ਬਿਜ਼ਨੈੱਸ ਨਿਊਜ਼- ਭਾਰਤ ਦੀ ਮੋਹਰੀ ਪ੍ਰੀਮੀਅਮ ਸਮਾਰਟ ਮੋਬਿਲਿਟੀ ਸਾਲਿਊਸ਼ਨ ਦਾਤਾ ਹੁੰਡਈ ਮੋਟਰ ਇੰਡੀਆ ਲਿਮਟਿਡ (ਐੱਚ. ਐੱਮ. ਆਈ. ਐੱਲ.) ਨੇ ਦੱਸਿਆ ਹੈ ਕਿ ਹੁੰਡਈ ਕ੍ਰੇਟਾ ਲਗਾਤਾਰ ਦੂਜੇ ਮਹੀਨੇ ਭਾਰਤੀ ਵਾਹਨ ਉਦਯੋਗ ’ਚ ਸਭ ਤੋਂ ਜ਼ਿਆਦਾ ਵਿਕਣ ਵਾਲੇ ਮਾਡਲ ਵਜੋਂ ਸਾਹਮਣੇ ਆਈ ਹੈ।
ਅਪ੍ਰੈਲ, 2025 ’ਚ ਹੁੰਡਈ ਕ੍ਰੇਟਾ ਦੀ ਕੁੱਲ 17,016 ਯੂਨਿਟਸ ਦੀ ਵਿਕਰੀ ਹੋਈ, ਜੋ ਸਾਲਾਨਾ ਆਧਾਰ ’ਤੇ (ਅਪ੍ਰੈਲ, 2024 ਦੇ ਮੁਕਾਬਲੇ) 10.2 ਫ਼ੀਸਦੀ ਜ਼ਿਆਦਾ ਹੈ। ਦੇਸ਼ ’ਚ ਐੱਸ. ਯੂ. ਵੀ. ਸੈਗਮੈਂਟ ’ਚ ਨਵੇਂ ਮਾਪਦੰਡ ਸਥਾਪਤ ਕਰਦੇ ਹੋਏ ਹੁੰਡਈ ਕ੍ਰੇਟਾ ਨੇ ਜਨਵਰੀ ਤੋਂ ਅਪ੍ਰੈਲ, 2025 ਦੌਰਾਨ ਕੁੱਲ 69,914 ਯੂਨਿਟਸ ਦੀ ਵਿਕਰੀ ਨਾਲ ਭਾਰਤ ਦੀ ਬੈਸਟ ਸੈਲਿੰਗ ਐੱਸ. ਯੂ. ਵੀ. ਵਜੋਂ ਆਪਣੀ ਸਥਿਤੀ ਨੂੰ ਵੀ ਕਾਇਮ ਰੱਖਿਆ ਹੈ।
ਇਹ ਪ੍ਰਾਪਤੀ ਬ੍ਰਾਂਡ ਕ੍ਰੇਟਾ ’ਚ ਗਾਹਕਾਂ ਦੇ ਭਰੋਸੇ ਦਾ ਪ੍ਰਤੀਕ ਹੈ। ਕ੍ਰੇਟਾ ਦੇ ਇਸ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਅਪ੍ਰੈਲ, 2025 ’ਚ ਐੱਚ. ਐੱਮ. ਆਈ. ਐੱਲ. ਦੀ ਘਰੇਲੂ ਵਿਕਰੀ ’ਚ ਐੱਸ. ਯੂ. ਵੀ. ਦੀ ਹਿੱਸੇਦਾਰੀ ਹੁਣ ਤੱਕ ਦੇ ਸਭ ਤੋਂ ਉੱਚੇ ਪੱਧਰ 70.9 ਫ਼ੀਸਦੀ ’ਤੇ ਪਹੁੰਚ ਗਈ।
ਇਹ ਹੁੰਡਈ ਦੀ ਐੱਸ. ਯੂ. ਵੀ. ਲਾਈਨਅਪ ’ਚ ਗਾਹਕਾਂ ਦੇ ਵਧਦੇ ਭਰੋਸੇ ਨੂੰ ਦਰਸਾਉਂਦਾ ਹੈ, ਜਿਸ ਦੀ ਅਗਵਾਈ ਕ੍ਰੇਟਾ ਨੇ ਸੰਭਾਲੀ ਹੈ ਅਤੇ ਵੈਨਿਊ, ਐਕਸਟਰ, ਅਲਕਾਜ਼ਾਰ ਅਤੇ ਹੋਰ ਮਾਡਲਾਂ ਨਾਲ ਇਸ ਨੂੰ ਮਦਦ ਮਿਲੀ ਹੈ।
ਜੇ ਤੋੜਿਆ ਟ੍ਰੈਫਿਕ ਨਿਯਮ ਤਾਂ ਸਸਪੈਂਡ ਹੋਵੇਗਾ Driving Licence! ਜਾਣੋ ਕੀ ਹੈ ਨਵਾਂ ਪੁਆਇੰਟ ਸਿਸਟਮ
NEXT STORY 
