ਮੁੰਬਈ- ਗਰਮੀਆਂ ਦੇ ਮੌਸਮ ਵਿਚ ਮੁਟਿਆਰਾਂ ਅਤੇ ਔਰਤਾਂ ਪ੍ਰਿੰਟਿਡ ਡ੍ਰੈਸਿਜ਼ ਜ਼ਿਆਦਾ ਪਹਿਨਣਾ ਪਸੰਦ ਕਰਦੀਆਂ ਹਨ। ਇਨ੍ਹਾਂ ਵਿਚ ਉਨ੍ਹਾਂ ਨੂੰ ਫਲਾਵਰ ਪ੍ਰਿੰਟ ਤੋਂ ਲੈ ਕੇ ਲਾਈਨ ਪ੍ਰਿੰਟ, ਡਾਟ ਪ੍ਰਿੰਟ ਅਤੇ ਹੋਰ ਕਈ ਪ੍ਰਿੰਟਿਡ ਡ੍ਰੈਸਿਜ਼ ਵਿਚ ਦੇਖਿਆ ਜਾ ਸਕਦਾ ਹੈ। ਅੱਜਕੱਲ ਮੁਟਿਆਰਾਂ ਅਤੇ ਔਰਤਾਂ ਨੂੰ ਡਾਟ ਪ੍ਰਿੰਟਿਡ ਡ੍ਰੈਸਿਜ਼ ਬਹੁਤ ਪਸੰਦ ਆ ਰਹੀਆਂ ਹਨ। ਖਾਸ ਕਰ ਕੇ ਵੈਸਟਰਨ ਡ੍ਰੈਸਿਜ਼ ਵਿਚ ਉਨ੍ਹਾਂ ਨੂੰ ਡਾਟ ਪ੍ਰਿੰਡ ਦੇ ਤਰ੍ਹਾਂ-ਤਰ੍ਹਾਂ ਦੇ ਟਾਪ ਵਿਚ ਦੇਖਿਆ ਜਾ ਸਕਦਾ ਹੈ। ਡਾਟ ਪ੍ਰਿੰਟਿਡ ਟਾਪ ਮੁਟਿਆਰਾਂ ਨੂੰ ਸਟਾਈਲਿਸ਼ ਅਤੇ ਫੈਸ਼ਨੇਬਲ ਬਣਾਉਂਦਾ ਹੈ। ਇਹ ਵੱਖ-ਵੱਖ ਰੰਗਾਂ ਵਿਚ ਆਉਂਦੇ ਹਨ। ਇਹ ਪਹਿਨਣ ਵਿਚ ਬਹੁਤ ਆਰਾਮਦਾਇਕ ਹੁੰਦੇ ਹਨ ਅਤੇ ਗਰਮੀਆਂ ਵਿਚ ਮੁਟਿਆਰਾਂ ਦੀ ਲੁਕ ਨੂੰ ਨਿਖਾਰਦੇ ਹਨ।
ਅੱਜਕਲ ਇਸ ਪ੍ਰਿੰਟ ਵਿਚ ਹਾਲਟਰ ਨੈੱਕ, ਰਾਊਂਡ ਨੈੱਕ ਆਦਿ ਡਿਜ਼ਾਈਨ ਦੇ ਸਲੀਵਲੈੱਸ ਟਾਪ ਜ਼ਿਆਦਾ ਟਰੈਂਡ ਵਿਚ ਹਨ ਕਿਉਂਕਿ ਇਹ ਮੁਟਿਆਰਾਂ ਨੂੰ ਗਰਮੀ ਤੋਂ ਰਾਹਤ ਪਹੁੰਚਾਉਣ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਸਟਾਈਲਿਸ਼ ਦਿਖਾਉਂਦੇ ਹਨ। ਇਨ੍ਹਾਂ ਟਾਪ ਨੂੰ ਮੁਟਿਆਰਾਂ ਜੀਨਸ ਤੋਂ ਲੈ ਕੇ ਲੈਗਿੰਗਸ, ਸਕਰਟ, ਸ਼ਾਰਟਸ, ਟ੍ਰਾਊਜਰ ਤੇ ਫਾਰਮਲ ਪੈਂਟ ਨਾਲ ਵੀ ਸਟਾਈਲ ਕਰ ਰਹੀਆਂ ਹਨ। ਮੁਟਿਆਰਾਂ ਡਾਟ ਪ੍ਰਿੰਟਿਡ ਟਾਪ ਨੂੰ ਕੈਜੂਅਲ ਜਿਵੇਂ ਸ਼ਾਪਿੰਗ, ਪਿਕਨਿਕ, ਆਊਟਿੰਗ ਦੇ ਨਾਲ-ਨਾਲ ਪਾਰਟੀ, ਦਫਤਰ, ਇੰਟਰਵਿਊ, ਮੀਟਿੰਗ ਆਦਿ ਵਿਚ ਵੀ ਪਹਿਨਣਾ ਪਸੰਦ ਕਰ ਰਹੀਆਂ ਹਨ। ਡਾਟ ਪ੍ਰਿੰਟਿਡ ਟਾਪ ਕਈ ਡਿਜ਼ਾਈਨਾਂ ਵਿਚ ਆਉਂਦੇ ਹਨ ਜਿਵੇਂ ਪੋਲਕਾ ਡਾਟਸ ਇਕ ਕਲਾਸਿਕ ਡਿਜ਼ਾਈਨ ਹੈ ਜਿਸ ਵਿਚ ਇਕੋ ਜਿਹੇ ਡਾਟਸ ਹੁੰਦੇ ਹਨ। ਮਿਨੀ ਡਾਟਸ ਇਕ ਛੋਟਾ ਅਤੇ ਆਕਰਸ਼ਕ ਡਿਜ਼ਾਈਨ ਹੈ ਜਿਸ ਵਿਚ ਛੋਟੇ ਡਾਟਸ ਹੁੰਦੇ ਹਨ। ਲਾਰਜ ਡਾਟਸ ਇਕ ਬੋਲਡ ਡਿਜ਼ਾਈਨ ਹੈ ਜਿਸ ਵਿਚ ਵੱਡੇ ਡਾਟਸ ਹੁੰਦੇ ਹਨ। ਮਿਕਸਡ ਡਾਟਸ ਇਕ ਅਨੋਖਾ ਡਿਜ਼ਾਈਨ ਹੈ ਜਿਸ ਵਿਚ ਵੱਖ-ਵੱਖ ਆਕਾਰ ਦੇ ਡਾਟਸ ਹੁੰਦੇ ਹਨ।
ਇਨ੍ਹਾਂ ਨਾਲ ਮੁਟਿਆਰਾਂ ਆਪਣੀ ਲੁਕ ਨੂੰ ਹੋਰ ਜ਼ਿਆਦਾ ਸੁੰਦਰ ਬਣਾਉਣ ਲਈ ਤਰ੍ਹਾਂ-ਤਰ੍ਹਾਂ ਦੀ ਅਸੈਸਰੀਜ਼ ਜਿਵੇਂ ਵਾਚ, ਬ੍ਰੈਸਲੇਟ, ਰਿੰਗ, ਚੇਨ, ਬੈਗ ਆਦਿ ਨੂੰ ਕੈਰੀ ਕਰ ਰਹੀਆਂ ਹਨ। ਹੇਅਰ ਸਟਾਈਲ ਵਿਚ ਮੁਟਿਆਰਾਂ ਇਨ੍ਹਾਂ ਨਾਲ ਓਪਨ ਹੇਅਰ ਤੋਂ ਲੈ ਕੇ ਪੋਨੀ, ਮੈੱਸੀ ਬਨ ਆਦਿ ਕਰਨਾ ਪਸੰਦ ਕਰ ਰਹੀਆਂ ਹਨ। ਫੁਟਵੀਅਰ ਵਿਚ ਮੁਟਿਆਰਾਂ ਨੂੰ ਸਨੀਕਰਸ, ਹੀਲਸ ਅਤੇ ਸੈਂਡਲ ਪਹਿਨੇ ਦੇਖਿਆ ਜਾ ਸਕਦਾ ਹੈ।
ਮੁਟਿਆਰਾਂ ਨੂੰ ਸਟਾਈਲਿਸ਼ ਤੇ ਕੂਲ ਲੁਕ ਦੇ ਰਹੇ ਹਨ ਟੈਂਕ ਟਾਪ
NEXT STORY 
