ਹੈਲਥ ਡੈਸਕ- ਅਖਰੋਟ ਨੂੰ ਅਕਸਰ 'ਬ੍ਰੇਨ ਫੂਡ' ਕਿਹਾ ਜਾਂਦਾ ਹੈ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਰਾਤ ਭਰ ਪਾਣੀ 'ਚ ਭਿਓਂ ਕੇ ਖਾਣ ਨਾਲ ਇਸ ਦੇ ਫਾਇਦੇ ਕਈ ਗੁਣਾ ਵੱਧ ਜਾਂਦੇ ਹਨ? ਆਯੁਰਵੇਦ ਅਤੇ ਆਧੁਨਿਕ ਰਿਸਰਚ ਦੋਵੇਂ ਮੰਨਦੇ ਹਨ ਕਿ ਭਿੱਜੇ ਹੋਏ ਅਖਰੋਟ ਸਿਰਫ਼ ਦਿਮਾਗ 'ਤੇ ਹੀ ਨਹੀਂ, ਸਗੋਂ ਦਿਲ, ਹਾਜ਼ਮਾ, ਹੱਡੀਆਂ ਅਤੇ ਸਕਿਨ-ਹੇਅਰ ਲਈ ਵੀ ਬਹੁਤ ਲਾਭਦਾਇਕ ਹੁੰਦੇ ਹਨ। ਰੋਜ਼ਾਨਾ ਸਵੇਰੇ ਖਾਲੀ ਪੇਟ 5-6 ਅਖਰੋਟ ਖਾਣ ਨਾਲ ਸਿਹਤ 'ਚ ਕਈ ਸਕਾਰਾਤਮਕ ਤਬਦੀਲੀਆਂ ਨਜ਼ਰ ਆਉਣ ਲੱਗਣਗੀਆਂ।
ਭਿੱਜੇ ਹੋਏ ਅਖਰੋਟ ਖਾਣ ਦੇ ਮੁੱਖ ਫਾਇਦੇ
1. ਹਾਜ਼ਮੇ 'ਚ ਸੁਧਾਰ
ਭਿੱਜੇ ਹੋਏ ਅਖਰੋਟ ਆਸਾਨੀ ਨਾਲ ਹਜ਼ਮ ਹੁੰਦੇ ਹਨ ਅਤੇ ਪੇਟ ਨੂੰ ਭਾਰੀ ਨਹੀਂ ਕਰਦੇ। ਇਹ ਪੇਟ ਦੀ ਗੈਸ ਜਾਂ ਅਪਚ ਨੂੰ ਘਟਾਉਣ 'ਚ ਮਦਦ ਕਰਦੇ ਹਨ। ਸਵੇਰੇ ਖਾਲੀ ਪੇਟ ਖਾਣ ਨਾਲ ਹਾਜ਼ਮਾ ਤੰਤਰ ਮਜ਼ਬੂਤ ਹੁੰਦਾ ਹੈ ਅਤੇ ਖਾਣਾ ਠੀਕ ਤਰੀਕੇ ਨਾਲ ਹਜ਼ਮ ਹੁੰਦਾ ਹੈ।
ਇਹ ਵੀ ਪੜ੍ਹੋ : Activa ਅਤੇ Splendor ਦੀਆਂ ਕੀਮਤਾਂ 'ਚ ਆਈ ਭਾਰੀ ਗਿਰਾਵਟ, ਜਾਣੋ ਕਿੰਨੇ ਹੋਏ ਸਸਤੇ
2. ਦਿਮਾਗੀ ਸਿਹਤ ਅਤੇ ਯਾਦਦਾਸ਼ਤ ਵਧਾਏ
ਅਖਰੋਟ ਓਮੇਗਾ-3 ਫੈਟੀ ਐਸਿਡ ਨਾਲ ਭਰਪੂਰ ਹੁੰਦੇ ਹਨ, ਜੋ ਦਿਮਾਗ ਦੀ ਕਾਰਗੁਜ਼ਾਰੀ ਅਤੇ ਯਾਦਦਾਸ਼ਤ ਵਧਾਉਂਦੇ ਹਨ। ਰੋਜ਼ਾਨਾ 5-6 ਭਿੱਜੇ ਹੋਏ ਅਖਰੋਟ ਖਾਣ ਨਾਲ ਧਿਆਨ ਕੇਂਦਰਿਤ ਹੋਣਾ ਅਤੇ ਮਾਨਸਿਕ ਸਪੱਸ਼ਟਤਾ ਸੁਧਰਦੀ ਹੈ ਅਤੇ ਥਕਾਵਟ ਘੱਟ ਮਹਿਸੂਸ ਹੁੰਦੀ ਹੈ।
3. ਹੱਡੀਆਂ ਅਤੇ ਜੋੜਾਂ ਲਈ ਲਾਭਦਾਇਕ
ਅਖਰੋਟ 'ਚ ਕੈਲਸ਼ੀਅਮ ਅਤੇ ਮੈਗਨੀਸ਼ੀਅਮ ਭਰਪੂਰ ਮਾਤਰਾ 'ਚ ਹੁੰਦੇ ਹਨ, ਜੋ ਹੱਡੀਆਂ ਨੂੰ ਮਜ਼ਬੂਤ ਬਣਾਉਂਦੇ ਹਨ ਅਤੇ ਜੋੜਾਂ ਦੇ ਦਰਦ ਜਾਂ ਕਮਜ਼ੋਰੀ ਨੂੰ ਘਟਾਉਂਦੇ ਹਨ। ਇਹ ਖਾਸ ਕਰਕੇ ਉਮਰਦਰਾਜ਼ ਲੋਕਾਂ ਲਈ ਬਹੁਤ ਫਾਇਦੇਮੰਦ ਹੈ।
