ਲੱਗਦਾ ਹੈ ਕਿ ਚੀਨ ਦੇ ਚੰਗੇ ਦਿਨ ਲੱਦ ਗਏ ਅਤੇ ਹੁਣ ਉਸ ਨੂੰ ਆਪਣੀ ਅਰਥਵਿਵਸਥਾ ਨੂੰ ਮਜ਼ਬੂਤ ਬਣਾਉਣ ਲਈ ਸੰਘਰਸ਼ ਕਰਨਾ ਪਵੇਗਾ। ਚੀਨ ਦੀ ਆਰਥਿਕ ਦਸ਼ਾ ਨੂੰ ਤਕੜਾ ਧੱਕਾ ਲੱਗਣ ਵਾਲਾ ਹੈ, ਇਸ ਦੇ ਪਿੱਛੇ ਕਾਰਨ ਹੈ ਕਿ ਸਾਲ 2019 ਦੇ ਅਖੀਰ ’ਚ ਫੈਲੀ ਵਿਸ਼ਵਵਿਆਪੀ ਕੋਰੋਨਾ ਮਹਾਮਾਰੀ, ਦੁਨੀਆ ਭਰ ਦੇ ਦੇਸ਼ ਹੁਣ ਚੀਨ ਦੇ ਨਾਲ ਵਪਾਰ ਕਰਨ ’ਚ ਕੰਨੀ ਕਤਰਾਉਣ ਲੱਗੇ ਹਨ ਅਤੇ ਤੇਜ਼ੀ ਨਾਲ ਚੀਨ ਦਾ ਬਦਲ ਲੱਭ ਰਹੇ ਹਨ।
ਸਟੈਂਡਰਡ ਐਂਡ ਪੂਅਰਜ਼ ਗਲੋਬਲ ਜੋ ਪੂਰੀ ਦੁਨੀਆ ਦੀ ਸਭ ਤੋਂ ਵੱਡੀ ਰੇਟਿੰਗ ਕੰਪਨੀ ਹੈ ਤੇ ਜੋ ਦੁਨੀਆ ਦੇ ਦੇਸ਼ਾਂ ਨੂੰ ਉਨ੍ਹਾਂ ਦੇ ਆਰਥਿਕ ਪੱਧਰ, ਵਪਾਰ, ਕੁੱਲ ਘਰੇਲੂ ਉਤਪਾਦ, ਥੋਕ ਮੁੱਲ ਸੂਚਕ ਅੰਕ, ਮੁੱਲ ਸੰਗ੍ਰਹਿ ਪ੍ਰਣਾਲੀ ਅਤੇ ਸਾਰੇ ਆਰਥਿਕ ਮਾਪਦੰਡਾਂ ਦੇ ਆਧਾਰ ’ਤੇ ਉਸ ਦੇਸ਼ ਵਿਸ਼ੇਸ਼ ਨੂੰ ਇਕ ਸੂਚੀ ’ਚ ਰੱਖਦੀ ਹੈ, ਜੇਕਰ ਉਸ ਦੇਸ਼ ਦਾ ਆਰਥਿਕ ਪੱਧਰ ਚੰਗਾ ਹੈ ਤਾਂ ਰੇਟਿੰਗ ’ਚ ਉੱਚੀ ਥਾਂ ਮਿਲੇਗੀ ਨਹੀਂ ਤਾਂ ਪਾਏਦਾਨ ’ਚ ਹੇਠਲੇ ਪੱਧਰ ’ਤੇ ਡੇਗ ਦਿੱਤਾ ਜਾਵੇਗਾ। ਐੱਸ. ਐਂਡ ਪੀ. ਗਲੋਬਲ ਦੀ ਰੇਟਿੰਗ ’ਤੇ ਦੁਨੀਆ ਦੇ ਕਈ ਦੇਸ਼ਾਂ ਦੇ ਵਿਸ਼ਵ ਪੱਧਰੀ ਅਤੇ ਖੇਤਰੀ ਵਪਾਰ ’ਤੇ ਅਸਰ ਪੈਂਦਾ ਹੈ।
ਐੱਸ. ਐਂਡ ਪੀ. ਗਲੋਬਲ ਨੇ ਹਾਲ ਹੀ ’ਚ ਇਕ ਰਿਪੋਰਟ ਜਾਰੀ ਕੀਤੀ ਹੈ ਜਿਸ ’ਚ ਦੁਨੀਆ ਭਰ ਦੀ ਆਰਥਿਕ ਤਰੱਕੀ ਦੀ ਗੱਲ ਕਹੀ ਗਈ ਹੈ। ਆਪਣੀ ਰਿਪੋਰਟ ’ਚ ਐੱਸ. ਐਂਡ ਪੀ. ਨੇ ਦੋ ਦੇਸ਼ਾਂ ਦੀ ਆਰਥਿਕ ਦਸ਼ਾ ’ਤੇ ਜ਼ੋਰ ਦਿੱਤਾ ਹੈ, ਇਹ ਦੇਸ਼ ਭਾਰਤ ਅਤੇ ਚੀਨ ਹਨ, ਚੀਨ ਦੀ ਵਿਕਾਸ ਦਰ 7.7 ਦੀ ਰਫਤਾਰ ਨਾਲ ਅੱਗੇ ਵਧੇਗੀ ਅਤੇ ਪਰ ਇਸ ਦੇ ਨਾਲ ਹੀ ਐੱਸ. ਐਂਡ ਪੀ. ਗਲੋਬਲ ਨੇ ਇਹ ਵੀ ਕਿਹਾ ਹੈ ਕਿ ਜੇਕਰ ਚੀਨ ਐਵਰਗ੍ਰਾਂਡੇ ਤੋਂ ਹੋਣ ਵਾਲੇ ਨੁਕਸਾਨ ਨੂੰ ਰੋਕ ਲੈਂਦਾ ਹੈ ਜਾਂ ਉਸ ਨੂੰ ਪੂਰਾ ਚੁਕਾ ਦਿੰਦਾ ਹੈ ਤਦ ਚੀਨ ਦੀ ਵਿਕਾਸ ਦਰ ਇਸ ਰਫਤਾਰ ’ਤੇ ਚੱਲਣ ’ਚ ਸਮਰੱਥ ਹੋਵੇਗੀ।
ਐੱਸ. ਐਂਡ ਪੀ. ਗਲੋਬਲ ਨੇ ਚੀਨ ਦੇ ਸਾਲ 2021 ਦੇ ਸਮੁੱਚੇ ਘਰੇਲੂ ਉਤਪਾਦ ’ਚ ਵਾਧੇ ਦੀ ਕਟੌਤੀ ਕੀਤੀ ਹੈ। ਚੀਨ ਲਈ ਏਜੰਸੀ ਨੇ ਪਹਿਲਾਂ 8 ਫੀਸਦੀ ਦੀ ਅੰਦਾਜ਼ਨ ਵਿਕਾਸ ਦਰ ਦਾ ਅੰਦਾਜ਼ਾ ਲਗਾਇਆ ਸੀ ਜਿਸ ਨੂੰ ਬਾਅਦ ’ਚ ਘਟਾ ਕੇ 7.7 ਫੀਸਦੀ ਕਰ ਦਿੱਤਾ ਗਿਆ। ਚੀਨ ਦੀ ਸਰਕਾਰ ਜੇਕਰ ਐਵਰਗ੍ਰਾਂਡੇ ਕੰਪਨੀ ਤੋਂ ਚੀਨ ਦੀ ਅਰਥਵਿਵਸਥਾ ’ਚ ਪੈਦਾ ਹੋਏ ਭੂਚਾਲ ਨੂੰ ਰੋਕ ਲੈਂਦੀ ਹੈ ਤਾਂ ਉਸ ਨੂੰ 7.7 ਫੀਸਦੀ ਦੀ ਵਿਕਾਸ ਦਰ ਮਿਲੇਗੀ। ਅੱਗੇ ਐੱਸ. ਐਂਡ ਪੀ. ਗਲੋਬਲ ਨੇ ਇਹ ਵੀ ਕਿਹਾ ਕਿ ਜੇਕਰ ਚੀਨ ਦੀ ਸਰਕਾਰ ਐਵਰਗ੍ਰਾਂਡੇ ਤੋਂ ਪੈਦਾ ਹੋਏ ਆਰਥਿਕ ਸੰਕਟ ਨੂੰ ਨਹੀਂ ਸੰਭਾਲ ਸਕਦੀ ਤਾਂ ਉਸ ਦੀ ਆਰਥਿਕ ਵਿਕਾਸ ਦਰ ਇਕਦਮ ਹੇਠਾਂ ਆ ਜਾਵੇਗੀ ਅਤੇ ਇਸ ਦੇ ਨਾਲ ਹੀ ਚੀਨ ਦੀ ਅਰਥਵਿਵਸਥਾ ਦਾ ਜੋ ਪਿਛਲੇ 30 ਸਾਲਾਂ ’ਚ ਸੁਨਿਹਰੀ ਯੁੱਗ ਚੱਲਿਆ ਆ ਰਿਹਾ ਹੈ ਉਹ ਵੀ ਖਤਮ ਹੋ ਜਾਵੇਗਾ। ਚੀਨ ਨੂੰ ਆਪਣੀ ਆਰਥਿਕ ਵਿਕਾਸ ਦਰ ਨੂੰ 7.7 