ਸਿਰਸਾ/ਬਠਿੰਡਾ(ਬਲਵਿੰਦਰ,ਰਾਕੇਸ਼)— ਸਿਰਸਾ ਜ਼ਿਲੇ ਦੇ ਚਕੇਰੀਆਂ ਪਿੰਡ ਦੇ ਲੱਕੜਵਾਲੀ ਰੋਡ ਤੋਂ 256 ਪਾਸਪੋਰਟ ਮਿਲਣ ਦੀ ਖਬਰ ਸਾਹਮਣੇ ਆਈ ਹੈ। ਇਨ੍ਹਾਂ ਪਾਸਪੋਰਟਾਂ ਨੂੰ ਦੇਖ ਪੁਲਸ ਵੀ ਹੈਰਾਨ ਰਹਿ ਗਈ। ਕਾਲਾਂਵਲੀ ਥਾਣਾ ਪੁਲਸ ਸਾਰੇ ਪਾਸਪੋਰਟ ਆਪਣੇ ਕਬਜ਼ੇ 'ਚ ਲੈ ਕੇ ਲਿਸਟ ਬਣਾਉਣ 'ਚ ਜੁਟ ਗਈ ਹੈ।
ਥਾਣਾ ਇੰਚਾਰਜ ਨੇ ਦੱਸਿਆ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਜਲਦੀ ਹੀ ਪੁਲਸ ਪਾਸਪੋਰਟ ਦਫਤਰ ਤੋਂ ਇਨ੍ਹਾਂ ਦਾ ਪੂਰਾ ਰਿਕਾਰਡ ਪਤਾ ਕਰੇਗੀ। ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਇਹ ਮਾਮਲਾ ਡੇਰਾ ਸੱਚਾ ਸੌਦਾ ਨਾਲ ਜੁੜਿਆ ਹੋ ਸਕਦਾ ਹੈ ਪਰ ਜਦੋਂ ਤੱਕ ਪੁਲਸ ਵੱਲੋਂ ਕੋਈ ਜਾਂਚ ਨਹੀਂ ਹੋ ਜਾਂਦੀ, ਉਦੋਂ ਤੱਕ ਕੁਝ ਵੀ ਨਹੀਂ ਕਿਹਾ ਜਾ ਸਕਦਾ।
ਦੱਸਿਆ ਜਾ ਰਿਹਾ ਹੈ ਕਿ ਪਾਸਪੋਰਟ ਦੀ ਖਬਰ ਸੁਣ ਕੇ ਲੁਧਿਆਣਾ ਤੋਂ 5 ਲੋਕ ਕਾਲਾਂਵਲੀ ਪਹੁੰਚੇ ਹਨ। ਪਾਸਪੋਰਟ ਲੈਣ ਆਏ ਲੋਕਾਂ ਦਾ ਕਹਿਣਾ ਹੈ ਕਿ ਪਾਸਪੋਰਟ ਲੁਧਿਆਣਾ ਦੀ ਇਕ ਕੰਪਨੀ ਨੇ ਵੀਜ਼ਾ ਲਗਵਾਉਣ ਲਈ ਲਏ ਸਨ। ਫਿਲਹਾਲ ਕਾਲਾਂਵਲੀ ਪੁਲਸ ਇਸ ਨੂੰ ਲੈ ਕੇ ਜਾਂਚ ਕਰ ਰਹੀ ਹੈ। ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਕੁਝ ਸਮਾਂ ਪਹਿਲਾਂ ਬਠਿੰਡਾ ਤੋਂ 254 ਪਾਸਪੋਰਟ ਚੋਰੀ ਹੋਏ ਸਨ, ਹੋ ਸਕਦਾ ਹੈ ਕਿ ਇਹ ਪਾਸਪੋਰਟ ਉਹ ਹੀ ਹੋਣ। ਇਸ ਦੇ ਨਾਲ ਕੁਝ ਪੰਜਾਬ ਦੇ ਆਧਾਰ ਕਾਰਡ ਵੀ ਮਿਲੇ ਹਨ।
ਕਾਵੇਰੀ ਦੇ ਪਾਣੀ ਨੂੰ ਪ੍ਰਦੂਸ਼ਿਤ ਕਰ ਰਿਹਾ ਹੈ ਕਰਨਾਟਕ
NEXT STORY 
