ਵੈੱਬ ਡੈਸਕ- ਸਰਦੀਆਂ ਦਾ ਮੌਸਮ ਚੱਲ ਰਿਹਾ ਹੈ। ਇਸ ਮੌਸਮ 'ਚ ਲੋਕ ਸਰੀਰ ਨੂੰ ਗਰਮ ਰੱਖਣ ਲਈ ਤਰ੍ਹਾਂ-ਤਰ੍ਹਾਂ ਦੇ ਪਕਵਾਨ ਬਣਾ ਕੇ ਖਾਂਦੇ ਹਨ। ਜਿਸ ਨਾਲ ਸਰੀਰ ਦੀ ਰੋਗ ਪ੍ਰਤੀਰੋਧਕ ਸਮਰੱਥਾ ਵਧਦੀ ਹੈ। ਤਿਲਾਂ ਦੇ ਲੱਡੂ ਵੀ ਇਨ੍ਹਾਂ ਵਿੱਚੋਂ ਇੱਕ ਹਨ। ਤਿਲਾਂ ਦੇ ਲੱਡੂ ਬੱਚਿਆਂ ਤੋਂ ਲੈ ਕੇ ਬਜ਼ੁਰਗਾਂ ਤੱਕ ਸਾਰਿਆਂ ਲਈ ਫਾਇਦੇਮੰਦ ਹੁੰਦੇ ਹਨ। ਲੋਕ ਤਿਲਾਂ ਦੇ ਲੱਡੂ ਨੂੰ ਗੁੜ ਵਿਚ ਮਿਲਾ ਕੇ ਬਣਾਉਂਦੇ ਹਨ, ਜਿਸ ਨਾਲ ਇਹ ਹੋਰ ਵੀ ਫਾਇਦੇਮੰਦ ਹੁੰਦਾ ਹੈ। ਸਰਦੀਆਂ ਵਿੱਚ ਲੋਕ ਗਰਮ ਪ੍ਰਭਾਵ ਵਾਲੀਆਂ ਚੀਜ਼ਾਂ ਖਾਣਾ ਪਸੰਦ ਕਰਦੇ ਹਨ ਤਾਂ ਜੋ ਉਹ ਸਰਦੀ ਅਤੇ ਵਾਇਰਲ ਇਨਫੈਕਸ਼ਨ ਤੋਂ ਬਚ ਸਕਣ। ਤਿਲ ਵੀ ਦੋ ਤਰ੍ਹਾਂ ਦੇ ਹੁੰਦੇ ਹਨ- ਇੱਕ ਕਾਲਾ ਅਤੇ ਦੂਜਾ ਚਿੱਟਾ। ਦੋਵੇਂ ਸਿਹਤ ਨੂੰ ਵੱਖ-ਵੱਖ ਲਾਭ ਪ੍ਰਦਾਨ ਕਰਦੇ ਹਨ ਅਤੇ ਪ੍ਰਤੀਰੋਧਕ ਸ਼ਕਤੀ ਨੂੰ ਵਧਾਉਣ ਵਿਚ ਮਦਦਗਾਰ ਹੁੰਦੇ ਹਨ।
ਕਾਲੇ ਅਤੇ ਚਿੱਟੇ ਤਿਲਾਂ 'ਚ ਪ੍ਰੋਟੀਨ, ਕੈਲਸ਼ੀਅਮ, ਖਣਿਜ, ਮੈਗਨੀਸ਼ੀਅਮ, ਆਇਰਨ, ਕਾਪਰ ਸਮੇਤ ਬਹੁਤ ਸਾਰੇ ਪੋਸ਼ਕ ਤੱਤ ਪਾਏ ਜਾਂਦੇ ਹਨ, ਜੋ ਸਰੀਰ ਲਈ ਫਾਇਦੇਮੰਦ ਹੁੰਦੇ ਹਨ। ਲੱਡੂ ਤਿਲਾਂ ਦੇ ਬੀਜ ਨੂੰ ਗੁੜ ਦੇ ਨਾਲ ਮਿਲਾ ਕੇ ਬਣਾਏ ਜਾਂਦੇ ਹਨ। ਗੁੜ 'ਚ ਕੈਲਸ਼ੀਅਮ, ਫਾਸਫੋਰਸ, ਮੈਗਨੀਸ਼ੀਅਮ, ਪੋਟਾਸ਼ੀਅਮ, ਫੋਲਿਕ ਐਸਿਡ ਵਰਗੇ ਪੋਸ਼ਕ ਤੱਤ ਹੁੰਦੇ ਹਨ ਜੋ ਸਰਦੀਆਂ 'ਚ ਸਰੀਰ ਨੂੰ ਕਈ ਫਾਇਦੇ ਦਿੰਦੇ ਹਨ। ਜਾਣੋ ਤਿਲ ਖਾਣ ਨਾਲ ਸਰੀਰ ਨੂੰ ਕੀ ਫਾਇਦੇ ਹੁੰਦੇ ਹਨ।
ਇਹ ਵੀ ਪੜ੍ਹੋ-ਦਫਤਰ 'ਚ ਕੰਮ ਕਰਦੇ ਸਮੇਂ ਨੀਂਦ ਆਉਣ ਦੇ ਇਹ ਹਨ ਵੱਡੇ ਕਾਰਨ
ਚਿੱਟੇ ਤਿਲ
ਮਾਨਸਿਕ ਸਿਹਤ ਲਈ ਚੰਗੇ
ਤਿਲਾਂ ਵਿੱਚ ਪ੍ਰੋਟੀਨ, ਕੈਲਸ਼ੀਅਮ, ਖਣਿਜ, ਮੈਗਨੀਸ਼ੀਅਮ ਆਦਿ ਪੋਸ਼ਕ ਤੱਤ ਪਾਏ ਜਾਂਦੇ ਹਨ ਜੋ ਮਾਨਸਿਕ ਸਿਹਤ ਲਈ ਵਧੀਆ ਹਨ। ਤਿਲਾਂ ਦਾ ਸੇਵਨ ਵਧਦੀ ਉਮਰ ਦੇ ਨਾਲ ਯਾਦਦਾਸ਼ਤ 'ਤੇ ਜਲਦੀ ਅਸਰ ਨਹੀਂ ਪਾਉਂਦਾ।
ਹੱਡੀਆਂ ਹੁੰਦੀਆਂ ਨੇ ਮਜ਼ਬੂਤ
ਤਿਲਾਂ ਵਿੱਚ ਜ਼ਿੰਕ, ਕੈਲਸ਼ੀਅਮ ਅਤੇ ਫਾਸਫੋਰਸ ਵਰਗੇ ਖਣਿਜ ਹੁੰਦੇ ਹਨ ਜੋ ਸਰੀਰ ਦੀਆਂ ਹੱਡੀਆਂ ਨੂੰ ਮਜ਼ਬੂਤ ਕਰਦੇ ਹਨ ਅਤੇ ਜੋੜਾਂ ਦੇ ਦਰਦ ਨੂੰ ਘੱਟ ਕਰਦੇ ਹਨ।
ਕੋਲੈਸਟ੍ਰੋਲ ਘੱਟ ਕਰੇ
ਤਿਲਾਂ 'ਚ ਸੇਸਾਮਿਨ ਅਤੇ ਸੇਸਾਮੋਲਿਨ ਨਾਂ ਦੇ ਦੋ ਪਦਾਰਥ ਹੁੰਦੇ ਹਨ ਜੋ ਕੋਲੈਸਟ੍ਰੋਲ 'ਤੇ ਕੰਮ ਕਰਦੇ ਹਨ। ਤਿਲਾਂ ਦੇ ਲੱਡੂ ਖਾਣ ਨਾਲ ਵੀ ਬੀ.ਪੀ. ਠੀਕ ਰਹਿੰਦਾ ਹੈ।
ਇਹ ਵੀ ਪੜ੍ਹੋ-ਜੇਕਰ ਤੁਸੀਂ ਵੀ ਰਾਤ ਨੂੰ ਬ੍ਰਾਅ ਪਹਿਣ ਕੇ ਸੌਂਦੇ ਹੋ ਤਾਂ ਸਾਵਧਾਨ ! ਪੜ੍ਹੋ ਕੀ ਹੋ ਸਕਦੈ ਨੇ ਨੁਕਸਾਨ
ਕਾਲੇ ਤਿਲਾਂ ਦੇ ਫਾਇਦੇ
- ਕਾਲੇ ਤਿਲਾਂ ਦੇ ਲੱਡੂ ਖਾਣ ਨਾਲ ਬਵਾਸੀਰ ਦੀ ਸਮੱਸਿਆ ਦੂਰ ਹੁੰਦੀ ਹੈ।
- ਕਾਲੇ ਤਿਲਾਂ 'ਚ ਪ੍ਰੋਟੀਨ, ਕੈਲਸ਼ੀਅਮ ਭਰਪੂਰ ਮਾਤਰਾ 'ਚ ਪਾਇਆ ਜਾਂਦਾ ਹੈ, ਜੋ ਸਰੀਰ ਦੀ ਕਮਜ਼ੋਰੀ ਨੂੰ ਦੂਰ ਕਰਦਾ ਹੈ।
- ਕਾਲੇ ਤਿਲ ਦੰਦਾਂ ਨੂੰ ਮਜ਼ਬੂਤ ਬਣਾਉਂਦੇ ਹਨ।
- ਸਰਦੀਆਂ ਵਿੱਚ ਖੂਨ ਦਾ ਵਹਾਅ ਘੱਟ ਹੋਣ ਕਾਰਨ ਦਿਲ ਦੀਆਂ ਸਮੱਸਿਆਵਾਂ ਵਧ ਜਾਂਦੀਆਂ ਹਨ। ਕਾਲੇ ਤਿਲ ਸਰੀਰ ਨੂੰ ਗਰਮੀ ਦੇਣ ਦੇ ਨਾਲ-ਨਾਲ ਖੂਨ ਦੇ ਸੰਚਾਰ ਨੂੰ ਠੀਕ ਰੱਖਦੇ ਹਨ, ਜਿਸ ਨਾਲ ਦਿਲ ਦੀਆਂ ਬੀਮਾਰੀਆਂ ਨਹੀਂ ਹੁੰਦੀਆਂ।
ਇਹ ਵੀ ਪੜ੍ਹੋ-ਸਾਵਧਾਨ! ਰਾਤ ਭਰ Wi-Fi ਆਨ ਕਰਕੇ ਸੌਣਾ ਹੈ ਸਿਹਤ ਲਈ ਹਾਨੀਕਾਰਕ, ਜਾਣ ਲਓ ਨੁਕਸਾਨ
ਸਰਦੀਆਂ ਵਿੱਚ ਤਿਲਾਂ ਦੇ ਲੱਡੂ ਬਣਾਉਣ ਦਾ ਇਹ ਤਰੀਕਾ ਹੈ
ਲੋੜੀਂਦੀ ਸਮੱਗਰੀ (ਚਿੱਟੇ ਤਿਲਾਂ ਦੇ ਲੱਡੂ)
- 1 ਕੱਪ ਸਫੈਦ ਤਿਲ
- 1/2 ਕੱਪ ਖੋਆ
- ਅੱਧਾ ਕੱਪ ਗੁੜ
- ਕੇਸਰ ਦੀ ਇੱਕ ਚੂੰਡੀ
- 2 ਚਮਚ ਕੈਨੋਲਾ ਤੇਲ
- 2 ਚਮਚ ਫੁੱਲ ਕਰੀਮ ਵਾਲਾ ਦੁੱਧ
ਇਹ ਵੀ ਪੜ੍ਹੋ-ਕੀ ਤੁਹਾਨੂੰ ਵੀ ਆਉਂਦੈ ਜ਼ਿਆਦਾ ਗੁੱਸਾ ਤਾਂ ਕੰਟਰੋਲ ਕਰਨ ਲਈ ਅਪਣਾਓ ਇਹ ਟਿਪਸ