ਫੀਸਦੀ ’ਤੇ ਬਣਾਈ ਰੱਖਣ ਲਈ ਜ਼ਰੂਰੀ ਹੈ ਕਿ ਉਹ ਐਵਰਗ੍ਰਾਂਡੇ ਤੋਂ ਉਪਜੀ ਆਰਥਿਕ ਤੰਗੀ ਨੂੰ ਜਲਦੀ ਦੂਰ ਕਰੇ ਪਰ ਮੌਜੂਦਾ ਹਾਲਾਤ ਨੂੰ ਦੇਖਦੇ ਹੋਏ ਲੱਗਦਾ ਨਹੀਂ ਕਿ ਚੀਨ ਇਸ ਤੋਂ ਉੱਭਰ ਸਕੇਗਾ। ਐਵਰਗ੍ਰਾਂਡੇ ਘਪਲਾ ਇਕ ਬਹੁਤ ਵੱਡਾ ਘਪਲਾ ਹੈ, ਇਹ ਆਪਣੇ ਨਾਲ-ਨਾਲ ਕਈ ਦੂਜੇ ਦੇਸ਼ਾਂ ਦੀ ਅਰਥਵਿਵਸਥਾ ਨੂੰ ਦੀਵਾਲੀਆ ਬਣਾ ਸਕਦਾ ਹੈ।
ਐੱਸ. ਐਂਡ ਪੀ. ਗਲੋਬਲ ਏਜੰਸੀ ਰੇਟਿੰਗ ਨੇ ਕਿਹਾ ਹੈ ਕਿ ਚੀਨ ਦੇ ਚੋਟੀ ਦੀ ਸੱਤਾ ’ਤੇ ਬੈਠੇ ਲੋਕਾਂ ਨੇ ਚੀਨੀ ਤਕਨੀਕੀ ਕੰਪਨੀਆਂ ਲਈ, ਜੋ ਚੀਨ ਦੇ ਤਕਨਾਲੋਜੀ ਸੈਕਟਰ ਦਾ ਵੱਡਾ ਹਿੱਸਾ ਹੈ, ’ਤੇ ਆਪਣੇ ਨਿਯਮਾਂ ਨੂੰ ਸਖਤ ਬਣਾਇਆ ਹੈ। ਡਲਿਵਰੀ ਰਾਈਡਰਸ, ਇੰਟਰਨੈੱਟ ਗੇਮਿੰਗ ਕੰਪਨੀਆਂ ਦੇ ਨਿਯਮਾਂ ’ਤੇ ਲਗਾਮ ਲਗਾਉਣ ਅਤੇ ਸਖਤੀ ਵਧਾਉਣ ਨਾਲ ਚੀਨ ਦੀ ਅਰਥਵਿਵਸਥਾ ਨੂੰ ਨੁਕਸਾਨ ਹੋ ਰਿਹਾ ਹੈ। ਇਸ ਨਾਲ ਚੀਨ ਦਾ ਆਰਥਿਕ ਭਵਿੱਖ ਵੀ ਅਨਿਸ਼ਚਿਤਤਾ ਵੱਲ ਲਗਾਤਾਰ ਵਧਦਾ ਜਾ ਰਿਹਾ ਹੈ।
ਐਵਰਗ੍ਰਾਂਡੇ ਤੋਂ ਪੈਦਾ ਹੋਏ ਆਰਥਿਕ ਹਾਲਾਤ ’ਤੇ ਰੇਟਿੰਗ ਏਜੰਸੀ ਨੇ ਕਿਹਾ ਕਿ ਇਸ ਨਾਲ ਦੂਸਰੇ ਡਿਵੈਲਪਰ, ਸਪਲਾਈ ਲੜੀ ਨਾਲ ਜੁੜੇ ਖੇਤਰ, ਵੱਡੇ ਅਤੇ ਦਰਮਿਆਨੇ ਠੇਕੇਦਾਰ, ਬੈਂਕ ਅਤੇ ਵੱਡੇ-ਛੋਟੇ ਵਿੱਤੀ ਸੰਸਥਾਨ ’ਤੇ ਅਸਰ ਪੈਣ ਦਾ ਸ਼ੱਕ ਹੈ।
