ਬਿਜ਼ਨੈੱਸ ਡੈਸਕ : ਵਿਦੇਸ਼ਾਂ ਵਿੱਚ ਰਹਿ ਰਹੇ ਭਾਰਤੀਆਂ (NRI) ਲਈ ਭਾਰਤ ਵਿੱਚ ਸੋਨੇ ਦੇ ਗਹਿਣੇ ਲਿਆਉਣ ਦੀਆਂ ਕਸਟਮ ਡਿਊਟੀ ਦੀਆਂ ਹੱਦਾਂ ਪੁਰਾਣੀਆਂ ਹੋ ਚੁੱਕੀਆਂ ਹਨ, ਜਿਸ ਕਾਰਨ ਪ੍ਰਵਾਸੀ ਭਾਰਤੀਆਂ ਨੂੰ ਏਅਰਪੋਰਟਾਂ 'ਤੇ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦਰਅਸਲ, ਕਸਟਮ ਡਿਊਟੀ 'ਤੇ ਅੱਜ ਵੀ ਸਾਲ 2016 ਦੇ ਨਿਯਮ ਲਾਗੂ ਹਨ, ਜਦੋਂ ਸੋਨੇ ਦੀ ਕੀਮਤ ਮੌਜੂਦਾ ਸਮੇਂ ਨਾਲੋਂ ਲਗਭਗ ਪੰਜ ਗੁਣਾ ਘੱਟ ਸੀ।
ਇਹ ਵੀ ਪੜ੍ਹੋ : ਕਦੇ ਨਹੀਂ ਡੁੱਬੇਗਾ ਇਨ੍ਹਾਂ ਬੈਂਕਾਂ 'ਚ ਰੱਖਿਆ ਪੈਸਾ... RBI ਨੇ ਜਾਰੀ ਕੀਤੀ 3 ਸਭ ਤੋਂ ਸੁਰੱਖਿਅਤ ਬੈਂਕਾਂ ਦੀ ਸੂਚੀ
ਕੀਮਤਾਂ ਅਤੇ ਨਿਯਮਾਂ ਵਿੱਚ ਵੱਡਾ ਅੰਤਰ
ਸਾਲ 2016 ਵਿੱਚ ਸੋਨਾ ਕਰੀਬ 25,000 ਰੁਪਏ ਪ੍ਰਤੀ ਦਸ ਗ੍ਰਾਮ (ਜਾਂ 2550 ਰੁਪਏ ਪ੍ਰਤੀ ਗ੍ਰਾਮ) ਸੀ। ਹਾਲਾਂਕਿ, ਅੱਜ ਸੋਨੇ ਦਾ ਭਾਅ ਲਗਭਗ 1.30 ਲੱਖ ਰੁਪਏ ਪ੍ਰਤੀ ਦਸ ਗ੍ਰਾਮ ਤੱਕ ਪਹੁੰਚ ਚੁੱਕਾ ਹੈ, ਮਤਲਬ ਕਿ ਇਹ ਪੰਜ ਗੁਣਾ ਮਹਿੰਗਾ ਹੋ ਚੁੱਕਾ ਹੈ। ਇਸ ਵੱਡੇ ਅੰਤਰ ਕਾਰਨ, ਭਾਰਤੀ ਹੁਣ 2016 ਦੇ ਮੁਕਾਬਲੇ ਸੋਨੇ ਦੇ ਗਹਿਣਿਆਂ ਦੀ ਸਿਰਫ਼ ਪੰਜਵੇਂ ਹਿੱਸੇ ਦੀ ਮਾਤਰਾ ਹੀ ਡਿਊਟੀ-ਮੁਕਤ ਲਿਆ ਸਕਦੇ ਹਨ।
ਇਹ ਵੀ ਪੜ੍ਹੋ : RBI ਨੇ ਜਾਰੀ ਕੀਤੇ ਨਵੇਂ ਨਿਯਮ, 1 ਲੱਖ ਤੱਕ ਦੀ ਜਮ੍ਹਾ ਰਾਸ਼ੀ ’ਤੇ ਵਿਆਜ ਦਰਾਂ ਨੂੰ ਲੈ ਕੇ ਕੀਤਾ ਵੱਡਾ ਐਲਾਨ
