ਐਂਟਰਟੇਨਮੈਂਟ ਡੈਸਕ- ਮਸ਼ਹੂਰ ਹਸਤੀਆਂ ਆਪਣੀ ਕੋਈ ਨਾ ਕੋਈ ਵਜ੍ਹਾ ਕਾਰਨ ਹਮੇਸ਼ਾ ਚਰਚਾ 'ਚ ਰਹਿੰਦੀਆਂ ਹਨ। ਅੱਜ ਅਸੀਂ ਗੱਲ ਕਰ ਰਹੇ ਮਸ਼ਹੂਰ ਗਾਇਕ ਕੈਲਾਸ਼ ਖੇਰ ਦੀ ਜੋ ਸੋਮਵਾਰ ਭਾਵ ਅੱਜ ਆਪਣਾ ਜਨਮਦਿਨ ਮਨਾ ਰਹੇ ਹਨ,ਉਹ ਵੀ ਬਿਨਾਂ ਕੇਕ ਕੱਟੇ। ਆਓ ਜਾਣਦੇ ਹਾਂ ਕਿ ਗਾਇਕ ਆਪਣੇ ਜਨਮਦਿਨ 'ਤੇ ਕੇਕ ਕੱਟਣ ਦੀ ਬਜਾਏ ਇਸ ਦਿਨ ਨੂੰ ਕਿਵੇਂ ਮਨਾਉਂਦੇ ਹਨ।
ਕੈਲਾਸ਼ ਖੇਰ ਬਾਲੀਵੁੱਡ ਵਿੱਚ ਆਪਣੇ ਅਧਿਆਤਮਿਕ ਅਤੇ ਸੂਫੀ ਅੰਦਾਜ਼ ਦੇ ਗੀਤਾਂ ਲਈ ਜਾਣੇ ਜਾਂਦੇ ਹਨ। ਕੈਲਾਸ਼ ਸੋਮਵਾਰ ਨੂੰ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਜਾਣੋ ਉਨ੍ਹਾਂ ਨੇ ਆਪਣੇ ਜਨਮਦਿਨ ਬਾਰੇ ਕਿਸ ਤਰ੍ਹਾਂ ਦਾ ਖੁਲਾਸਾ ਕੀਤਾ ਜਿਸਨੇ ਲੋਕਾਂ ਨੂੰ ਹੈਰਾਨ ਕਰ ਦਿੱਤਾ।
ਮਸ਼ਹੂਰ ਬਾਲੀਵੁੱਡ ਗਾਇਕ ਕੈਲਾਸ਼ ਖੇਰ ਅੱਜ ਆਪਣਾ 53ਵਾਂ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ ਦਿੱਲੀ ਦੇ ਇੱਕ ਮੱਧ ਵਰਗੀ ਪਰਿਵਾਰ ਵਿੱਚ ਹੋਇਆ ਸੀ। ਸਿਰਫ਼ 12 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੇ ਆਤਮਿਕ ਸ਼ਾਂਤੀ ਅਤੇ ਮਿਊਜ਼ਿਕ ਦੀ ਭਾਲ ਵਿੱਚ ਆਪਣਾ ਘਰ ਛੱਡ ਦਿੱਤਾ ਸੀ। ਕੈਲਾਸ਼ ਨੇ ਮਿਊਜ਼ਿਕ ਵਿੱਚ ਪੱਤਰ ਵਿਹਾਰ ਕੋਰਸ ਨਾਲ ਦਿੱਲੀ ਯੂਨੀਵਰਸਿਟੀ ਤੋਂ ਆਪਣੀ ਗ੍ਰੈਜੂਏਸ਼ਨ ਪੂਰੀ ਕੀਤੀ। ਗਾਇਕ ਨੇ 2003 ਵਿੱਚ ਫਿਲਮ 'ਵਕਤ' ਦੇ ਇੱਕ ਗੀਤ 'ਅੱਲ੍ਹਾ ਕੇ ਬੰਦੇ' ਨੇ ਕੈਲਾਸ਼ ਨੂੰ ਰਾਤੋ-ਰਾਤ ਮਸ਼ਹੂਰ ਕਰ ਦਿੱਤਾ। ਇਸ ਗੀਤ ਨੂੰ ਅਜੇ ਵੀ ਉਨ੍ਹਾਂ ਦੇ ਕਰੀਅਰ ਦਾ ਸਭ ਤੋਂ ਵੱਡਾ ਟਰਨਿੰਗ ਪੁਆਇੰਟ ਮੰਨਿਆ ਜਾਂਦਾ ਹੈ।
ਕੈਲਾਸ਼ ਨੇ ਹੁਣ ਤੱਕ 21 ਭਾਸ਼ਾਵਾਂ ਵਿੱਚ 2000 ਤੋਂ ਵੱਧ ਗੀਤ ਗਾਏ ਹਨ। ਉਨ੍ਹਾਂ ਨੇ ਹਿੰਦੀ, ਤਾਮਿਲ, ਤੇਲਗੂ, ਕੰਨੜ ਵਰਗੀਆਂ ਭਾਸ਼ਾਵਾਂ ਵਿੱਚ ਗੀਤ ਗਾਏ ਹਨ। ਗਾਇਕ ਨੂੰ ਭਾਰਤ ਸਰਕਾਰ ਦੁਆਰਾ 'ਪਦਮ ਸ਼੍ਰੀ' ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਹੈ। ਇਸ ਤੋਂ ਇਲਾਵਾ, ਉਨ੍ਹਾਂ ਨੂੰ ਇੰਡਸਟਰੀ ਤੋਂ ਕਈ ਪੁਰਸਕਾਰ ਵੀ ਮਿਲ ਚੁੱਕੇ ਹਨ।
ਕੈਲਾਸ਼ ਨੇ ਦੱਸਿਆ ਸੀ ਕਿ ਉਨ੍ਹਾਂ ਨੂੰ ਦੂਜਿਆਂ ਵਾਂਗ ਆਪਣੇ ਜਨਮਦਿਨ 'ਤੇ ਕੇਕ ਕੱਟਣਾ ਪਸੰਦ ਨਹੀਂ ਹੈ। ਸਗੋਂ, ਉਹ ਕੇਕ ਕੱਟਣ ਦੀ ਬਜਾਏ, ਆਪਣਾ ਜਨਮਦਿਨ ਯੱਗ ਅਤੇ ਹਵਨ ਸ਼ਾਂਤੀ ਨਾਲ ਮਨਾਉਂਦੇ ਹਨ।
ਫਿਲਮ 'ਆਂਖੋਂ ਕੀ ਗੁਸਤਾਖੀਆਂ' ਦਾ ਗੀਤ 'ਅਲਵਿਦਾ' ਰਿਲੀਜ਼
NEXT STORY 