ਚੀਨ ਸਰਕਾਰ ਐਵਰਗ੍ਰਾਂਡੇ ਘਪਲੇ ਤੋਂ ਪੈਦਾ ਹੋਏ ਹਾਲਾਤ ਨੂੰ ਸੰਭਾਲਣ ਲਈ ਕੁਝ ਨਹੀਂ ਕਰ ਰਹੀ ਹੈ ਅਤੇ ਜਲਦੀ ਹੀ ਇਸ ਦਾ ਅਸਰ ਵਿਸ਼ਵ ਪੱਧਰੀ ਤੌਰ ’ਤੇ ਦੇਖਣ ਨੂੰ ਮਿਲੇਗਾ। ਰੇਟਿੰਗ ਏਜੰਸੀ ਨੇ ਕਿਹਾ ਕਿ ਸਾਨੂੰ ਆਸ ਨਹੀਂ ਹੈ ਕਿ ਚੀਨ ਦੀ ਸਰਕਾਰ ਐਵਰਗ੍ਰਾਂਡੇ ਨੂੰ ਕਿਸੇ ਤਰ੍ਹਾਂ ਦਾ ਸਿੱਧਾ ਸਹਿਯੋਗ ਦੇਵੇਗੀ।
ਭਾਰਤ ਬਾਰੇ ਵੀ ਐੱਸ. ਐਂਡ ਪੀ. ਗਲੋਬਲ ਨੇ ਰੇਟਿੰਗ ਦਿੱਤੀ ਹੈ ਹਾਲਾਂਕਿ ਰੇਟਿੰਗ ਏਜੰਸੀ ਭਾਰਤ ਨੂੰ ਲੈ ਕੇ ਹਮੇਸ਼ਾ ਨਾਂਹਪੱਖੀ ਰੁਖ ਅਪਣਾਉਂਦੀ ਰਹਿੰਦੀ ਹੈ ਪਰ ਇਸ ਵਾਰ ਐੱਸ. ਐਂਡ ਪੀ. ਨੇ ਭਾਰਤ ਦੀ ਅਰਥਵਿਵਸਥਾ ਨੂੰ ਬਿਹਤਰ ਦੱਸਿਆ ਹੈ। ਰੇਟਿੰਗ ਏਜੰਸੀ ਅਨੁਸਾਰ ਕੋਰੋਨਾ ਦੀ ਦੂਸਰੀ ਲਹਿਰ ਦੇ ਬਾਅਦ ਭਾਰਤੀ ਅਰਥਵਿਵਸਥਾ ’ਚ ਜ਼ਬਰਦਸਤ ਰਿਕਵਰੀ ਆ ਰਹੀ ਹੈ। ਭਾਰਤ ਲਈ ਏਜੰਸੀ ਨੇ ਸਾਲ 2022 ’ਚ 9.5 ਫੀਸਦੀ ਦੀ ਜੀ. ਡੀ. ਪੀ. ਦਾ ਅਨੁਮਾਨ ਰੱਖਿਆ ਹੈ ਅਤੇ ਇਸ ਨੂੰ ਸਥਿਰ ਦੱਸਿਆ ਹੈ।
ਭਾਰਤ ਦੀ ਸ਼ਲਾਘਾ ਕਰਦੇ ਹੋਏ ਐੱਸ. ਐਂਡ ਪੀ. ਗਲੋਬਲ ਨੇ ਆਪਣੀ ਰਿਪੋਰਟ ’ਚ ਕਿਹਾ ਕਿ ਅਪ੍ਰੈਲ-ਜੂਨ ’ਚ ਭਾਰਤ ਦੀ ਅਰਥਵਿਵਸਥਾ ਕੋਰੋਨਾ ਦੀ ਦੂਸਰੀ ਲਹਿਰ ਦੇ ਕਾਰਨ ਸੁਸਤ ਪੈ ਗਈ ਸੀ ਪਰ ਜੁਲਾਈ-ਸਤੰਬਰ ਦੀ ਤਿਮਾਹੀ ’ਚ ਭਾਰਤੀ ਅਰਥਵਿਵਸਥਾ ਨੇ ਰਿਕਵਰੀ ਕੀਤੀ ਹੈ, ਮੁਦਰਾਸਫੀਤੀ ਆਸ ਤੋਂ ਵੱਧ ਬਣੀ ਹੋਈ ਹੈ, ਜਨਤਕ ਕਰਜ਼ ਦੀ ਚਿੰਤਾ ਵੀ ਹੈ ਪਰ ਇਨ੍ਹਾਂ ਸਾਰਿਆਂ ਦੇ ਬਾਵਜੂਦ ਭਾਰਤ ਤੇਜ਼ ਰਫਤਾਰ ਨਾਲ ਪੂੰਜੀ ਪ੍ਰਵਾਹ ਜੋਖਮ ਪੈਦਾ ਕਰ ਸਕਦਾ ਹੈ।
ਦਿੱਲੀ ਗੁਰਦੁਆਰਾ ਕਮੇਟੀ : ਅੱਧ-ਵਿਚਾਲੇ ਲਟਕਿਆ ਸੱਤਾ ਦਾ ਗਠਨ, ਪ੍ਰਧਾਨ ਦੀ ‘ਤਾਜਪੋਸ਼ੀ’
NEXT STORY 