ਨਿਯਮਾਂ ਅਨੁਸਾਰ, ਜੇਕਰ ਕੋਈ ਵਿਅਕਤੀ ਇੱਕ ਸਾਲ ਤੋਂ ਵੱਧ ਸਮੇਂ ਲਈ ਵਿਦੇਸ਼ ਵਿੱਚ ਰਹਿ ਕੇ ਭਾਰਤ ਵਾਪਸ ਆ ਰਿਹਾ ਹੈ, ਤਾਂ ਉਸਨੂੰ ਵਾਧੂ ਕਸਟਮ ਡਿਊਟੀ ਭਰਨੀ ਪੈ ਰਹੀ ਹੈ।
• ਇੱਕ ਸਾਲ ਤੋਂ ਵੱਧ ਵਿਦੇਸ਼ ਵਿੱਚ ਰਹਿ ਕੇ ਪਰਤਣ ਵਾਲਾ ਪੁਰਸ਼ 50,000 ਰੁਪਏ ਕੀਮਤ ਦਾ 20 ਗ੍ਰਾਮ ਸੋਨਾ ਬਿਨਾਂ ਕਸਟਮ ਡਿਊਟੀ ਦੇ ਭਾਰਤ ਲਿਆ ਸਕਦਾ ਹੈ।
• ਇੱਕ ਸਾਲ ਤੋਂ ਵੱਧ ਵਿਦੇਸ਼ ਵਿੱਚ ਰਹਿ ਕੇ ਪਰਤਣ ਵਾਲੀ ਮਹਿਲਾ ਇੱਕ ਲੱਖ ਰੁਪਏ ਕੀਮਤ ਦਾ 40 ਗ੍ਰਾਮ ਸੋਨਾ ਬਿਨਾਂ ਡਿਊਟੀ ਲਿਆ ਸਕਦੀ ਹੈ।
ਮੌਜੂਦਾ ਕੀਮਤਾਂ ਦੇ ਆਧਾਰ 'ਤੇ, ਇੱਕ ਲੱਖ ਰੁਪਏ ਦੇ ਸੋਨੇ ਦੀ ਮਾਤਰਾ ਮਹਿਲਾਵਾਂ ਲਈ ਹੁਣ ਸਿਰਫ਼ 7.5 ਗ੍ਰਾਮ ਦੇ ਕਰੀਬ ਰਹਿ ਜਾਂਦੀ ਹੈ, ਅਤੇ ਮੇਕਿੰਗ ਚਾਰਜ ਸ਼ਾਮਲ ਕਰਨ 'ਤੇ ਭਾਰ ਹੋਰ ਵੀ ਘੱਟ ਜਾਂਦਾ ਹੈ। ਇਸ ਤੋਂ ਉੱਪਰ ਜਾਣ 'ਤੇ ਯਾਤਰੀਆਂ ਨੂੰ ਡਿਊਟੀ ਅਦਾ ਕਰਨੀ ਪੈਂਦੀ ਹੈ।
ਇਹ ਵੀ ਪੜ੍ਹੋ : 1 ਜਨਵਰੀ ਤੋਂ ਲਾਗੂ ਹੋਣਗੇ RBI ਦੇ ਨਵੇਂ ਡਿਜੀਟਲ ਬੈਂਕਿੰਗ ਨਿਯਮ, ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਸਰਕਾਰ ਨੇ ਲਿਆ ਫ਼ੈਸਲਾ
ਪ੍ਰਵਾਸੀ ਭਾਰਤੀਆਂ ਦੀ ਮੰਗ
ਦੁਬਈ ਅਤੇ ਖਾੜੀ ਦੇਸ਼ਾਂ ਵਿੱਚ ਲੰਬੇ ਸਮੇਂ ਤੋਂ ਰਹਿ ਰਹੇ ਭਾਰਤੀਆਂ ਨੂੰ ਖਾਸ ਤੌਰ 'ਤੇ ਇਹ ਦਹਾਕਾ ਪੁਰਾਣੇ ਨਿਯਮ ਬਹੁਤ ਪ੍ਰੇਸ਼ਾਨ ਕਰ ਰਹੇ ਹਨ।
ਇਹ ਵੀ ਪੜ੍ਹੋ : RBI ਦਾ ਵੱਡਾ ਐਲਾਨ, ਸਾਰੇ ਬੈਂਕਾਂ ’ਚ FD ਦੀ ਘੱਟੋ-ਘੱਟ ਮਿਆਦ ਕੀਤੀ ਤੈਅ