ਤਿਲਾਂ ਦੇ ਲੱਡੂ ਬਣਾਉਣ ਲਈ ਸਭ ਤੋਂ ਪਹਿਲਾਂ ਇਕ ਕੜਾਹੀ 'ਚ ਤੇਲ ਪਾ ਕੇ ਸਫੈਦ ਤਿਲਾਂ ਨੂੰ ਹਲਕਾ ਜਿਹਾ ਭੁੰਨ ਲਓ। ਹੁਣ ਕੇਸਰ ਨੂੰ ਗਰਮ ਦੁੱਧ 'ਚ ਭਿਓਂ ਲਓ। ਕੜਾਹੀ ਵਿਚ ਗੁੜ ਪਾਓ ਜਿਸ ਵਿਚ ਤਿਲ ਭੁੰਨੇ ਹੋਏ ਸਨ ਅਤੇ ਮਿਲਾਓ। ਇਸ ਨੂੰ ਉਦੋਂ ਤੱਕ ਹਿਲਾਉਂਦੇ ਰਹੋ ਜਦੋਂ ਤੱਕ ਗੁੜ ਅੱਧਾ ਨਾ ਹੋ ਜਾਵੇ। ਗੁੜ ਪਿਘਲ ਜਾਣ ਤੋਂ ਬਾਅਦ ਇਸ ਵਿਚ ਕੇਸਰ ਵਾਲਾ ਦੁੱਧ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਫਿਰ ਨਰਮ ਖੋਆ ਅਤੇ ਤੇਲ ਪਾ ਕੇ ਚਮਚ ਦੀ ਮਦਦ ਨਾਲ ਚੰਗੀ ਤਰ੍ਹਾਂ ਨਾਲ ਮਿਕਸ ਕਰ ਲਓ। ਹੁਣ ਆਪਣੇ ਹੱਥਾਂ 'ਤੇ ਥੋੜ੍ਹਾ ਜਿਹਾ ਤੇਲ ਲਗਾਓ ਅਤੇ ਤਿਆਰ ਮਿਸ਼ਰਣ ਤੋਂ ਲੱਡੂ ਬਣਾਉਣਾ ਸ਼ੁਰੂ ਕਰੋ।
ਇਸੇ ਤਰ੍ਹਾਂ ਤੁਸੀਂ ਕਾਲੇ ਤਿਲਾਂ ਦੇ ਲੱਡੂ ਵੀ ਬਣਾ ਸਕਦੇ ਹੋ। ਦੋਵੇਂ ਤਿਲ ਸਿਹਤ ਲਈ ਫਾਇਦੇਮੰਦ ਹੁੰਦੇ ਹਨ। ਬੱਚੇ-ਬਜ਼ੁਰਗ ਸਾਰਿਆਂ ਨੂੰ ਸਰਦੀਆਂ ਵਿੱਚ ਹਰ ਰੋਜ਼ ਤਿਲਾਂ ਦੇ ਲੱਡੂ ਜ਼ਰੂਰ ਖਾਣੇ ਚਾਹੀਦੇ ਹਨ। ਹਾਲਾਂਕਿ, ਜੇਕਰ ਤੁਹਾਨੂੰ ਕੋਈ ਸਿਹਤ ਸਮੱਸਿਆ ਹੈ ਤਾਂ ਪਹਿਲਾਂ ਆਪਣੇ ਡਾਕਟਰ ਨਾਲ ਸਲਾਹ ਕਰੋ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਕਿਵੇਂ ਬਣਦੀ ਹੈ ਸ਼ਿਲਾਜੀਤ? ਅਸਲੀ ਤੇ ਨਕਲੀ ਦੀ ਪਛਾਣ ਕਰਨ ਦਾ ਇਹ ਹੈ ਸਹੀ ਤਰੀਕਾ (ਦੇਖੋ ਵੀਡੀਓ)
NEXT STORY 
