ਨਵੀਂ ਦਿੱਲੀ—ਸਰਕਾਰ ਨੇ ਚਾਲੂ ਮਾਰਕਟਿੰਗ ਸਾਲ 2018-19 'ਚ ਹੁਣ ਤੱਕ 2.38 ਕਰੋੜ ਟਨ (238.8 ਲੱਖ ਟਨ) ਚੌਲ ਖਰੀਦੇ ਹਨ। ਇਸ ਦੇ ਨਾਲ ਪੰਜਾਬ ਅਤੇ ਹਰਿਆਣਾ 'ਚ ਖਰੀਦ ਪ੍ਰਕਿਰਿਆ ਕਰੀਬ-ਕਰੀਬ ਪੂਰੀ ਹੋ ਚੁੱਕੀ ਹੈ। ਅਧਿਕਾਰਿਕ ਅੰਕੜਿਆਂ ਤੋਂ ਇਹ ਜਾਣਕਾਰੀ ਮਿਲੀ ਹੈ। ਮੌਜੂਦਾ ਸੈਸ਼ਨ 'ਚ 3.75 ਕਰੋੜ ਟਨ ਚੌਲ ਖਰੀਦ ਦਾ ਟੀਚਾ ਰੱਖਿਆ ਗਿਆ ਹੈ। ਪਿਛਲੇ ਸਾਲ ਕੁੱਲ 3.81 ਕਰੋੜ ਟਨ ਚੌਲਾਂ ਦੀ ਖਰੀਦ ਹੋਈ ਸੀ। ਖਾਧ ਸੁਰੱਖਿਆ ਕਾਨੂੰਨ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਭਾਰਤੀ ਖਾਧ ਨਿਗਮ (ਐੱਫ.ਸੀ.ਆਈ.) ਅਤੇ ਸੂਬਾ ਸਰਕਾਰ ਦੀਆਂ ਏਜੰਸੀਆਂ ਵਲੋਂ ਖਰੀਦ ਕੀਤੀ ਜਾਂਦੀ ਹੈ। ਚੌਲਾਂ ਦੀ ਖਰੀਦ ਘੱਟੋ-ਘੱਟ ਸਮਰਥਨ ਮੁੱਲ (ਐੱਮ.ਐੱਸ.ਪੀ.) 'ਤੇ ਕੀਤੀ ਜਾਂਦੀ ਹੈ। ਐੱਫ.ਸੀ.ਆਈ. ਦੇ ਅੰਕੜਿਆਂ ਮੁਤਾਬਕ ਹੁਣ ਤੱਕ ਪੰਜਾਬ 'ਚ 1.13 ਕਰੋੜ ਟਨ, ਹਰਿਆਣਾ 'ਚ 39.09 ਲੱਖ ਟਨ ਅਤੇ ਛੱਤੀਸਗੜ੍ਹ 'ਚ 22.42 ਲੱਖ ਟਨ ਚੌਲਾਂ ਦੀ ਖਰੀਦ ਹੋਈ ਹੈ।
ਅੰਕੜੇ ਦਰਸਾਉਂਦੇ ਹਨ ਕਿ ਤੇਲੰਗਾਨਾ 'ਚ 22.46 ਲੱਖ ਟਨ, ਉੱਤਰ ਪ੍ਰਦੇਸ਼ 'ਚ 13.28 ਲੱਖ ਟਨ ਅਤੇ ਆਂਧਰਾ ਪ੍ਰਦੇਸ਼ 'ਚ 10.7 ਲੱਖ ਟਨ ਚੌਲ ਖਰੀਦੇ ਗਏ ਹਨ। ਖਾਧ ਮੰਤਰਾਲੇ ਦੇ ਇਕ ਅਧਿਕਾਰੀ ਨੇ ਕਿਹਾ ਕਿ ਪੰਜਾਬ ਅਤੇ ਹਰਿਆਣਾ 'ਚ ਖਰੀਦ ਪ੍ਰਕਿਰਿਆ ਕਰੀਬ-ਕਰੀਬ ਪੂਰੀ ਹੋ ਚੁੱਕੀ ਹੈ। ਛੱਤੀਸਗੜ੍ਹ 'ਚ ਕਿਸਾਨਾਂ ਨੇ ਐੱਮ.ਐੱਸ.ਪੀ. 'ਚ ਵਾਧੇ ਦੀ ਉਮੀਦ 'ਚ ਆਪਣੀ ਉਪਜ ਨੂੰ ਵੇਚਣਾ ਬੰਦ ਕਰ ਦਿੱਤਾ ਸੀ। ਨਵੀਂ ਸਰਕਾਰ ਦੇ ਚੁਣਾਵੀਂ ਵਾਦਿਆਂ ਨੂੰ ਪੂਰਾ ਕਰਨ ਦੇ ਬਾਅਦ ਫਿਰ ਤੋਂ ਖਰੀਦ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਹੈ। ਬਿਹਾਰ ਅਤੇ ਪੱਛਮੀ ਬੰਗਾਲ ਵਰਗੇ ਪੂਰਬੀ ਸੂਬਿਆਂ 'ਚ ਜਨਵਰੀ ਤੋਂ ਚੌਲਾਂ ਦੀ ਖਰੀਦ ਸ਼ੁਰੂ ਹੁੰਦੀ ਹੈ। ਵਰਤਮਾਨ 'ਚ ਸਰਕਾਰ ਇਸ ਸਾਲ ਸਾਉਣੀ ਫਸਲ 'ਚ ਉਪਜੇ ਚੌਲਾਂ ਦੀ ਖਰੀਦ ਕਰ ਰਹੀ ਹੈ। ਖੇਤੀਬਾੜੀ ਮੰਤਰਾਲੇ ਦੇ ਪਹਿਲੇ ਉਪਜ ਅਨੁਮਾਨ ਦੇ ਮੁਤਾਬਕ 2018-19 ਦੇ ਸਾਉਣੀ ਪੱਧਰ ਦੇ ਦੌਰਾਨ ਚੌਲ ਉਤਪਾਦਨ 9.92 ਕਰੋੜ ਟਨ ਮਾਪਿਆ ਗਿਆ ਹੈ। ਇਕ ਸਾਲ ਪਹਿਲਾਂ ਹੀ ਇਸ ਸਮੇਂ 'ਚ ਇਹ ਅੰਕੜਾ 9.75 ਕਰੋੜ ਟਨ ਸੀ।
ਜਨਵਰੀ 'ਚ ਖਰੀਦਣ ਜਾ ਰਹੇ ਹੋ ਕਾਰ, ਤਾਂ ਹੁਣ ਜੇਬ ਹੋਵੇਗੀ ਇੰਨੀ ਢਿੱਲੀ
NEXT STORY 