ਇਸ ਸਮੱਸਿਆ ਨੂੰ ਲੈ ਕੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੂੰ ਇੱਕ ਬੇਨਤੀ ਪੱਤਰ ਭੇਜ ਕੇ ਮੰਗ ਕੀਤੀ ਗਈ ਹੈ ਕਿ ਸੋਨੇ ਦੀ ਕੀਮਤ ਦੇ ਹਿਸਾਬ ਨਾਲ ਕਸਟਮ ਬੈਗੇਜ ਡਿਕਲੇਰੇਸ਼ਨ ਨਿਯਮਾਂ ਨੂੰ ਤੁਰੰਤ ਅਪਡੇਟ ਕੀਤਾ ਜਾਵੇ।
ਦੁਬਈ ਵਿੱਚ ਕਾਰੋਬਾਰ ਕਰ ਰਹੇ ਵਪਾਰੀਆਂ ਨੇ ਦੱਸਿਆ ਕਿ ਜਦੋਂ ਵੀ ਉਹ ਦੁਬਈ ਤੋਂ ਇੰਦੌਰ ਜਾਂਦੇ ਹਨ, ਉਨ੍ਹਾਂ ਦੇ ਗਹਿਣਿਆਂ ਦਾ ਵਜ਼ਨ ਘੱਟਦਾ ਜਾ ਰਿਹਾ ਹੈ, ਅਤੇ ਨਿੱਜੀ ਵਰਤੋਂ ਵਾਲੇ ਗਹਿਣਿਆਂ ਲਈ ਵੀ ਏਅਰਪੋਰਟ 'ਤੇ ਕਾਫੀ ਪਰੇਸ਼ਾਨ ਕੀਤਾ ਜਾਂਦਾ ਹੈ। ਇਹ ਨਿਯਮ 'ਬਾਹਰੋਂ ਆਏ ਭਾਰਤੀਆਂ ਨੂੰ ਏਅਰਪੋਰਟ 'ਤੇ ਪੇਸ਼ ਆਉਣ ਵਾਲੀ ਇੱਕ ਬਹੁਤ ਵੱਡੀ ਸਮੱਸਿਆ ਬਣਿਆ ਹੋਇਆ ਹੈ'।
ਇਸ ਸਬੰਧ ਵਿੱਚ, ਦਿੱਲੀ ਹਾਈ ਕੋਰਟ ਨੇ ਇਸੇ ਸਾਲ ਇਹ ਟਿੱਪਣੀ ਕੀਤੀ ਸੀ ਕਿ ਕਸਟਮ ਅਧਿਕਾਰੀ ਐਨਆਰਆਈਜ਼ ਅਤੇ ਯਾਤਰੀਆਂ ਦੀ ਨਿੱਜੀ ਜਾਂ ਵਿਰਾਸਤ ਵਿੱਚ ਮਿਲੀ ਜਿਊਲਰੀ ਜ਼ਬਤ ਨਹੀਂ ਕਰ ਸਕਦੇ, ਜੋ ਨਿੱਜੀ ਵਰਤੋਂ ਲਈ ਪਹਿਨੀ ਜਾਂ ਲਿਜਾਈ ਗਈ ਹੋਵੇ। ਇਸ ਦੇ ਬਾਵਜੂਦ, ਅਪ੍ਰੈਲ 2025 ਵਿੱਚ, ਦੁਬਈ ਦੇ 84 ਸਾਲਾ ਵਾਸੁ ਸ਼੍ਰੀਫ ਨੂੰ ਜੈਪੁਰ ਏਅਰਪੋਰਟ 'ਤੇ ਆਪਣੀ ਨਿੱਜੀ ਘੜੀ ਕਾਰਨ ਕਈ ਘੰਟੇ ਰੋਕਿਆ ਗਿਆ ਸੀ।
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt
ਸ਼ੇਅਰ ਬਾਜ਼ਾਰ 'ਚ ਭੂਚਾਲ : 609 ਅੰਕ ਟੁੱਟਿਆ ਸੈਂਸੈਕਸ ਤੇ ਨਿਫਟੀ ਡਿੱਗ ਕੇ 25,960 'ਤੇ ਹੋਇਆ ਬੰਦ
NEXT STORY 
