ਼ਿੰਦਾਬਾਦ’ ਬੋਲਾਂਗਾ ਅਤੇ ਨਾ ਹੀ ‘ਪਾਕਿਸਤਾਨ ਮੁਰਦਾਬਾਦ’ ਕਹਾਂਗਾ।”
ਸੋਸ਼ਲ ਮੀਡੀਆ ’ਤੇ ਇਹ ਵੀਡੀਓ ਤੇਜ਼ੀ ਨਾਲ ਫੈਲੀ ਅਤੇ ਲੋਕਾਂ ’ਚ ਰੋਸ ਫੈਲ ਗਿਆ, ਜਿਸ ਤੋਂ ਬਾਅਦ ਵੱਖ-ਵੱਖ ਸੰਗਠਨਾਂ ਨੇ ਪੁਲਸ ਥਾਣੇ ਦੇ ਬਾਹਰ ਇਕੱਠੇ ਹੋ ਕੇ ਰੋਸ ਵਿਖਾਵਾ ਕਰਨ ’ਤੇ ਪੁਲਸ ਨੇ ‘ਅਮਨ ਮੁੱਲਾ’ ਨੂੰ ਗ੍ਰਿਫ਼ਤਾਰ ਕਰ ਲਿਆ।
* 29 ਅਪ੍ਰੈਲ, 2026 ਨੂੰ ‘ਡੋਡਾ’ (ਜੰਮੂ-ਕਸ਼ਮੀਰ) ’ਚ ਇਕ ਵੀਡੀਓ ਵਾਇਰਲ ਹੋਈ ਜਿਸ ’ਚ ਪਾਕਿਸਤਾਨ ਦੇ ਪੱਖ ’ਚ ਨਾਅਰੇ ਲਿਖੇ ਹੋਏ ਸਨ। ਮਾਮਲਾ ਧਿਆਨ ’ਚ ਆਉਣ ਤੋਂ ਬਾਅਦ ਪੁਲਸ ਨੇ ‘ਭਾਰਤੀ ਨਿਆਂ ਸੰਹਿਤਾ’ ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਅਧੀਨ ਮਾਮਲਾ ਦਰਜ ਕੀਤਾ ਹੈ।
ਇਕ ਹੋਰ ਖ਼ਬਰ ਅਨੁਸਾਰ 29 ਅਪ੍ਰੈਲ ਨੂੰ ਹੀ ‘ਜੰਮੂ-ਕਸ਼ਮੀਰ’ ਪੁਲਸ ਨੇ ‘ਡੋਡਾ’ ਜ਼ਿਲੇ ਦੇ ‘ਪੁਲਡੋਡਾ’ ਇਲਾਕੇ ’ਚ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ‘ਸ਼ਾਹਬਾਜ਼ ਸ਼ਰੀਫ਼’, ਫੀਲਡ ਮਾਰਸ਼ਲ ‘ਆਸਿਮ ਮੁਨੀਰ’ ਅਤੇ ਪਾਕਿਸਤਾਨ ਦੇ ਰਾਸ਼ਟਰੀ ਝੰਡੇ ਦੇ ਪੋਸਟਰ ਲਗਾਏ ਜਾਣ ਦੇ ਦੋਸ਼ ’ਚ ਕੇਸ ਦਰਜ ਕੀਤਾ। ਇਹ ਪੋਸਟਰ ਸੋਸ਼ਲ ਮੀਡੀਆ ’ਤੇ ਵੀ ਜਾਰੀ ਕੀਤੇ ਗਏ ਹਨ।
* ਅਤੇ ਹੁਣ 4 ਮਈ, 2026 ਨੂੰ ਫਿਲਮ ‘ਮੇਰਾ ਸਾਇਆ’ ਵਿਚ ਸਾਧਨਾ ਦੇ ’ਤੇ ਫਿਲਮਾਈ ਗਈ ਡਰਾਮੇਬਾਜ਼ੀ ‘ਝੁਮਕਾ ਗਿਰਾ ਰੇ, ਬਰੇਲੀ ਕੇ ਬਾਜ਼ਾਰ ਮੇਂ’ ਨਾਲ ਮਸ਼ਹੂਰ ਹੋਏ ‘ਬਰੇਲੀ’ (ਉੱਤਰ ਪ੍ਰਦੇਸ਼) ਸ਼ਹਿਰ ਦੇ ਇਕ ਭੀੜ-ਭੜੱਕੇ ਵਾਲੇ ਬਾਜ਼ਾਰ ’ਚ ‘ਪਾਕਿਸਤਾਨ ਜ਼ਿੰਦਾਬਾਦ’ ਦੇ ਨਾਅਰੇ ਲਗਾਏ ਜਾਣ ਤੋਂ ਬਾਅਦ ਮਾਹੌਲ ਤਣਾਅਪੂਰਨ ਹੋ ਗਿਆ। ਇਸ ਮਾਮਲੇ ’ਚ ਪੁਲਸ ਨੇ 12 ਤੋਂ ਵੱਧ ਵਿਅਕਤੀਅਾਂ ਵਿਰੁੱਧ ਐੱਫ. ਆਈ. ਆਰ. ਦਰਜ ਕੀਤੀ ਹੈ, ਜਦਕਿ ਹੁਣ ਤੱਕ 6 ਵਿਅਕਤੀਅਾਂ ਨੂੰ ਹਿਰਾਸਤ ’ਚ ਲਿਆ ਗਿਆ ਹੈ। ਮੁੱਢਲੀ ਜਾਂਚ ’ਚ ਲੱਗਭਗ 14 ਵਿਅਕਤੀਅਾਂ ਦੀ ਪਛਾਣ ਕੀਤੀ ਗਈ ਹੈ, ਜਿਨ੍ਹਾਂ ’ਚ ਕੁਝ ਨਾਬਾਲਗ ਵੀ ਸ਼ਾਮਲ ਹਨ। ਇਸ ਮਾਮਲੇ ’ਚ ਨਾਮਜ਼ਦ ਇਕ ਮੁਲਜ਼ਮ ‘ਕਾਸ਼ਿਫ਼’, ਜੋ ਸਾਬਕਾ ਕੌਂਸਲਰ ਤਹਿਸੀਨ ਦਾ ਪੁੱਤਰ ਹੈ, ਮੌਕੇ ਤੋਂ ਫ਼ਰਾਰ ਹੋ ਗਿਆ। ਪੁਲਸ ਨੇ ਉਸ ਦੀ ਰਿਹਾਇਸ਼ ’ਤੇ ਛਾਪੇਮਾਰੀ ਕੀਤੀ ਹੈ ਪਰ ਉਹ ਨਹੀਂ ਮਿਲਿਆ। ਦੱਸਿਆ ਜਾ ਰਿਹਾ ਹੈ ਕਿ ਘਟਨਾ ਤੋਂ ਬਾਅਦ ਕਾਸ਼ਿਫ਼ ਦੇ ਸਮਰਥਕਾਂ ਦੇ ਇਕੱਠੇ ਹੋਣ ਨਾਲ ਤਣਾਅ ਹੋਰ ਵਧ ਗਿਆ, ਜਿਸ ਦੌਰਾਨ ਭੀੜ ਅਤੇ ਪੁਲਸ ਦਰਮਿਆਨ ਝੜਪ ਵੀ ਹੋ ਗਈ।
ਅਜਿਹਾ ਦੇਸ਼ਧ੍ਰੋਹ ਵਾਲਾ ਵਤੀਰਾ ਕਰਨ ਵਾਲੇ ਲੋਕ ਕਿਸੇ ਵੀ ਪੱਖੋਂ ਰਹਿਮ ਦੇ ਪਾਤਰ ਨਹੀਂ ਹਨ, ਇਸ ਲਈ ਉਨ੍ਹਾਂ ਨਾਲ ਕੋਈ ਨਰਮੀ ਨਾ ਵਰਤਦੇ ਹੋਏ ਉਨ੍ਹਾਂ ’ਤੇ ਦੇਸ਼ਧ੍ਰੋਹ ਦੀਆਂ ਧਾਰਾਵਾਂ ਤਹਿਤ ਕਾਰਵਾਈ ਕਰ ਕੇ ਉਨ੍ਹਾਂ ਨੂੰ ਤੁਰੰਤ ਸਿੱਖਿਆਦਾਇਕ ਸਜ਼ਾ ਦੇਣੀ ਚਾਹੀਦੀ ਹੈ ਤਾਂ ਜੋ ਉਨ੍ਹਾਂ ਦੇ ਨਾਲ-ਨਾਲ ਦੂਜਿਆਂ ਨੂੰ ਵੀ ਸਬਕ ਮਿਲੇ।
-ਵਿਜੇ ਕੁਮਾਰ
ਕਣਕ-ਝੋਨੇ ਦੇ ਮੋਨੋਕਲਚਰ ਤੋਂ ਪਰ੍ਹੇ, ਪੰਜਾਬ ਦੀ ਦੂਜੇ ਹਰੇ ਇਨਕਲਾਬ ਲਈ ਇਕ ਖਾਕਾ
NEXT STORY 