4. ਊਰਜਾ ਅਤੇ ਤਾਜ਼ਗੀ ਵਧਾਏ
ਸਵੇਰੇ ਖਾਲੀ ਪੇਟ ਭਿੱਜੇ ਹੋਏ ਅਖਰੋਟ ਖਾਣ ਨਾਲ ਦਿਨ ਭਰ ਸਰੀਰ 'ਚ ਊਰਜਾ ਬਣੀ ਰਹਿੰਦੀ ਹੈ। ਇਹ ਸਿਰਫ਼ ਥਕਾਵਟ ਹੀ ਨਹੀਂ ਘਟਾਉਂਦੇ, ਸਗੋਂ ਮਾਨਸਿਕ ਅਤੇ ਸਰੀਰਕ ਸਰਗਰਮੀ ਵੀ ਬਣਾਈ ਰੱਖਦੇ ਹਨ।
ਇਹ ਵੀ ਪੜ੍ਹੋ : WhatsApp ਨੂੰ ਟੱਕਰ ਦੇਣ ਆਇਆ ਹੈ ਇਹ ਨਵਾਂ ਐਪ, ਲਾਂਚ ਹੁੰਦੇ ਹੀ ਬਣਿਆ No.1
ਭਿੱਜੇ ਹੋਏ ਅਖਰੋਟ ਕਿਵੇਂ ਖਾਏ
- ਰਾਤ ਭਰ ਰੱਖੋ ਭਿਓ ਕੇ: 5-6 ਅਖਰੋਟ ਰਾਤ ਭਰ ਪਾਣੀ 'ਚ ਭਿਓ ਦਿਓ।
- ਸਵੇਰੇ ਖਾਲੀ ਪੇਟ ਖਾਓ: ਸਵੇਰੇ ਉੱਠ ਕੇ ਚਬਾ ਕੇ ਖਾਓ।
- ਸਵਾਦ ਵਧਾਉਣ ਲਈ: ਚਾਹੋ ਤਾਂ ਹਲਕਾ ਸ਼ਹਿਦ ਮਿਲਾ ਸਕਦੇ ਹੋ।
- ਹਫ਼ਤੇ 'ਚ ਰੋਜ਼ਾਨਾ 5-6 ਭਿੱਜੇ ਹੋਏ ਅਖਰੋਟ ਖਾਣੇ ਕਾਫੀ ਹਨ।
ਭਿੱਜੇ ਹੋਏ ਅਖਰੋਟ ਸਿਰਫ ਇਕ ਨਟ ਨਹੀਂ, ਸਗੋਂ ਸਿਹਤ ਅਤੇ ਦਿਮਾਗ ਦਾ ਸੁਪਰਫੂਡ ਹਨ। ਰੋਜ਼ਾਨਾ ਇਹ ਛੋਟੀ ਆਦਤ ਤੁਹਾਡੇ ਜੀਵਨ 'ਚ ਨਵੀਂ ਊਰਜਾ, ਮਾਨਸਿਕ ਸਪੱਸ਼ਟਤਾ ਅਤੇ ਤਾਜ਼ਗੀ ਲਿਆ ਸਕਦੀ ਹੈ। ਇਸ ਨੂੰ ਆਪਣੀ ਡੇਲੀ ਰੁਟੀਨ 'ਚ ਸ਼ਾਮਲ ਕਰਕੇ ਆਪਣੀ ਜੀਵਨਸ਼ੈਲੀ ਹੋਰ ਸਿਹਤਮੰਦ ਬਣਾਈ ਜਾ ਸਕਦੀ ਹੈ।
ਨੋਟ– ਇਹ ਆਰਟੀਕਲ ਸਿਰਫ਼ ਆਮ ਜਾਣਕਾਰੀ ਲਈ ਹੈ। ਆਪਣੀ ਖੁਰਾਕ ਵਿੱਚ ਕੋਈ ਬਦਲਾਅ ਕਰਨ, ਕਿਸੇ ਵੀ ਬਿਮਾਰੀ ਨਾਲ ਸਬੰਧਤ ਕੋਈ ਵੀ ਉਪਾਅ ਕਰਨ ਜਾਂ ਕੋਈ ਵੀ ਘਰੇਲੂ ਨੁਸਖਾ ਅਪਣਾਉਣ ਤੋਂ ਪਹਿਲਾਂ ਆਪਣੇ ਡਾਕਟਰ ਦੀ ਸਲਾਹ ਜ਼ਰੂਰ ਲਓ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਬੱਚੇ ਨੂੰ ਬੁਖ਼ਾਰ ਹੋਣ 'ਤੇ ਮਾਪੇ ਹਮੇਸ਼ਾ ਕਰਦੇ ਹਨ ਇਹ 4 ਗਲਤੀਆਂ, ਸਿਹਤ 'ਤੇ ਪੈ ਸਕਦੈ ਬੁਰਾ ਅਸਰ
NEXT STORY 
